រាជធានីភ្នំពេញ ៖ ស្ថានទូតអាមេរិកប្រកាសអំពីថវិកាជាជំនួយថ្មីចំនួន៦៧៥០០០ ដុល្លារ ដើម្បីជួយគាំទ្រការងារបោសសម្អាតមីនដ៏មានសារៈខាន់របស់កម្ពុជា ។ នេះបើយោងតាមលោក នេត្រ ភក្ត្រា រដ្ឋមន្ត្រីក្រសួងព័ត៌មាន…
រាជធានីភ្នំពេញ ៖ ស្ថានទូតអាមេរិកប្រកាសអំពីថវិកាជាជំនួយថ្មីចំនួន៦៧៥០០០ ដុល្លារ ដើម្បីជួយគាំទ្រការងារបោសសម្អាតមីនដ៏មានសារៈខាន់របស់កម្ពុជា ។ នេះបើយោងតាមលោក នេត្រ ភក្ត្រា រដ្ឋមន្ត្រីក្រសួងព័ត៌មាន បានប្រកាសនៅលើបណ្តាញសង្គម នាព្រឹកថ្ងៃទី៣០ ខែកញ្ញានេះ ។
រដ្ឋមន្ត្រីក្រសួងព័ត៌មាន បានបន្តថា ភារធារី ស្ថានទូតសហរដ្ឋអាមេរិក លោកស្រី Bridgette Walker បានប្រកាសអំពីថវិកាជាជំនួយថ្មីចំនួន ៦៧៥០០០ដុល្លារ ដើម្បីជួយគាំទ្រការងារបោសសម្អាតមីន ដ៏មានសារៈខាន់របស់កម្ពុជា ។
សហរដ្ឋអាមេរិក មានមោទនភាពជាម្ចាស់ជំនួយបោសសម្អាតមីនធំបំផុតនៅកម្ពុជា ដោយបានបរិច្ចាគ២២០លានដុល្លារ ចាប់តាំងពីឆ្នាំ១៩៩៣មក ក្នុងនោះ១២លានដុល្លារសម្រាប់ឆ្នាំនេះ ដើម្បីផ្តល់លទ្ធភាព ជូនក្រុមគ្រួសារខ្មែរអាចរស់នៅបានដោយសុខសន្តិភាព និងវិបុលភាព ។
ជាចុងក្រោយ សូមអរគុណដល់ដៃគូរបស់យើង មានអង្គការជំនួយប្រជាពលរដ្ឋន័រវេស្សន៍ (Norwegian People’s Aid) និងមជ្ឈមណ្ឌលសកម្មភាពកំចាត់មីនកម្ពុជា (CMAC) ចំពោះការខិតខំប្រឹងប្រែងឥតសំចៃ ដើម្បីធ្វើឱ្យកម្ពុជាអស់គ្រាប់មីន ។ ហើយក៏សូមអរគុណដល់វិទ្យាស្ថានបច្ចេកទេសកំចាត់មីន ដែលបានពន្យល់លម្អិតអំពីកិច្ចខិតខំប្រឹងប្រែងមហាសាល ក្នុងការរៀបចំក្រុមការងារដោះមីនជូនដល់សមាជិកសភាសហរដ្ឋអាមេរិកលោក Adam Smith លោក Michael Baumgartner លោកស្រី Chrissy Houlahan និងរូបខ្ញុំផ្ទាល់ ៕
ចែករំលែកព័តមាននេះ