ADផ្ទាំងផ្សព្វផ្សាយពាណិជ្ជកម្ម

កំពុងឈប់ស្តុប ចិនមកដល់បុកគូទបន្តកន្ទុយគ្នាតាមផ្លូវព្រះមុនីវង្ស

6 ឆ្នាំ មុន

ភ្នំពេញ
១៣ ខែ ឧសភា ឆ្នាំ ២០១៩ ម៉ោង ១០:៣៥

រាជធានីភ្នំពេញ ៖ បុរសជាជនជាតិចិនម្នាក់បើកបររថយន្តក្នុងស្ថានភាពស្រវឹងជោកជ្រុលទៅបុកគូទរថយន្តមួយគ្រឿងម៉ាកឡិចស៊ីស GS300 កំពុងឈប់ស្តុបពេញទំហឹងបណ្តាលអោយរថយន្តម៉ាកឡិចស៊ីសនោះខ្ទាតទៅបុកនឹងគូទរថយន្តមួយគ្រឿងផ្សេងទៀតដែលឈប់នៅពីខាងមុខ បណ្តាលឲ្យរថយន្តទាំងពីររងការខូចខាតយ៉ាងដំណំ ។ ហេតុការណ៍ខាងលើនេះដែរបានកើតឡើងកាលពីវេលាម៉ោង១០និង៣០នាទីយប់ថ្ងៃទី១០ ខែឧសភា នៅតាមបណ្តោយផ្លូវព្រះមុនីវង្ស…

ហេតុការណ៍ខាងលើនេះដែរបានកើតឡើងកាលពីវេលាម៉ោង១០និង៣០នាទីយប់ថ្ងៃទី១០ ខែឧសភា នៅតាមបណ្តោយផ្លូវព្រះមុនីវង្ស ទល់នឹងក្រុមហ៊ុនរថយន្តមួយកន្លែង ស្ថិតក្នុងសង្កាត់បឹងត្របែក ខណ្ឌចំការមន។

រថយន្តបង្កម៉ាកឡែនគ្រូសស្ស័រ (Land Cruiser) ពណ៌ទឹកប្រាក់ ពាក់ស្លាកលេខ រដ្ឋ20.2:0106 បើកបរដោយបុរសជនជាតិចិនម្នាក់មិនស្គាល់អត្តសញ្ញាណ ។

តាមប្រភពព័ត៌មានពីអ្នកបើកបររថយន្តរងគ្រោះម៉ាកឡិចស៊ីស GS300 ពណ៌ស ពាក់ស្លាកលេខ ភ្នំពេញ ២AD-៨៥៥០ បានប្រាប់អោយដឹងថា មុនពេលកើតហេតុ គាត់បានធ្វើដំណើរតាមបណ្ដោយផ្លូវមហាវិថីព្រះមុនីវង្ស ក្នុងទិសដៅពីជើងទៅត្បូង លុះមកដល់កន្លែងកើតហេតុ ក៏ឈប់ស្តុប ខណៈនោះស្រាប់តែរថយន្តបង្កដែលធ្វើដំណើរមកពីក្រោយបានបុកគូទរថយន្តរបស់គាត់ពីក្រោយពេញទំហឹង បណ្តាលឲ្យក្រពឹត និងធ្លុះកាងខាងក្រោយ ។

តាមប្រភពដដែលបានបន្តថា រថយន្តរបស់គាត់ក៏ខ្ទាតទៅបុកគូទរថយន្តមួយគ្រឿងផ្សេងទៀត ពណ៌ប្រផេះ ពាក់ស្លាកលេខភ្នំពេញ ២AN-៣១៣៣ ដែលបើកបរដោយបុរសម្នាក់ បណ្តាលអោយរថយន្តគាត់ខ្ទេចមួយកំណាត់មុខថែមទៀត ចំណែករថយន្តមួយគ្រឿងពណ៌ប្រផេះបានរងការខូចខាតបែកកាងខាងក្រោយ ចំណែករថយន្តបង្កខូចខាតមួយកំណាត់មុខតិចតួច។

ក្រោយកើតហេតុភ្លាមៗ ខាងភាគីរថយន្តបង្កជាជនជាតិចិនស្រវឹងជោកនិយាយស្តាប់គ្នាមិនបាន ក៏ប្រគល់ទៅឱ្យខាងសមត្ថកិច្ចជំនាញមូលដ្ឋានធ្វើការយកទៅរក្សាទុកបណ្តោះអាសន្ននៅស្នងការដ្ឋាននគបាលចរាចណ៏ផ្លូវគោករាជធានីភ្នំពេញ រង់ចាំដោះស្រាយគ្នានៅពេលក្រោយ ៕