ខេត្តកំពង់ធំ ៖ ទីបំផុតកម្លាំងនាយកដ្ឋានគរបាលព្រហ្មទណ្ឌនៃអគ្គស្នងការដ្ឋាននគរបាលជាតិ ក្រោមកិច្ចសហការ នៅថ្ងៃទី១៥ ខែវិច្ឆិកា ឆ្នាំ២០២៥ តាមប្រមាញ់ចាប់ខ្លួនបានហើយជនជាឃាត ករ ពាក់ពន្ធករណីសម្លាប់ស្ត្រីម្នាក់មានមុខរបរដាក់ប្រាក់កម្ចី…
ខេត្តកំពង់ធំ ៖ ទីបំផុតកម្លាំងនាយកដ្ឋានគរបាលព្រហ្មទណ្ឌនៃអគ្គស្នងការដ្ឋាននគរបាលជាតិ ក្រោមកិច្ចសហការ នៅថ្ងៃទី១៥ ខែវិច្ឆិកា ឆ្នាំ២០២៥ តាមប្រមាញ់ចាប់ខ្លួនបានហើយជនជាឃាត ករ ពាក់ពន្ធករណីសម្លាប់ស្ត្រីម្នាក់មានមុខរបរដាក់ប្រាក់កម្ចី ដែលហៅថា បុគ្គលិក CO កប់សាកសពក្នុងរណ្តៅនៅផ្ទះជនដៃដល់នៅខេត្តកំពង់ធំនោះ គឺតាមចាប់ដល់ខេត្តប៉ៃលិន ។
សូមជម្រាបថា នៅថ្ងៃទី១៤ ខែវិច្ឆិកា ឆ្នាំ២០២៥ មានការភ្ញាក់លើករណីឃាត កម្មមួយ ដែលបង្កឡើងដោយជនសង្ស័យឈ្មោះ ម៉ន សីហា ហៅ ឥណ្ឌា ភេទប្រុស អាយុ១៩ ឆ្នាំ ជនជាតិខ្មែរ បានធ្វើសកម្មភាពសម្លាប់ជនរងគ្រោះឈ្មោះ ហ៊ីម ទីណា ភេទស្រី អាយុ២២ ឆ្នាំ ជនជាតិខ្មែរ រួចយកសាកសពទៅកប់ក្នុងដីមួយកន្លែងក្បែររបងផ្ទះរបស់ជនសង្ស័យ ស្ថិតក្នុងភូមិក្រូច ឃុំស្វាយ ភ្លើង ស្រុកតាំងគោក ខេត្តកំពង់ធំ ។
ក្រោយពីមានហេតុការណ៍ខាងលើនេះ ដោយអនុវត្តតាមបទបញ្ជារបស់លោកឧត្តមសេនីយ៍ទោ ហ៊ុន គឹមជាតិ ប្រធាននាយកដ្ឋានកណ្ដាលនគរបាលយុត្តិធម៌ និងលោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្ម ទណ្ឌនៃអគ្គស្នងការដ្ឋាននគរបាលជាតិ កម្លាំងជំនាញនៃនា យកដ្ឋាននគរបាលព្រហ្មទណ្ឌ ដឹកនាំដោយលោកឧត្តមសេនីយ៍ត្រី ហ៊ុន មុន្នីរ័ត្ន លោកវរសេនីយ៍ឯក ហែម បូណា និងវរសេនីយ៍ ឯក ឆាន់ គីមលី អនុប្រធាននាយកដ្ឋាន បានចុះទៅសហការជាមួយស្នងការដ្ឋាននគរបាលខេត្តកំពង់ធំ និងខេត្តប៉ៃលិន បានធ្វើការស្រាវជ្រាវតាមនីតិវិធី និងជំនាញ រហូតកំណត់បានទីតាំងលាក់ខ្លួនរបស់ជនសង្ស័យ ។
លុះនៅថ្ងៃទី១៥ ខែវិច្ឆិកា ឆ្នាំ២០២៥ កម្លាំងជំនាញបានធ្វើការឃាត់ខ្លួនជនសង្ស័យជាឃាតករនៅត្រង់ចំណុចលើភ្នំទ្រប់ ស្ថិតក្នុងភូមិខ្លុង សង្កាត់អូតាវៅ ក្រុងប៉ៃលិន ខេត្តប៉ៃលិន ។
នៅពេលឃាត់ខ្លួនជនសង្ស័យបានឆ្លើយសារភាពជាបឋម ថា កាលពីថ្ងៃទី១៣ ខែវិច្ឆិកា ឆ្នាំ២០២៥ ជនរងគ្រោះបានមកទារ ប្រាក់ពីម្តាយរបស់ខ្លួន ប៉ុន្តែម្តាយមិននៅ បន្ទាប់មកខ្លួនបានលួង លោមជនរងគ្រោះឲ្យចូលទៅខាងក្នុងផ្ទះ រួចខ្លួនបានធ្វើសកម្ម ភាពចាប់ខ្ទប់មុខ និងវាយសម្លាប់ជនរងគ្រោះ ហើយក៏បានរំលោភសេពសន្ថវៈ បន្ទាប់មកក៍បានយកសាកសពទៅកប់ក្នុងដីតែម្តង ទៅ ។
គិតមកដល់វេលាយប់ថ្ងៃទី១៥ វិច្ឆិកា នេះ សមត្តកិច្ចបាននិងកំពុងនាំខ្លួនជនសង្ស័យមកកាន់នាយដ្ឋាននគរបាលព្រហ្ម ទណ្ឌ ដើម្បីបន្តនីតិវិធី និងរៀបចំប្រគល់ជូនទៅស្នងការដ្ឋាននគរ បាលខេត្តកំពង់ធំ ដែលជាម្ចាស់ករណី ដើម្បីយកទៅបន្តចាត់ការតាមផ្លូវច្បាប់ ។
តាមចម្លើយបឋមរបស់ជនសង្ស័យបានរៀបរាប់ប្រាប់សមត្តកិច្ចថា ករណីខាងលើនេះគឺផ្តើមចេញពីចំណង់ផ្លូវភេទដែលកំពុងពុះកញ្រោល គឺដំបូងនោះបានទាក់ទងហៅនារីធ្វើសាឡន ថាឲ្យទៅកាត់ក្រចកផ្ទះរបស់ខ្លួន តែដោយសារអ្នកធ្វើសាឡនគេអត់ទៅ គេថាអត់មានទម្លាប់ទៅធ្វើតាមផ្ទះទេ ដូច្នោះខ្លួន(ជនសង្ស័យ) បានទៅលាងម៉ូតូ ពេលទៅលាងម៉ូតូហ្នឹងក៏ឃើញនារីCO ក៏ចាប់ ផ្តើមប្រើល្បិចលួងលោមថា ម្តាយគេរកខ្ចីលុយ លុះពេលទៅដល់ផ្ទះវាអត់មានមនុស្សនៅទេ ជនសង្ស័យបានធ្វើសកម្មភាពច្របាច់ កជនរងគ្រោះបណ្តាលឲ្យសន្លប់ មានន័យថាជនរងគ្រោះមិនទាន់ស្លាប់ទេ ក៏ចាប់ផ្តើមរំលោភសេពសន្ថវៈ រួចហើយបានយកខ្សែរិតកសម្លាប់ជនរងគ្រោះ យកសាកសពកប់ក្នុងរណ្តៅដីនៅជាប់របងផ្ទះនោះ ។
សូមរំលឹកឡើងវិញថា មានអំពើឃាតកម្មមួយបានកើតឡើងលើស្ត្រីម្នាក់មានមុខរបរជាអ្នកដាក់ប្រាក់កម្ចីហៅថា CO កាលពីថ្ងៃទី១៣ ខែវិច្ឆិកា ឆ្នាំ២០២៥ ត្រូវបានជនជាឃាតករអន្ទងនាំទៅសម្លាប់យ៉ាងព្រៃផ្សៃបំផុត ដោយយកខ្សែចងដៃចងជើង សម្រាតខោ កប់សាកសពក្នុងរណ្តៅ ហើយរោយអំបិលពីលើ និងប្លន់យកទ្រព្យ សម្បត្តិហើយគេចខ្លួនបាត់ ។ ករណីខាងលើនេះបានបង្កឲ្យមាន ការភ្ញាក់ផ្អើលនៅថ្ងៃទី១៤ ខែវិច្ឆិកា ឆ្នាំ២០២៥ ស្ថិតក្នុងភូមិក្រូច ឃុំស្វាយភ្លើង ស្រុកតាំងគោក ខេត្តកំពង់ធំ ។
ជនរងគ្រោះមានឈ្មោះ ហ៉ឹម ទីណា ភេទស្រី អាយុ២២ ឆ្នាំ មុខ របរ ជាបុគ្គលិកមីក្រូហរិញ្ញវត្ថុមួយ រស់នៅភូមិឫស្សីលរ៍ ឃុំស្វាយភ្លើង ស្រុកតាំងគោក ខេត្តកំពង់ធំ ។
បើតាមសមត្តកិច្ចឲ្យដឹងថា នៅថ្ងៃកើតហេតុពេលបាត់ដំណឹងកូនស្រី ឪពុកម្ដាយបានទាក់ទងតាមរយៈទូរស័ព្ទទៅជនរងគ្រោះ តែតេមិនចូល ក៏នាំគ្នាដើរសួររកអ្នករស់នៅតាមភូមិជិតគ្នា ប៉ុន្តែមិនឃើញហើយក៏បានយកព័ត៌មាននេះទៅប្ដឹងប៉ុស្តិ៍រដ្ឋបាលនគរបាលឃុំស្វាយភ្លើង ដើម្បីបានជ្រាបជាដំណឹង និងជួយអន្តរាគមន៍ស្វែងរកកូនស្រីគាត់ ។
លុះដល់ម៉ោង១០ ព្រឹកថ្ងៃដដែល ឪពុកជនរងគ្រោះបានទៅរក មើលនៅផ្ទះឪពុកម្តាយជនសង្ស័យ ដែលមានឈ្មោះ ម៉ន សីហា ភេទប្រុស អាយុ២០ ឆ្នាំ រស់នៅភូមិក្រូច ឃុំស្វាយភ្លើង ស្រុកតាំង គោក ខេត្តកំពង់ធំ ស្រាប់តែឃើញស្នាមកាប់ដីថ្មីៗ ដោយមានសង្កត់ស័ង្កសីដុំថ្មនិងធង់ទឹកកកពីលើ នៅពេលពិនិត្យឃើញយ៉ាងដូច្នោះ ទើបឪពុកម្តាយជនរងគ្រោះមានការសង្ស័យ និងបានទៅរាយការប្រាប់សមត្តកិច្ចនគរបាប៉ុស្ដិ៍តែម្ដងទៀត ។
ក្រោយពីទទួលបានព័ត៌មាននោះ លោកឧត្តមសេនីយ៍ទោ ស្នង ការនគរបាលខេត្តកំពង់ធំ បានដាក់បទបញ្ជាទៅកម្លាំងសមត្ថកិច្ចនគរបាលជំនាញព្រហ្មទណ្ឌខេត្ត ឲ្យចុះទៅសហការជាមួយនគរ បាលស្រុកតាំងគោក និងអាជ្ញាធរមូលដ្ឋាន ក្រោមការសម្របសម្រួសពីស្ថាប័នអយ្យការអមសាលាដំបូងខេត្ត ទៅពិនិត្យនិងជីកមើលរណ្តៅដីនៅផ្ទះឪពុកជនជាឃាតករ ស្រាប់តែឃើញសាកសពជនរងគ្រោះ ត្រូវបានសម្លាប់កប់ក្នុងដីនៅទីនោះប្រាកដមែន ។
ចំណែកស្ត្រីជាម្តាយជនរងគ្រោះបានរៀបរាប់ថា គាត់មានការតក់ស្លុត និងសោកស្តាយបំផុត ខណៈនៅពេលបាត់បង់កូនស្រីជាទីស្រឡាញ់ ត្រូវឃាតករសម្លាប់យ៉ាងឃោឃៅព្រៃផ្សៃ ។ នៅល្ងាចថ្ងៃកើតហេតុពេលបាត់ដំណឹងកូនស្រីមិនឃើញមកផ្ទះ គាត់បានដើររកកូនទៅដល់ផ្ទះជនជាឃាតករនោះដែរ និងបានស្រែក ហៅរកកូន តែគ្មានចម្លើយ ហើយផ្ទះនោះគេបិតភ្លើងនិងបិតទ្វារយ៉ាងស្ងាត់ឈឹង ដែលធ្វើឲ្យពួកគាត់មិនហ៊ានចូល ។ លុះព្រឹកថ្ងៃទី១៤ ខែវិច្ឆិកា ឆ្នាំ២០២៥ គាត់ជាម្តាយនិងឪពុកបានទៅរកកូនស្រីនៅផ្ទះនោះម្តងទៀត ក៏ឃើញរណ្តៅដីថ្មីមួយនៅក្នុងរបងផ្ទះនោះ ដោយមានការសង្ស័យក៏នាំគ្នាកាយរណ្តៅដីនោះមើល ទើបឃើញសាកសពកូនស្រីគាត់ពិតប្រាកដមែន ហើយពួកគាត់ក៏បានទៅរាយការណ៍ជូនសមត្តកិច្ចនគរបាលប៉ុស្តិរដ្ឋាលមូលដ្ឋានតែម្តងទៅ ។ ស្ត្រីជាម្តាយជនរងគ្រោះបន្តថា ជាការសោកស្តាយបំផុត បើល្ងាចថ្ងៃទី១៣ ខែវិច្ឆិកា ពួកគាត់នាំគ្នាសម្រុកចូលទៅក្នុងផ្ទះនោះ ប្រហែលជាទាន់ដង្ហើបកូនស្រីគាត់ ។
មុនកើតហេតុកូនស្រីរបស់គាត់មិនទាន់បានហូបបាយថ្ងៃត្រង់ទេ ថាប្រញ៉ាប់ទៅដាក់លុយឲ្យអតិថិជនដែលគេទូរស័ព្ទមកខ្ចីលុយ និងនៅរសៀលថ្ងៃដដែលកូនស្រីបានចូលលាងម៉ូតូ និងបានជួបបុរសម្នាក់និយាយលួងលោមអន្ទងនាងឲ្យទៅផ្ទះរបស់គេ ដោយថា ម្តាយគេចង់ខ្ចីលុយ បន្ទាប់មកក៏បាត់ដំណឹងឈឹង ហើយក៏នាំ គ្នាដើររករហូតដល់យប់ជ្រៅក៏មិនឃើញដែរ ទើបព្រឹកឡើងនាំគ្នាទៅផ្ទះជនសង្ស័យខាងលើ ក៏សម្រេចចិត្តបើករបងចូលមើលទើបឃើញដីកាប់ថ្មីៗ នៅជាប់របងផ្ទះនោះ មានក្របស័ង្គសីសង្កត់ថ្ម និងដាក់ធុងទឹកកកពីលើ ពួកគាត់សង្ស័យក៏ទៅរាយការប្រាប់នគរបាលប៉ុស្តិ ។
ស្ត្រីជាម្តាយជនរងគ្រោះបានបន្តថា កូនស្រីគាត់ត្រូវឃាតករសម្លាប់ ដោយមានការបាត់បង់ម៉ូតូ១គ្រឿង ទូរស័ព្ទដៃ និងខ្សែក ដែលនេះចាត់ថាជាអំពើឃាតកម្មសម្លាប់ រួចប្លន់យកទ្រព្យសម្បត្តិ ។
ម្តាយបន្តទៀតថា ក្រោយពេលបាត់ដំណឹងកូន ស្រីគាត់ក្រុមគ្រួសារនិងមិត្តភ័ក្រជនរងគ្រោះ បានឆាតទៅអាខោនហ្វេសប៊ុកកូនស្រីគាត់ ដោយសួរថា ទីណា អើយ(ជនរងគ្រោះ) នៅទីណា ឆ្លើយជាសម្លេងម៉ោ តែជននោះមិនបានឆ្លើយជាសម្លេងទេ បែជាសរសេរអក្សខ្មែរតមមកវិញ ទើបអ្នកធ្វើការជាមួយថា មិនមែនជាអក្សទីណាកូនស្រីគាត់ទេ ទីណា ភាគច្រើនសរសេរអក្សសុទ្ធតែភាសារអង់គ្លេស គេមិនសូវចេះនិងសរសេរអក្សខ្មែរទេ ។ បន្ទាប់ពីដឹងថាកូនស្រីគាត់ត្រូវឃាតករសម្លាប់កប់ក្នុងដីនោះ ស្ត្រីជាម្តាយបានទ្រហោយំយ៉ាងក្តុកក្តួលរៀបរាប់ និងទទួចសុំឲ្យសមត្តកិច្ចជួយវែកមុខរកជនជាឃាតករ ចាប់ខ្លួនជនដៃដៃ ដើម្បីយកមកផ្តន្ទាទោសតាមច្បាប់ឲ្យឆាប់ផង ។
រីឯបុរសម្នាក់ត្រូវជាបងប្រុសជីដូនមួយរបស់ជនរងគ្រោះ បានរៀបរាប់លើបណ្តាញសង្គមហ្វេសប៊ុកថា ករណីនេះដំបូងគឺមាន ការសង្ស័យ៣ ចំណុច ទី១.ចង់និយាយថា ជាករណីរំលោភរួចសម្លាប់ ព្រោះពេលសមត្តកិច្ចគាស់សាកសពភ្លាម ឃើញជនរង គ្រោះសម្រាតខោចេញពីខ្លួន ប៉ុន្តែខាងស្នងការបញ្ជាក់ហើយថាក្រុមគ្រូពេទ្យធ្វើកោសលវិច្ច័យ គឺអត់ពាក់ពន្ធទេ ទី២.យើងថាប្លន់ ប៉ុន្តែប្លន់ហេតុអ្វីជនស្មើលដោះយកគ្រឿងអលង្កាលើខ្លួនមិនអស់ យកខ្លះនៅខ្លះ ទី៣.បើគំនុំគឺជឿថា អត់ទេ ព្រោះប្អូនស្រីគាត់និងជនសង្ស័យជាមនុស្សអត់ដែលស្គាល់គ្នាផង ។
បងជីដូនមួយបន្តទៀតថា ពេលគាស់សាកសពមកឃើញសម្រាតខោមែន តែខោ អាវនៅជាប់និងជាមួយរុំភួយ ហើយចងស្លាបសេកជនរងគ្រោះទៅក្រោយ ញាត់ក្នុងរណ្តៅដីដោយដាក់ក្បាលចូលទៅក្រោម របៀបថាជនរងគ្រោះជើងវែង ហើយជនសង្ស័យចង់កប់ឲ្យបានជ្រៅ ទើបប្រឹងរុញសាកសពទៅក្រោម ហើយទំនងអាចទើសខោ បានជាស្រាតចេញ លុះពេលដាក់សពចូលហើយទើបចាក់អំបិលរោយពីលើនិងកប់ដីបន្ថែម ។
ពាក់ព័ន្ធទីតាំងជនសង្ស័យធ្វើសក ម្មភាព ផ្ទះហ្នឹងជាអ្នកចំណូលថ្មី ប៉ុន្តែមករស់នៅយូឆ្នាំដែរហើយ ហើយមិនសូវមានមនុស្សនៅផ្ទះជាប់លាប់ទេ គេចេញទៅរកស៊ីបាត់ៗ បើតាមមើលគ្រួសារនឹងមិនត្រូវរ៉ូវគ្នា និងតែងតែឈ្លោះគ្នាទៀតផង ។ បងជីដូនមួយជនរងគ្រោះបន្តថា ជនសង្ស័យវាមកផ្ទះនេះម្តងម្កាល គឺវាមកពេលនេះមានគម្រោងរួចទៅហើយ ដំបូងវាហៅជាសាឡនទេ តែជាងសាឡនគេមិនទៅ ដូច្នេះប្អូនគាត់ជាអ្នករងគ្រោះ ។ ម៉ោង១២ ថ្ងៃត្រង់ថ្ងៃទី១៣ ជនសង្ស័យបានទូរស័ព្ទហៅជាសាឡនប្រាប់ថា ឲ្យទៅធ្វើក្រចកយាយរបស់វា ទាំងដែលផ្ទះនឹងអត់មានមនុស្សចាស់នៅទេ ថាយាយវាស្លាប់មួយជំហៀងខ្លួនមកមិនកើតយាយវាចង់ស្អាត តាមហៅម្តងពីដងគេមិនទៅ ។
បន្ទាប់មកជនសង្ស័យជួបប្អូនស្រីគាត់ ហើយវាបានប្រាប់ប្អូនស្រីថា ម្តាយវាត្រូវការខ្ចីលុយ ធម្មតាប្អូនស្រីជាអ្នកដាក់លុយកម្ចី មិនត្រូវការរកអតិថិជនក៏ទៅតាមវាទៅ ។ ពេលទៅដល់ផ្ទះជនសង្ស័យបានប្រាប់ ឲ្យប្អូនស្រីគាត់ដើរចូលទៅមុន ដោយនិយាយថា ម្តាយគេនៅក្នុង លុះពេលប្អូនស្រីចូលទៅផុតជនសង្ស័យបានទាញទ្វារបិត និងធ្វើសកម្មភាពតែម្តងទៅ ។ តែទោះជាយ៉ាងណាក្តីករណីខាងលើនេះ សមត្តកិច្ចបានកំពុងបន្តកិច្ចប្រតិបត្តិការដុតដៃដុត ជើងស្រាវជ្រាវ តាមចាប់ខ្លួនជនដល់ដៃដោយយកចិត្តទុកដាក់បំផុត
ខណៈម៉ូតូរបស់ជនរគ្រោះត្រូវបានដកហូតមកវិញផងដែរ ។
ទាក់ទិន ករណីខាងលើនេះអ្នកនាំពាក្យសមាគមន៍មីក្រូហិរញ្ញវត្ថុនៅកម្ពុជាបានបញ្ជាក់ថា បន្ទាប់ពីបានពិនិត្យបញ្ជីឈ្មោះគ្រឹះស្ថានមីក្រូហិរញ្ញវត្ថុរួចមក មិនមានឈ្មោះគ្រឹះស្ថានមីក្រូហិរញ្ញវត្ថុ អង្គរគ្រួសារខ្មែរ ទេ ជនរងគ្រោះអាចជាបុគ្គលិរបស់ក្រុមផ្តល់កម្ចីក្រៅប្រព័ន្ធ ៕
ចែករំលែកព័តមាននេះ