បឹង​ពារាំង​សម្បូរ​ទៅ​ដោយ​សត្វ​ស្លាប​ជាង​៣០០​ប្រភេទ​កំពុង​ទាក់ទាញ​ភ្ញៀវ​ជាតិ និង​អន្តរជាតិ


ខេត្តសៀមរាប ៖ បឹង​ពារាំង ស្ថិត​នៅ​ភាគ​ខាងត្បូង​ដែល​មាន​ចម្ងាយ​ជាង​១០​គីឡូម៉ែត្រ ពី​ទីរួមខេត្ត​សៀមរាប ក្នុងភូមិ​សាស្ត្រ សង្កាត់​ជ្រាវ ក្រុង​សៀមរាប គឺជា​តំបន់​ជម្រក​សត្វ​ស្លាប​ដ៏​ទាក់ទាញ​មួយ នៅ​លើ​ទឹកដី​ខេត្តសៀមរាប ដែល​សព្វថ្ងៃ​បាន​និង​កំពុង​ក្លាយជា​គោលដៅ​ទេសចរណ៍ និង​មានការ​ចាប់អារម្មណ៍​យ៉ាង​ខ្លាំង​ពី​សំណាក់​ភ្ញៀវ​ទេសចរ​ជាតិ និង​អន្តរជាតិ ដែល​បាន​ទៅ​ដល់​ទឹកដី​ខេត្តសៀមរាប បន្ទាប់​ពី​ភ្ញៀវ​ដើរ​ទស្សនា​តាម​ប្រាសាទ​នានា​រួច​មក​។

បឹង​ពារាំង​ជា​តំបន់​មួយ​ដែល​មាន​ប្រព័ន្ធ​ជីវចម្រុះ​ធម្មជាតិ​យ៉ាង​ស្រស់បំព្រង និង​ជា​ជម្រក​ដ៏​សុខសាន្ត​សម្រាប់​សត្វ​ស្លាប​ជាង​៣០០​ប្រភេទ​រស់នៅ​បង្កើត​បាន​នូវ​ភាព​ទាក់ទាញ​ភ្ញៀវ​ទេសចរ​ជាតិ និង​អន្តរជាតិ​មក​ទស្សនា​យ៉ាងច្រើន​ជា​រៀងរាល់ថ្ងៃ​។ បឹង​ពារាំង​ជាមួយនឹង​ចរន្តទឹក​បឹង​ទន្លេសាប​មានព្រៃ​លិច​ទឹក ប្រព័ន្ធ​ជីវៈចម្រុះ​យ៉ាង​សម្បូរ​បែប រួម​ទាំង​ហ្វូង​សត្វ​ស្លាប​រស់នៅ​រក​ចំណី​បង្កើត​បានជា​ផ្ទាំងទស្សនីយភាព​ដ៏​ប្រណីត ។

តំបន់​ទេសចរណ៍ធម្មជាតិ​បឹង​ពារាំង ស្ថិត​នៅ​តាម​ជម្រាល​នៃ​ទំនាប​លិច​ទឹក​បឹង​ទន្លេសាប ភាគ​ខាងត្បូង​ទីរួមខេត្ត​សៀមរាប ប្រមាណ​ជាង​១០​គីឡូម៉ែត្រ ស្ថិត​ក្នុង​សង្កាត់​ជ្រាវ ជាប់​ព្រំប្រទល់​សង្កាត់​សៀមរាប​និង​សង្កាត់​ចុង​ឃ្នៀស ក្នុង​ក្រុង​សៀមរាប ខេត្តសៀមរាប ។

លោក គង់ មង្គល ប្រធាន​សហគមន៍​ទេសចរណ៍វប្បធម៌​ធម្មជាតិ​បឹង​ពារាំង​បានឱ្យ​ដឹង​នៅ​រសៀល​ថ្ងៃ​១២ ខែឧសភា ឆ្នាំ​២០១៩​នេះ​ថា ក្រៅពី​សកម្មភាព​ទប់ស្កាត់ ការពារ​បទល្មើស​ជលផល ការពារ​ព្រៃ​លិច​ទឹក និង​ការពារ​ហ្វូង​សត្វ​ស្លាប​ក្នុង​តំបន់​បឹង​ពារាំង​នេះ សហគមន៍​មាន​គោលដៅ​ប្រែក្លាយ​តំបន់​នេះ​ឱ្យទៅ​ជា​តំបន់​អេកូ​ទេសចរណ៍ធម្មជាតិ ដោយសារ​តែ​នៅ​តំបន់​នោះ​មាន​សក្តានុពល​ធម្មជាតិ​អំណោយផល​ស្រាប់ ។ បឹង​ពារាំង​ជា​បឹង​ធម្មជាតិ​មួយ ដែល​សម្បូរ​ធនធានធម្មជាតិ ដូច​ជា​មច្ឆា​ជាតិ សត្វ​ស្លាប និងជីវៈចម្រុះ ដែល​ត្រូវ​បាន​ថែរក្សា​ការពារ​យ៉ាង​ខ្លាំង​ពី​សហគមន៍​។

លោក វ៉​ន សម្បូរ ដែរ​ជា​អ្នក​ថតរូប​សត្វ​នៅ​តំបន់​បឹង​ពារាំង​នេះ​បាន​ឲ្យ​ដឹង​ថា បច្ចុប្បន្ន​នេះ មាន​សត្វ​ស្លាប​ជាង​៣០០​ប្រភេទ ក្នុង​នោះ​មាន​ដូច​ជា​៖ សត្វ​រនាល ស​, សត្វ​រនាល​ពណ៌​, សត្វ​ត្រដក​តូច​, សត្វ​ទុង​ប្រផេះ​, សត្វ​ទាកាប៉ា​ព្រៃ​, សត្វ​ទាកាប​ព្រៃ​, សត្វ​ប្រវឹក​, សត្វ​ត្រ​យ៉ង​ខ្លួន​ស​, សត្វ​ស្មោញ​, សត្វ​អក​ត្រី​ក្បាល​ប្រផេះ​, សត្វ​ប៉ាក់​ខ្ទា​វ​, សត្វ​ក្អែកទឹក​មធ្យម​, សត្វ​ក្អែក​ទឹកតូច​, សត្វ​កុកគ្រោង​មធ្យម​, សត្វ​កុកគ្រោង​តូច​, សត្វ​ក្រសា​ប្រផេះ​, សត្វ​ក្រសា​ក្រហម​, សត្វ​ខ្វែក​ប្រផេះ​, សត្វ​ខ្វែក​គុំនូរ​, សត្វ​ខ្វែកត្រោក​, សត្វ​ខ្វែក​កន្ទុយ​ខ្វែវ​, សត្វ​ចង្កៀលខ្យង​, សត្វ​ចចាត​ក្រឹម​, សត្វ​រនាល​កក​, សត្វ​កដប ខ្មៅ ស​, សត្វ​ពពុះទឹក សត្វ​ត្រ​ដៀវ​ក្បាល​បែ​តង សត្វ​ប្រ​ហ៊ី​ត​ខ្មៅ​, សត្វ​ប្រ​ហ៊ី​ត​ស សត្វ​ទោម សត្វ​ប្រវឹក សត្វ​ត្រសេះ​ក្បាល​ក្រហម និង​ត្រសេះ​ខ្លូ​ន​ត្នោត ។​ល​។​៕

Facebook Google Twitter Email

ព្រឹត្តិការណ៍សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ