ខេត្តកំពង់ឆ្នាំង ៖ មនុស្ស២នាក់បានស្លាប់ និង២នាក់ទៀតបានរងរបួសធ្ងន់ នៅក្នុងហេតុការណ៍គ្រោះថ្នាក់ចរាចរណ៍រថយន្តព្រូសមួយគ្រឿងរេចង្កូតធ្លាក់ចូលប្រឡាយគ្មានទឹក ហើយជ្រុលទៅបុកលូ ។ ហេតុការណ៍ខាងលើនេះ បង្កការភ្ញាក់ផ្អើលកើតឡើងនៅវេលាម៉ោង ៩និង៤៥នាទីព្រឹកថ្ងៃទី…
ខេត្តកំពង់ឆ្នាំង ៖ មនុស្ស២នាក់បានស្លាប់ និង២នាក់ទៀតបានរងរបួសធ្ងន់ នៅក្នុងហេតុការណ៍គ្រោះថ្នាក់ចរាចរណ៍រថយន្តព្រូសមួយគ្រឿងរេចង្កូតធ្លាក់ចូលប្រឡាយគ្មានទឹក ហើយជ្រុលទៅបុកលូ ។
ហេតុការណ៍ខាងលើនេះ បង្កការភ្ញាក់ផ្អើលកើតឡើងនៅវេលាម៉ោង ៩និង៤៥នាទីព្រឹកថ្ងៃទី ២ ខែមីនា ឆ្នាំ ២០២៦ នៅចំណុចប្រឡាយគ្មានទឹកមួយកន្លែង តាមបណ្ដោយផ្លូវជាលេខ ៥ ចន្លោះគីឡូម៉ែត្រលេខ ៧៥ និង៧៦ ស្ថិតក្នុងភូមិចារថ្មី ឃុំអណ្ដូងស្នាយ ស្រុករលាប្អៀរ ។
តាមប្រភពពីសមត្ថកិច្ចនគរបាលនៅកន្លែងកើតហេតុបានអត់ដឹងថា មុនពេលកើតហេតុគេឃើញរថយន្ត toyota prius ពណ៌ខៀវពាក់ស្លាកលេខភ្នំពេញ 2BM-4772 បើកបរក្នុងទិសដៅពីត្បូងទៅជើង ផ្លូវល្បឿនយ៉ាងលឿន លុះមកដល់ចំណុចកើតហេតុ បានរេចង្កូត ធ្លាក់ចូលប្រឡាយគ្មានទឹក ហើយបានជ្រុលទៅបុកនឹងលូឆ្លងប្រឡាយយ៉ាងខ្លាំង បណ្ដាលឱ្យបុរសម្នាក់ជាអ្នកបើកបរ មានអាយុប្រហែល៥០ឆ្នាំ និងស្ត្រីម្នាក់ដែលអង្គុយផ្នែកខាងមុខ បានស្លាប់ទាំង២នាក់ ចំណែកស្ត្រី២នាក់ទៀត ជាអ្នករួមដំណើរដែលអង្គុយខាងក្រោយ បានរងរបួសធ្ងន់។
ក្រោយពេលកើតហេតុ ស្ត្រីរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យបង្អែកខេត្តកំពង់ឆ្នាំងជាបន្ទាន់ ។ ចំណែកសពជនរងគ្រោះដែលមិនទាន់ស្គាល់អត្តសញ្ញាណទាំង២នាក់ ត្រូវបានរក្សាទុក ដើម្បី ប្រគល់ជូនក្រុមគ្រួសារមកទទួលយកទៅធ្វើបុណ្យតាមប្រពៃណី ។ រីឯមធ្យោបាយធ្វើដំណើរត្រូវបានរក្សាទុកនៅ ការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តកំពង់ឆ្នាំង៕
ចែករំលែកព័តមាននេះ