តាមប្រភពពីShanghaiist បានឱ្យដឹងថា បុរសម្នាក់ដែលជាតៃកុងឡាន នៅខេត្តជាំងស៊ូ ត្រូវបានប៉ូលិសរកឃើញមានជាតិអាល់កុលលើស តាមរយៈការផ្លុំខ្យល់ពិនិត្យ ។ គាត់បានបដិសេធថា មិនបានផឹកគ្រឿងស្រវឹងទាល់តែសោះ ហើយមុននោះ…
តាមប្រភពពីShanghaiist បានឱ្យដឹងថា បុរសម្នាក់ដែលជាតៃកុងឡាន នៅខេត្តជាំងស៊ូ ត្រូវបាន
ប៉ូលិសរកឃើញមានជាតិអាល់កុលលើស តាមរយៈការផ្លុំខ្យល់ពិនិត្យ ។ គាត់បានបដិសេធថា មិនបានផឹកគ្រឿងស្រវឹងទាល់តែសោះ ហើយមុននោះ គ្រាន់តែបានញ៉ាំធូរេនមុនពេលបើកបរ ។ ដោយសារតែចង់បញ្ជាក់ឱ្យច្បាស់ ប៉ូលិសបានសម្រេចចិត្តអនុញ្ញាតឱ្យបុរសម្នាក់នោះ ធ្វើតេស្តពិនិត្យឈាមរកជាតិអាល់កុលវិញម្តង។
អ្វីដែលគួរឱ្យភ្ញាក់ផ្អើល គឺគេរកមិនឃើញជាតិអាល់កុលនៅក្នុងឈាមទាល់តែសោះ។ វាជាលទ្ធផល ដែលច្បាស់ជាងការផ្លុំខ្យល់ ។ ប៉ូលិសបានទទួលស្គាល់ថា អ្វីដែលតៃកុងឡាននិយាយ គឺពិតប្រាកដមែន។
ព្រោះតែឆ្ងល់ពេក ប៉ូលីសបានសាកទទួលទានធូរេននៅមុខកាមេរ៉ា ដើម្បីធ្វើការពិសោធន៍។
ក្រោយពីទទួលទានរួច គាត់ក៏បានធ្វើតេស្តផ្លុំខ្យល់ ហើយឃើញថាកម្រិតអាល់កុលតាមមាត់ស្មើនឹង ០.០៣៦ ដែលលើសកម្រិតសមស្របនៅក្នុងប្រទេសចិន (០.០២)។ក្រោយពេលបីនាទី គាត់ក៏ធ្វើការពិនិត្យម្តងទៀត ហើយក៏ឃើញថា កម្រិតអាល់កុលបាត់ទៅទាំងស្រុង ។
ពួកគាត់បានទាញសេចក្តីសន្និដ្ឋានថា អាហារផ្លែឈើ ឬទឹកថ្នាំខ្ពុលមាត់ខ្លះ អាចធ្វើឱ្យតេស្តផ្លុំជាតិអាល់កុលមានបញ្ហា។ អ្វីដែលកាន់តែច្បាស់ជាងការផ្លុំ គឺការពិនិត្យឈាមរកជាតិអាល់កុល ៕
ចែករំលែកព័តមាននេះ