រាជធានីភ្នំពេញៈយុវជនម្នាក់បានបើកបរក្នុងល្បឿនលឿនទៅបុករថយន្តម៉ាក់ហ៊ីយ៉ាន់ដាយឃ្លុប ដឹកទំនិញមួយគ្រឿងពេញទំហឹងបណ្ដាលឲ្យបោកក្បាល ស្លាប់នៅនឹងកន្លែងហើយម៉ូតូរងការខូចខាតធ្ងន់ធ្ងរ។
ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង៧និង៣០នាទីព្រឹក ថ្ងៃទី០១ខែមិនាឆ្នាំ២០២៦នេះនៅចំណុចភូមិបាក់ខែងលើ សង្កាត់បាក់ខែង ខណ្ឌជ្រោយចង្វាររាជធានីភ្នំពេញ។
ជនរងគ្រោះដែលបានស្លាប់បាត់បង់ជីវិតឈ្មោះអាត បញ្ញាសិទ្ធិអាយុ ១៦ឆ្នាំជា សិស្ស មានទីលំទួលសង្កែទី១ ខណ្ឌឬស្សីកែវរាជធានីភ្នំពេញជិះម៉ូតូម៉ាកហុងដា លិតពណ៌សពាកស្លាកលេខភ្នំពេញ១ME០៩០២។
តាមសាក្សីបានឲ្យដឹងថា នៅមុនពេលកើតហេតុ គេឃើញជនរងគ្រោះជិះម៉ូតូតែម្នាក់ឯងក្នុងទិសដៅពីលិចទៅកើតដោយល្បឿនលឿនរួមដំណើរជាមួយម៉ូតូមិត្តភក្កិជាច្រើនគ្រឿងទៀតធ្វើដំណើរស្របទិសគ្នា។នៅពេលធ្វើដំណើរមកដល់ចំណុចកើតហេតុ ជនរងគ្រោះក៏បានមបុកពីក្រោយរថយន្តម៉ាក់ហ៊ីយ៉ាន់ដាយឃ្លុបដឹកទំនិញមួយគ្រឿងពេញទំហឹងបណ្ដាលឲ្យជនរងគ្រោះបោកក្បាលស្លាប់នៅនឹងកន្លែង។
រីឯម៉ូតូស្រុញមុខរងការខូចខាតធ្ងន់ធ្ងរ។បន្ទាប់ពីកើតមានគ្រោះថ្នាក់រថយន្តក៏បានបើកគេច ហើយត្រូវមិត្តភក្កិជនរងគ្រោះដែលជិះម៉ូតូរួមដំណើរជាមួយ ដេញឃាត់បានតែក្រោយមកក៏បានបើកគេចបាត់វិញដោយសារមានការធ្វើប្រហែស។បន្ទាប់ពីកើតមានគ្រោះថ្នាក់នគរបាលមូលដ្ឋានក៏បានចុះសម្រួលចរាចរណ៍និងទាក់ទងទៅនគរបាលការិយាល័យចរាចរណ៍ផ្លូវគោកចុះមកវាស់វែងរួចនាំយកម៉ូតូទៅកាន់ការិយាល័យ។ សពត្រូវបានក្រុមគ្រួសារនាំយកទៅធ្វើបុណ្យតាមប្រពៃណីនៅវត្តទួលសង្កែ៕
ចែករំលែកព័តមាននេះ