ខេត្តតាកែវ ៖ ទោះបីមានការហាមឃាត់មិនឱ្យនាំជ្រូកពីវៀតណាមចូលមកលក់នៅលើទីផ្សារកម្ពុជា ព្រោះតែនៅវៀតណាមមានកើតជំងឺប៉េស្តជ្រូកអាហ្រិ្វកក្តី ក៏ការលួចនាំជ្រូកចូលពីវៀតណាមនៅតែមាន ដែលគេដឹងថា បាននាំចូលតាមផ្លូវទឹករួចផ្ទេរដាក់រថយន្តនៅភូមិព្រៃឈើទាល ឃុំព្រៃផ្តៅ ស្រុកទ្រាំង ដោយក្នុង១សប្តាហ៍១ជើងទៅ២ជើង…
ខេត្តតាកែវ ៖ ទោះបីមានការហាមឃាត់មិនឱ្យនាំជ្រូកពីវៀតណាមចូលមកលក់នៅលើទីផ្សារកម្ពុជា ព្រោះតែនៅវៀតណាមមានកើតជំងឺប៉េស្តជ្រូកអាហ្រិ្វកក្តី ក៏ការលួចនាំជ្រូកចូលពីវៀតណាមនៅតែមាន ដែលគេដឹងថា បាននាំចូលតាមផ្លូវទឹករួចផ្ទេរដាក់រថយន្តនៅភូមិព្រៃឈើទាល ឃុំព្រៃផ្តៅ ស្រុកទ្រាំង ដោយក្នុង១សប្តាហ៍១ជើងទៅ២ជើង ។
ប្រជាពលរដ្ឋបានឱ្យដឹងថា ការលួចនាំជ្រូកចូលនេះភាគច្រើននៅពេលទឹកជោរ រួចមកដល់កំពង់ព្រៃផ្តៅលើកដាក់រថយន្ត ហើយដឹកយកមកកាប់សាច់បន្លំចូលលក់ដោយបន្លំថា ជាជ្រូកក្នុងស្រុក(ជ្រូកCP) ។ ពួកគាត់និយាយទៀតថា នេះមិនមែនជាលើកទី១ទេ ដែលក្រុមឈ្មួញខិលខូចលួចនាំជ្រូកពីវៀតណាមចូល រីឯមន្ទីរកសិកម្ម រុក្ខាប្រមាញ់ និងនេសាទខេត្ត ពិសេសខាងពេទ្យសត្វនៅតែទប់ស្កាត់មិនបាន ។
កាលពីដើមខែមេសាកន្លងទៅ លោក អ៊ូច ភា អភិបាលខេត្ត បានធ្វើការប្រជុំបន្ទាន់មួយ ដោយដាក់គោលការណ៍យ៉ាងតឹងរឹុងចំពោះអភិបាលស្រុកណាដែលមានជ្រូកនាំចូលពីប្រទេសវៀតណាម ដោយព្រមានថាអាចដកចេញពីមុខតំណែងទៀតផង ។ ពលរដ្ឋទាំងនោះចោទជាសំណួរថា ឥឡូវនេះមានការលួចនាំជ្រូកពីវៀតណាមចូលមកលក់បន្លំជាជ្រូកក្នុងស្រុកហើយ តើនឹងត្រូវធ្វើបែបណា ?
លោក ថៃ លី ប្រធានការិយាល័យផលិតកម្ម និងបសុព្យាបាលខេត្ត ប្រាប់កោះសន្តិភាពតាមទូរស័ព្ទថា បន្ទាប់ពីមានការហាមឃាត់ និងបិទទាំងស្រុងក្រុមហ៊ុនដែលនាំជ្រូកចូលពីស្រុកយួនរួចមក ខាងជំនាញរបស់លោកបានបែងចែកកម្លាំងចេញល្បាតដើម្បីទប់ស្កាត់ ចំពោះជនខិលខូចដែលលួចនាំជ្រូកចូលមកជានិច្ច ហើយក៏មិនដែលធ្វើខុសនិងត្រូវរ៉ូវគ្នាជាមួយជនខិលខូចឡើយ ៕
ចែករំលែកព័តមាននេះ