អាជ្ញាធរខេត្តចុះពិនិត្យរូបសំណាកព្រះនរាយណ៍កសាងមុនសម័យអង្គរ
- កំពង់ស្ពឺ
ខេត្តកំពង់ស្ពឺ ៖ កាលពីថ្ងៃទី៩ ខែឧសភា ឆ្នាំ២០១៩ លោក ចែម ភឺនរីមវុទ្ធី អភិបាលនៃគណៈអភិបាលស្រុក រួមជាមួយមន្ត្រីជំនាញ…
ខេត្តកំពង់ស្ពឺ ៖ កាលពីថ្ងៃទី៩ ខែឧសភា ឆ្នាំ២០១៩ លោក ចែម ភឺនរីមវុទ្ធី អភិបាលនៃគណៈអភិបាលស្រុក រួមជាមួយមន្ត្រីជំនាញ បានអញ្ជើញពិនិត្យមើលរូបសំណាកព្រះនរាយណ៍ដែលរកឃើញនៅភូមិក្រាំងឡង ឃុំជង្រុក ស្រុកគងពិសី ខេត្តកំពង់ស្ពឺ កាលពីរសៀលថ្ងៃទី៨ ខែឧសភា ឆ្នាំ២០១៩ ។
តាមប្រសាសន៍របស់លោក ស៊ុន មានជ័យ ប្រធានមន្ទីរវប្បធន៍ និងវិចិត្រសិល្បៈខេត្តកំពង់ស្ពឺបានបញ្ជក់ថា នេះជារូបសំណាកព្រះនរាយណ៍ដែលបានកសាងឡើងនៅមុនសម័យអង្គរ ដែលមានកម្ពស់ ១,០៣ម៉ែត្រ ទទឹង០,៣១ ម៉ែត្រ និងទម្ងន់៣០គីឡូក្រាម។
តាមការស្នើសុំពីអាជ្ញាធរ និងមន្ត្រីជំនាញដល់ប្រជាពលរដ្ឋដែលជាអ្នករកឃើញរូបសំណាកខាងលើ គាត់ព្រមប្រគល់រូបសំណាកព្រះនរាយណ៍មួយអង្គនេះទៅឱ្យខាងមន្ទីរជំនាញគ្រប់គ្រងថែរក្សាដើម្បីទុកជាសម្បត្តិវប្បធម៌ជាតិនៅសារ:មន្ទីរខេត្តកំពង់ស្ពឺ ៕
ចែករំលែកព័តមាននេះ