រាជធានីភ្នំពេញ ៖ នៅរសៀលថ្ងៃអាទិត្យ ទី៥ ខែឧសភា ឆ្នាំ២០១៩នេះ សង្វៀនអន្តរជាតិរបស់ទូរទស្សន៍អាស៊ីអាគ្នេយ៍ នឹងបើកសង្វៀនជាលក្ខណៈអន្តរជាតិ ឱ្យកីឡាករកម្ពុជា និងបរទេស២រូបប៉ះគ្នាទៀតហើយ…
រាជធានីភ្នំពេញ ៖ នៅរសៀលថ្ងៃអាទិត្យ ទី៥ ខែឧសភា ឆ្នាំ២០១៩នេះ សង្វៀនអន្តរជាតិរបស់ទូរទស្សន៍អាស៊ីអាគ្នេយ៍ នឹងបើកសង្វៀនជាលក្ខណៈអន្តរជាតិ ឱ្យកីឡាករកម្ពុជា និងបរទេស២រូបប៉ះគ្នាទៀតហើយ ដោយមានម្ចាស់ផ្ទះ២រូប គឺកីឡាករ សារឿន ច័ន្ទ ត្រូវគេឱ្យប្រកួតជាគូឯក ហើយឱ្យកីឡាករវ័យក្មេងមួយរូបទៀត គឺ វ៉ាន់ វឿន ប្រកួតជាគូរងឯក ក្នុងពេលដែលអ្នកទាំងពីរ សុទ្ធតែជាកីឡាករឡើងកូដ។
ការប្រកួត២គូនេះ ត្រូវបានមហាជនផ្ដោតការចាប់អារម្មណ៍យ៉ាងខ្លាំង ដោយសារតែកីឡាករកម្ពុជា និងបរទេសសុទ្ធតែជាជើងខ្លាំង នៅក្នុងពិភពប្រដាល់តែម្ដង។
លោកញាណ សុធី អ្នករៀបចំការប្រកួតប្រចាំនៅទូរទស្សន៍អាស៊ីអាគ្នេយ៍បានថ្លែងប្រាប់ថា ក្នុងចំណោមកីឡាករកម្ពុជា ២រូបដែលមានឈ្មោះឡើងប្រកួតមិត្តភាពអន្តរជាតិក្នុងព្រឹត្តិការណ៍ប្រដាល់នោះ កីឡាករ សារឿន ច័ន្ទ គឺជាកីឡាករជើងខ្លាំងម្នាក់ដែលលោករំពឹងខ្ពស់សម្រាប់ការប្រកួតជាមួយថៃ។
បើទោះជាគេត្រូវប្រឈមនឹងកីឡាករថៃល្អសម្រាប់ការប្រកួតលើកនេះ តែម្នាក់ៗនៅតែមានទំនុកចិត្តចំពោះសមត្ថភាពរបស់កីឡាករកម្ពុជារូបនេះភាគច្រើន។ គេត្រូវប៉ះប្រកួតជាមួយកីឡាករថៃឈ្មោះ យ៉ត ចាក់ភេត។ លោកថា កីឡាករកម្ពុជា ធ្លាប់ប្រកួតបាន១០២លើក ឈ្នះ៨១លើក ចាញ់១៩លើក និងស្មើ២ប៉ុណ្ណោះ ខណៈដែលកីឡាករថៃ ប្រកួតបាន៦៣ដង ឈ្នះ៥៥លើក ចាញ់៨លើក និងមិនធ្លាប់ស្មើ។
មួយគូទៀត កីឡាករវ័យក្មេង វ៉ាន់ វឿន ដែលអ្នកស្នេហាវិស័យប្រដាល់ទើបតែស្គាល់ថា ជាជើងខ្លាំង និងឡើងកូដ ក៏ត្រូវគណៈកម្មការផ្គូរផ្គងឱ្យប៉ះប្រកួតជាមួយកីឡាករថៃផងដែរ គឺឱ្យប៉ះជាមួយកីឡាករថៃ យ៉ត វ៉ាន់ឌី ក្នុងនាមជាគូរងឯក។
លោកថា មួយគូនេះ កីឡាករកម្ពុជា ធ្លាប់ប្រកួតផ្លូវការបាន៧៥លើក ឈ្នះ៦០លើក ចាញ់១៣លើក និង ស្មើ២ ខណៈដែលកីឡាករថៃក៍ប្រកួតបាន ៧៥លើកដូចគ្នា ឈ្នះ៥៨លើក ចាញ់១៧លើក និងមិនធ្លាប់ស្មើ៕
ចែករំលែកព័តមាននេះ