ប្រទេសកូរ៉េខាងជើង ៖ ប្រទេសកូរ៉េខាងជើងថ្លែងកាលពីថ្ងៃទី១៤ ឧសភាថា ការចាប់នាវាដឹកទំនិញ១គ្រឿងក្នុងចំណោមនាវាដឹកទំនិញទាំងឡាយរបស់ប្រទេសនេះដោយអាមេរិក គឺជាអំពើខុសច្បាប់មួយហើយផ្ទុយទៅនឹងស្មារតី នៃកិច្ចប្រជុំកំពូលរវាងមេដឹកនាំកូរ៉េខាងជើង លោកគីមជុងអ៊ុន និងប្រធានាធិបតីអាមេរិក លោកដូណាល់ត្រាំ។…
ប្រទេសកូរ៉េខាងជើង ៖ ប្រទេសកូរ៉េខាងជើងថ្លែងកាលពីថ្ងៃទី១៤ ឧសភាថា ការចាប់នាវាដឹកទំនិញ១គ្រឿងក្នុងចំណោមនាវាដឹកទំនិញទាំងឡាយរបស់ប្រទេសនេះដោយអាមេរិក គឺជាអំពើខុសច្បាប់មួយហើយផ្ទុយទៅនឹងស្មារតី នៃកិច្ចប្រជុំកំពូលរវាងមេដឹកនាំកូរ៉េខាងជើង លោកគីមជុងអ៊ុន និងប្រធានាធិបតីអាមេរិក លោកដូណាល់ត្រាំ។
ក្រសួងយុត្តិធម៌អាមេរិកប្រកាលកាលពីសប្ដាហ៍មុន ពីការចាប់នាវាដឹកទំនិញ១គ្រឿង របស់កូរ៉េខាងជើង ដែលសង្ស័យនាំចូលធ្យូងថ្ម ដោយរំលោភបំពានទណ្ឌកម្មរបស់សហរដ្ឋអាមេរិកនិងរបស់អ.ស.ប។
នាវាចំណុះ១៧.០៦១តោនមានឈ្មោះថាWISE HONEST ជានាវាសំខាន់មួយក្នុងចំណោមនាវាដឹកទំនិញរបស់កូរ៉េខាងជើង ត្រូវចាប់តាំងពីខែមេសាឆ្នាំ២០១៨មក ក្នុងប្រទេសឥណ្ឌូណេស៊ី។ ក្នុងសេចក្ដីប្រកាសមួយក្រសួងការបរទេសកូរ៉េខាងជើង បានបរិហារដំណោះស្រាយអ.ស.បដែលអាមេរិកយកប្រើថា ជាការរំលោភបំពានលើអធិបតេយ្យភាពរបស់ខ្លួន ហើយស្នើឲ្យប្រគល់នាវានោះមកឲ្យកូរ៉េខាងជើងវិញ៕
ចែករំលែកព័តមាននេះ