យោងតាមអង្គការមូលនិធិសម្រាប់កុមាររបស់សហរដ្ឋអាមេរិកហៅកាត់ UNICEF ប្រចាំនៅប្រទេសកម្ពុជាបានឱ្យដឹងកាលពីថ្ងៃអាទិត្យសប្តាហ៍កន្លងទៅថា តួលេខថ្មីមួយបានបង្ហាញថា កុមារកម្ពុជាប្រហែលជា២ពាន់នាក់ក្នុងមួយឆ្នាំៗបានស្លា.ប់ដោយជំងឺរាករូសដែលបណ្តាលមកពីកង្វះខាតផ្នែកអនាម័យ ក៏ដូចជាទឹកប្រើប្រាស់គ្មានសុវត្ថិភាព ។
យោងតាមអង្គការមូលនិធិសម្រាប់កុមាររបស់សហរដ្ឋអាមេរិកហៅកាត់ UNICEF ប្រចាំនៅប្រទេសកម្ពុជាបានឱ្យដឹងកាលពីថ្ងៃអាទិត្យសប្តាហ៍កន្លងទៅថា តួលេខថ្មីមួយបានបង្ហាញថា កុមារកម្ពុជាប្រហែលជា២ពាន់នាក់ក្នុងមួយឆ្នាំៗបានស្លាប់ដោយជំងឺរាករូសដែលបណ្តាលមកពីកង្វះខាតផ្នែកអនាម័យ ក៏ដូចជាទឹកប្រើប្រាស់គ្មានសុវត្ថិភាព ។
នៅក្នុងសេចក្តីថ្លែងការណ៍មួយ អង្គការ UNICEF បានបញ្ជាក់ថា ៖ «នៅប្រទេសកម្ពុជា កុមារប្រហែលជា២ពាន់នាក់ក្នុងមួយឆ្នាំបានស្លាប់ដោយជំងឺរាក ។ ទោះជាយ៉ាងណា វិធីទប់ស្កាត់មួយដែលងាយបំផុតនិងអស់ថវិកាតិចចំពោះការឆ្លងមេរោគគឺត្រូវលាងដៃនឹងសាប៊ូ»។ សេចក្តីថ្លែងការណ៍បានបញ្ជាក់ទៀតថា អង្គការ UNICEF រួមជាមួយរាជរដ្ឋាភិបាលកម្ពុជា និងដៃគូផ្សេងទៀតនឹងបើកយុទ្ធនាការមួយក្នុងគោលបំណងបញ្ជ្រាបការយល់ដឹងដល់ពលរដ្ឋពីសារសំខាន់នៃការលាងដៃនឹងសាប៊ូ ។
Sanjay Wijesekera មន្ត្រីកម្មវិធីអនាម័យនិងទឹកស្អាតពិភពលោករបស់អង្គការ UNICEF បានថ្លែងថា ៖ «ការលាងដៃនឹងសាប៊ូគឺជាមធ្យោបាយមួយមានប្រសិទ្ធភាពបំផុតអាចជួយសង្គ្រោះជីវិតកុមារ ។ លាងដៃមុនពេលទទួលទានអាហារ និងក្រោយបត់ជើងធំកាត់បន្ថយបានយ៉ាងច្រើននូវការឆ្លងរាលដាលនៃជំងឺរាក ហើយឈានទៅសម្រេចបាននូវសុខភាព និងសុខុមាលភាពរបស់កុមារ ក៏ដូចជាសហគមន៍»។
យោងតាម UNICEF បច្ចុប្បន្នជំងឺរាកនៅតែជាមូលហេតុធំលំដាប់ទី២ នៃអត្រាស្លាប់របស់កុមារអាយុក្រោមអាយុ៥ឆ្នាំនៅទូទាំងពិភពលោកដោយក្នុងមួយឆ្នាំៗមានកុមារប្រមាណជា ៦០ម៉ឺននាក់ស្លាប់បាត់បង់ជីវិតដោយជំងឺប្រភេទនេះ ៕
ចែករំលែកព័តមាននេះ