រាជធានីភ្នំពេញ ៖ ពស់ថ្លាន់មួយក្បាលមានទំងន់ប្រមាណ២០គីឡូក្រាម ទំហំទទឹងខ្លួនប៉ុន.កជើងមនុស្សចាស់បណ្ដោយខ្លួនមានប្រវែងពី៣ម៉ែត្រ ទៅ៤ម៉ែត្រ បានលូនទៅឆ្វាយរង្វេលសំងំនៅលើចំរឹងដែកទ្វាររុញផ្ទះល្វែងលេខ៧ ស្ថិត នៅភូមិត្នោតជ្រុំ សង្កាត់បឹងទំពុន ខណ្ឌមានជ័យ កាលពីព្រឹកថ្ងៃទី៤ កក្កដា ។កញ្ញាស្រីណាង អាយុ១៧ឆ្នាំ ជាម្ចាស់ផ្ទះខាងលើនេះ បាននិយាយថា កាលពីយប់ខណៈរូបនាងគេងនៅលើបន្ទប់ឡៅតឿក្នុងផ្ទះ បានយល់សប្ដិ
រាជធានីភ្នំពេញ ៖ ពស់ថ្លាន់មួយក្បាលមានទំងន់ប្រមាណ២០គីឡូក្រាម ទំហំទទឹងខ្លួនប៉ុន.កជើងមនុស្សចាស់បណ្ដោយខ្លួនមានប្រវែងពី៣ម៉ែត្រ ទៅ៤ម៉ែត្រ បានលូនទៅឆ្វាយរង្វេលសំងំនៅលើចំរឹងដែកទ្វាររុញផ្ទះល្វែងលេខ៧ ស្ថិត នៅភូមិត្នោតជ្រុំ សង្កាត់បឹងទំពុន ខណ្ឌមានជ័យ កាលពីព្រឹកថ្ងៃទី៤ កក្កដា ។កញ្ញាស្រីណាង អាយុ១៧ឆ្នាំ ជាម្ចាស់ផ្ទះខាងលើនេះ បាននិយាយថា កាលពីយប់ខណៈរូបនាងគេងនៅលើបន្ទប់ឡៅតឿក្នុងផ្ទះ បានយល់សប្ដិឃើញគេងអោបពស់ ស្រាប់តែព្រឹកឡើងពេលនាងក្រោកពីដំណេកបើកកញ្ចក់បង្អួចអើតមើលមកមុខផ្ទះ ស្រាប់តែភ្ញាក់ក្រញាងដោយសារឃើញពស់ថ្លាន់មួយក្បាលកំពុងឆ្វាយរង្វេលនៅលើចំរឹងទ្វារមុខ ផ្ទះរបស់នាងយ៉ាងពិតប្រាកដមែន ។
ស្រី ណាងបានបន្ដថា ពេលឃើញដូច្នេះរូបនាងហាក់ដូចជាមានចម្ងល់ថា ហេតុដូចម្ដេចក៏នាងគេងយល់សប្ដិឆុតម្ល៉េះ ។ កញ្ញាស្រីណាង បន្ដទៀតថា ពេលឃើញភ្លាមៗ រូបនាងស្ទុះ ចុះពីបន្ទប់គេងមកប្រាប់ចាស់ៗក្នុងផ្ទះពីពស់ ថ្លាន់មួយក្បាលនេះ ។ បន្ទាប់ពីមានហេតុការណ៍នេះបានកើតឡើង ក៏មានការភ្ញាក់ផ្អើលដល់មនុស្សម្នាផ្សេងៗនាំគ្នាមកចោមរោមមើលពស់ថ្លាន់ខាងលើជាបន្ដបន្ទាប់តែម្ដង សូម្បីតែលោកសួស សារិន ចៅសង្កាត់បឹងទំពុនក៏បានចុះទៅពិនិត្យពស់ថ្លាន់ ដែលបង្កឱ្យមានការភ្ញាក់ផ្អើលនោះផងដែរ ។
លោកយាយ សឿង ដែលជាម្ចាស់លំនៅឋានខាងលើ បានមានប្រសាសន៍ថា លោកយាយមិនអនុញ្ញាតឱ្យអ្នកណាចាប់ពស់ថ្លាន់ ខាងលើនេះទៅណាឡើយ គឺលោកយាយសុខចិត្ដធ្វើទ្រុងចិញ្ចឹមវាទុកនៅក្នុងផ្ទះជាមួយគាត់ ព្រោះពស់ថ្លាន់នេះវារចូលផ្ទះគាត់ចំថ្ងៃសីល ។ ដូច្នេះលោកយាយរៀបចំធ្វើបាយសី ប្រោះព្រំឱ្យពស់ថ្លាន់នោះ ដើម្បីសុំសេចក្ដីសុខ និងលាភសក្ការៈចូលផ្ទះ ។លោកតាព្រឹទ្ធាចារ្យមួយរូបបានរៀបរាប់តាមការយល់សប្ដិរបស់នាងស្រីណាងថា ការយល់សប្ដិឃើញដេកអោបពស់ គឺរូបនាងជិត មានលាភធំហើយ ។ ចំពោះបញ្ហានេះ ចាស់ៗ ច្រើនចំណាំតាមការកាត់ពន្យល់សប្ដិថា បើសុបិនឃើញពស់ចឹក ឬក៏ដេកអោបនោះ បើអ្នកពុំទាន់មានគូស្រករទេ គឺមានអ្នកចោម រោមស្រលាញ់ច្រើនមិនថា ប្រុស ឬស្រីឡើយ។ ប៉ុន្ដែចំពោះការយល់សប្ដិរបស់នាង ស្រីណាង គឺនាងពុំបានគិតដល់បញ្ហានេះទេ ៕
ចែករំលែកព័តមាននេះ