យោងតាមការសិក្សាថ្មីមួយបង្ហាញថា ទទួលទានដំណេកចន្លោះពី៦ទៅ៨ម៉ោងក្នុងមួយយប់អាចជាគន្លឹះមួយជួយកាត់បន្ថយហានិភ័យពីបញ្ហារោគបេះដូង ព្រមទាំងជំងឺដាច់សរសៃឈាមក្នុងខួរក្បាល ។ នៅក្នុងការពិសោធលើជនជាតិអាមេរិក៦ពាន់៥៣៨នាក់ ក្រុមអ្នកស្រាវជ្រាវបានរកឃើញថា បុគ្គលដែលទទួលទានដំណេកតិចជាង៦ម៉ោងក្នុងមួយយប់ប្រឈមទ្វេដងនឹងជំងឺគាំងបេះដូង ក៏
យោងតាមការសិក្សាថ្មីមួយបង្ហាញថា ទទួលទានដំណេកចន្លោះពី៦ទៅ៨ម៉ោងក្នុងមួយយប់អាចជាគន្លឹះមួយជួយកាត់បន្ថយហានិភ័យពីបញ្ហារោគបេះដូង ព្រមទាំងជំងឺដាច់សរសៃឈាមក្នុងខួរក្បាល ។ នៅក្នុងការពិសោធលើជនជាតិអាមេរិក៦ពាន់៥៣៨នាក់ ក្រុមអ្នកស្រាវជ្រាវបានរកឃើញថា បុគ្គលដែលទទួលទានដំណេកតិចជាង៦ម៉ោងក្នុងមួយយប់ប្រឈមទ្វេដងនឹងជំងឺគាំងបេះដូង ក៏ដូចជាជំងឺដាច់សរសៃឈាមក្នុងខួរក្បាលធៀបនឹងបុគ្គលដែលទទួលទានដំណេកចន្លោះពី៦ទៅ៨ម៉ោង ។ ក្រៅពីនេះ ពួកគេក៏ប្រឈមនឹងជំងឺខ្សោយបេះដូងខ្ពស់ដល់ទៅ២/៣ផងដែរ ។
ផ្ទុយមកវិញ ប្រសិនជាគេទទួលទានដំណេកច្រើនជាង៨ម៉ោងក្នុងមួយយប់ នោះអត្រាប្រឈមនឹងជំងឺចុកណែនដើមទ្រូង គឺឡើងទ្វេគុណខណៈអត្រាប្រឈមនឹងជំងឺសរសៃអាក់ទែរបេះដូងកើន១៩ភាគរយ ។
វេជ្ជបណ្ឌិត Saurabh Aggarwal អ្នកដឹកនាំការសិក្សាមកពីសាលា Chicago Medical School នៃសាកលវិទ្យាល័យឱសថសាស្រ្ត និងវិទ្យាសាស្ត្រ Rosalind Franklin Universityនៅរដ្ឋអីុលីណយ សហរដ្ឋអាមេរិកបានថ្លែងថា ៖ «មនុស្សដែលទទួលទានដំណេកច្រើនម៉ោងប្រឈមខ្ពស់នឹងបញ្ហាបេះដូង ហើយអត្រាប្រឈមនេះអាចធ្លាក់ចុះមកវិញនៅពេលគេទម្លាក់ចំនួនម៉ោងមកនៅត្រឹមចំណុចកណ្តាល ពោលគឺចន្លោះពី៦-៨ម៉ោង ។ យោងលើលទ្ធផលនៃការសិក្សានេះបានបង្ហាញយ៉ាងច្បាស់ថា ចន្លោះពី៦ទៅ៨ម៉ោងជារយៈពេលដំណេកល្អជាងគេបំផុត»៕
ចែករំលែកព័តមាននេះ