ប្រទេសប៉ាគីស្ថាន ៖ កងទ័ពប៉ាគីស្ថានរាយការណ៍កាលពីថ្ងៃទី១២ឧសភាថា កងកម្លាំងសន្តិសុខបា៉គីស្ថាន បានសម្លាប់ជនបះបោរបំបែកខ្លួននិយមទាំង៣នាក់ ដែលកាលពីថ្ងៃទី១១ឧសភាបានវាយប្រហារ ក្នុងសណ្ឋាគារទំនើបមួយនៃទីក្រុងកំពង់ផែGHADAR។ កងកុំម៉ង់ដូប្រដាប់អាវុធមួយក្រុមមានគ្នា៣នាក់ ស្លៀកពាក់់ឯកសណ្ឋានយោធាបានបន្លំលុកចូល ក្នុងសណ្ឋាគារផ្កាយ៥PEARL…
ប្រទេសប៉ាគីស្ថាន ៖ កងទ័ពប៉ាគីស្ថានរាយការណ៍កាលពីថ្ងៃទី១២ឧសភាថា កងកម្លាំងសន្តិសុខបា៉គីស្ថាន បានសម្លាប់ជនបះបោរបំបែកខ្លួននិយមទាំង៣នាក់ ដែលកាលពីថ្ងៃទី១១ឧសភាបានវាយប្រហារ ក្នុងសណ្ឋាគារទំនើបមួយនៃទីក្រុងកំពង់ផែGHADAR។
កងកុំម៉ង់ដូប្រដាប់អាវុធមួយក្រុមមានគ្នា៣នាក់ ស្លៀកពាក់់ឯកសណ្ឋានយោធាបានបន្លំលុកចូល ក្នុងសណ្ឋាគារផ្កាយ៥PEARL CONTINENTAL ដោយសម្លាប់អ្នកយាម៣នាក់និងនិយោជិតសណ្ឋាគារម្នាក់ ព្រមទាំងទាហានម៉ារីនម្នាក់។ ពួកបះបោរបានឡើងទៅកាន់ជាន់លើគេបំផុតនៃសណ្ឋាគារ បន្ទាប់ពីកងកម្លាំងសន្តិសុខលើកទៅដល់។ ភ្ញៀវទាំងអស់នៃសណ្ឋាគារត្រូវបានជម្លៀសចេញ ហើយពួកអ្នកវាយប្រហារត្រូវជម្រុញឲ្យរត់ចូលក្នុងបន្ទប់ជណ្ដើរមួយ។
ក្នុងសេចក្ដីប្រកាសមួយកងទ័ពប៉ាគីស្ថានថ្លែងកាលពីថ្ងៃទី១២ឧសភាថា កងកម្លាំងសន្តិសុខបានបង្ហើយប្រតិបត្តិការបោសសម្អាត ព្រមទាំងអះអាងថា ជនវាយប្រហារទាំង៣នាក់ត្រូវសម្លាប់។ ក្រុមបះបោរកងទ័ពរំដោះបាលូតជីស្ថាន បានប្រកាសទទួលខុសត្រូវចំពោះការវាយប្រហារនេះដោយគូសបញ្ជាក់ថា គឺសំដៅលើពួកចិននិងពួកអ្នកវិនិយោគបរទេសឯទៀតៗ។
ស្ថិតនៅភាគនិរតីប៉ាគីស្ថាន ខេត្តបាលូតជីស្ថាន មានព្រំដែនជាប់អីុរ៉ង់និងអាហ្វហ្គានីស្ថាន ជាខេត្តក្រីក្រជាងគេបំផុតរបស់ប្រទេស តែជាតំបន់សម្បូរដោយធនធានឧស្ម័នធម្មជាតិនិងរ៉ែនានា។ ក្រុមកងទ័ពរំដោះបាលូតជីស្ថាននិយាយថា ខ្លួនប្រយុទ្ធប្រឆាំងការធ្វើអាជីវកម្ម មិនស្មើភាពនៃធនធានធម្មជាតិរបស់តំបន់។
ក្រុងGHADARជាក្រុងកំពង់ផែយុទ្ធសាស្ត្រមួយ ស្ថិតនៅជាប់មាត់សមុទ្រអូម៉ង់ ហើយទីនោះជាផ្នែកមួយនៃគម្រោង តំំបន់សេដ្ឋកិច្ចពិសេសចិន-ប៉ាគីស្ថាន ដែលត្រូវចំណាយប្រាក់ប្រមាណជា៦០ពាន់លានដុល្លារ និងក៏ជាផ្នែកមួយនៃមហាគម្រោងផ្លូវសូត្រថ្មីផងដែរ។
សណ្ឋាគារPEARL CONTINENTALស្ថិតលើកូនភ្នំមួយក្បែរកំពង់ផែ និយមចូលដោយពួកបរទេសពិសេសពួកអ្នករកស៊ីចិន ប៉ុន្តែក្នុងពេលវាយប្រហារពុំមានជនជាតិចិនណាម្នាក់ ស្នាក់នៅក្នុងសណ្ឋាគារនេះឡើយ៕
ចែករំលែកព័តមាននេះ