ខេត្តកំពង់ឆ្នាំង ៖ ស្ត្រីជនជាតិវៀតណាមម្នាក់បានធ្លាក់ទឹកជិតពីរម៉ោងបណ្ដាលឲ្យស្លាប់បាត់បង់ជីវិតក្នុងហេតុការណ៍គ្រោះថ្នាក់ចរាចរណ៍ផ្លូវទឹកមួយបានកើតឡើងកាលពីវេលាម៉ោង៥និង៣០នាទីព្រឹកថ្ងៃទី៥ ខែឧសភា ឆ្នាំ២០១៩ នៅដងទន្លេផ្សារក្រោម ស្ថិតក្នុងភូមិទី៧ សង្កាត់ខ្សាម ក្រុងកំពង់ឆ្នាំង។ តាមប្រភពពីសមត្ថកិច្ចនគរបាលក្រុងកំពង់ឆ្នាំងបានអោយដឹងថា…
ខេត្តកំពង់ឆ្នាំង ៖ ស្ត្រីជនជាតិវៀតណាមម្នាក់បានធ្លាក់ទឹកជិតពីរម៉ោងបណ្ដាលឲ្យស្លាប់បាត់បង់ជីវិតក្នុងហេតុការណ៍គ្រោះថ្នាក់ចរាចរណ៍ផ្លូវទឹកមួយបានកើតឡើងកាលពីវេលាម៉ោង៥និង៣០នាទីព្រឹកថ្ងៃទី៥ ខែឧសភា ឆ្នាំ២០១៩ នៅដងទន្លេផ្សារក្រោម ស្ថិតក្នុងភូមិទី៧ សង្កាត់ខ្សាម ក្រុងកំពង់ឆ្នាំង។
តាមប្រភពពីសមត្ថកិច្ចនគរបាលក្រុងកំពង់ឆ្នាំងបានអោយដឹងថា ជនរងគ្រោះដែលស្លាប់ឈ្មោះ ង្វៀង ធីនឹក ភេទស្រី អាយុ៤៨ឆ្នាំ ជាជនជាតិវៀតណាម ស្នាក់នៅភូមិទី៧ សង្កាត់ខ្សាម ក្រុងកំពង់ឆ្នាំង ។
តាមប្រភពដដែលបានបន្តថា មុនពេលកើតហេតុ ស្ត្រីរងគ្រោះខាងលើបានជិះទូកម៉ាស៊ីនតែម្នាក់ឯង លុះមកដល់ចំណុចកើតហេតុក៏បានបុកជាមួយនឹងកាណូតបាឡាស្មាច់ ដែលបើកបរដោយជនមិនស្គាល់ឈ្មោះ បណ្ដាលឲ្យស្ត្រីរងគ្រោះធ្លាក់ទឹកលង់ស្លាប់នៅកន្លែងកើតហេតុ។
ក្រោយពេលកើតហេតុ ក្រុមគ្រួសារនិងប្រជាពលរដ្ឋវៀតណាមបាននាំគ្នាចុះមុជរាវរកសពរហូតដល់ម៉ោងជាង៧ព្រឹកថ្ងៃដដែល ទើបរកសពស្ត្រីរងគ្រោះឃើញ ។ ដោយឡែក ជនបង្កដែលជិះកាណូតបាឡាស្មាច់បានរត់គេចខ្លួនបាត់។
ក្រោយពេលធ្វើកោសល្យវិច័្ចយរួច សមត្ថកិច្ចឲ្យដឹងថា សង្ស័យកាណូតបាឡាស្មាច់បុកចំក្បាលជនរងគ្រោះបណ្ដាលឲ្យសន្លប់រួចធ្លាក់ទឹកទើបតែស្លាប់បាត់បង់ជីវិតបែបនេះ ។ ពេលនេះសមត្ថកិច្ចកំពុងតែស្រាវជ្រាវរកមុខសញ្ញាជនបង្ករ ដើម្បីនាំយកមកចាត់ការតាមផ្លូវច្បាប់ ។ រីឯសពជនរងគ្រោះត្រូវបានសមត្ថកិច្ចប្រគល់ជូនក្រុមគ្រួសារដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ