តាមប្រភពព័ត៌មាន Soccer Laduma បានឱ្យដឹងថា កីឡាករជើងខ្លាំងប្រចាំក្លិបអ្នកមានបុណ្យ Lionel Messi ត្រូវបានឡានក្រុងរបស់មិត្តរួមក្រុមចេញចោល ហើយទុកឱ្យនៅតារាងតែម្នាក់ឯង ក្រោយពេលប្រកួតចាញ់ Liverpool ក្នុងលទ្ធផល 4-0 កាលពីយប់ថ្ងៃអង្គារ ។
ក្នុងការប្រកួត Messi បានខំណាស់ដែរ តែមិនអាចយកឈ្នះ Liverpool បាន នេះគឺជាការសោកស្តាយមួយដ៏ធំហើយ ដែលខំឡើងមកដល់វគ្គនេះទៅហើយ តែមិនអាចឡើងដល់វគ្គផ្តាច់ព្រ័ត្របាន ។ អ្វីដែលកាន់តែភ្ញាក់ផ្អើលទៀតនោះគឺ Messi ត្រូវមិត្តរួមក្រុមចេញឡានចោល ពេលចប់ការប្រកួត ។
មូលហេតុពិតគឺមកពី Messi ត្រូវធ្វើតេស្តពិនិត្យឈាម និងទឹកនោមក្រោយការប្រកួតចប់ ។ មិត្តរួមក្រុមគ្មានអារម្មណ៍នឹងនៅចាំ ហើយក៏សម្រេចចិត្តចេញទៅមុន ។ Messi បានឡើងឡានទៅតាមក្រោយ ក្រោយមកក៏ជុំគ្នានៅព្រលានយន្តហោះ ត្រឡប់ទៅស្រុកវិញ ។ ពេលនៅព្រលានយន្តហោះ Messi មិនបានឈប់នៅនិយាយជាមួយនឹងអ្នកសារព័ត៌មាននោះទេ។ គេបានដើរទៅត្រង់ ដោយគ្មាននិយាយអ្វីទាល់តែសោះ ៕
ចែករំលែកព័តមាននេះ