រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានចាត់ទុកទាហានកម្ពុជា ដែលត្រូវបានទាហានថៃចាប់ខ្លួននៅក្នុងទឹកដីកម្ពុជា ក្រោយអនុវត្តបទឈប់បាញ់កន្លងមកបានបានពលីកម្មជីវិតដើម្បីជាតិរួចទៅហើយ។ សម្តេចតេជោ…
រាជធានីភ្នំពេញ ៖ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា បានចាត់ទុកទាហានកម្ពុជា ដែលត្រូវបានទាហានថៃចាប់ខ្លួននៅក្នុងទឹកដីកម្ពុជា ក្រោយអនុវត្តបទឈប់បាញ់កន្លងមកបានបានពលីកម្មជីវិតដើម្បីជាតិរួចទៅហើយ។
សម្តេចតេជោ ហ៊ុន សែន បានគូសបញ្ជាក់បែបនេះនៅក្នុងពិធីបើក «អនុសំវច្ឆរមហាសន្និ បាតមន្ត្រីសង្ឃ ទូទាំងប្រទេស លើកទី៣៣ ឆ្នាំ២០២៥» នៅវិទ្យាស្ថានជាតិអប់រំនាព្រឹកថ្ងៃទី១៧ ខែវិច្ឆិកា ឆ្នាំ២ ០២៥ ដោយសម្តេចបានលើកឡើងថា ថៃតែងតែធ្វើការភ្ជាប់បញ្ហា ទាហានខ្មែរ ចំនួន១៨រូបដែលកំពុងស្ថិតក្នុងគ្រប់គ្រងខ្លួនជាមួយរឿងនេះរឿងនោះទៀតជាមិនខាន។
សម្តេចតេជោបានគូសបញ្ជាក់ថា៖នៅលើពិភពលោកតើច្បាប់ទម្លាប់អន្តរជាតិ នៅទីណាទៅ?ប៊ុត តាប៊នដែលជាតំណាងពិសេសរបស់ អគ្គលេខាធិការអង្កសហប្រជាជាតិស្តីពី សិទ្ធិមនុស្សដែលជាជនជាតិថៃ ទៅណាហើយម៉េចមិននិយាយមួយម៉ាត់សោះ! កាលពីមុន ធ្លាប់តែនិយាយ ឥលូវអត់និយាយអីសោះ សង្គ្រាមគេតែងតែមានដោះដូរឈ្លើយសឹក តែនេះចាប់កងទ័ពយើងលើដីយើង ក្រោយបទឈប់បាញ់ យកទៅធ្វើជាចំណាប់ខ្មាំង!។
សម្តេចតេជោបានលើកឡើងយ៉ាងដូច្នេះថា៖«សូមបងប្អូនជនរួមជាតិធ្វើការយោគយល់ រឿងនេះខ្ញុំព្រះករុណាខ្ញុំបានចាត់ទុក ទាហានរបស់យើងទាំង១៨រូបបានពលីកម្មជីវិតរួចស្រេចទៅហើយដើម្បីជាតិ។ សម្តេចថាផែនការរបស់ថៃនិងផ្តល់មកឲ្យកម្ពុជានូវ ថ្ងៃទី១២ ខែវិច្ឆិកា កន្លងមក ប៉ុន្តែវាមានព្រឹត្តិការណ៍នៅឯណា គេយកមកធ្វើការបន្ទុកបង្អាក់រឿងនេះវិញ ដូច្នេះវា ច្បាស់ណាស់ជាការចងភ្ជាប់រវាងអ្នកទាំង១៨នាក់ ជាមួយបញ្ហាតទៃទៀត រាប់ទាំងថ្ងៃមុខ គេនឹងអាចយកថាត្រូវតែធ្វើបែបនេះ បែបនោះ ធ្វើអានេះយើងបានគេដោះលែង អីញ្ចឹងបានជា យើងចាត់ទុកបងប្អូនបានពលីកម្ម»។
ជាមួយគ្នានោះដែរសម្តេចតេជោ បានបន្តថាមិនគួរណាស់រឿងទាហានកម្ពុជា១៨រូបទៅជារឿងបែបនេះនោះទេ។ ព្រោះថានៅលើពិភពលោកដែលមានទេធន់នឹង? ដែលជាតិសាសន៍មួយ តាំងខ្លួនជាស៊ីវិល័យ បែរជាចាត់តំណាត់ខ្មាំងដើម្បីដោះដូរ ។ នេះមិនមែនជាឈ្លើយសឹកទេ! បងប្អូនយើងស្លូតពេកយើង គេមកចាប់ដៃហើយសុំថតរូច រួចភ្ជុងចាប់យកតែម្តង ។ យើងអាង តែថាឈប់បានបាញ់ហើយ។
ជាមួយគ្នានោះដែរសម្តេចតេជោ ក៏បានសូមទោសដល់ក្រុមគ្រួសារសាច់ញាត្តិរបស់ទាហានកម្ពុជាទាំង១៨រូបដែលសម្តេចនិយាយបែបនេះ ៕
ចែករំលែកព័តមាននេះ