ខេត្តព្រៃវែង ៖ ប្រជាពលរដ្ឋ៣០គ្រួសារ ដែលស្ថិតក្នុងឃុំកំពង់អំពិល ស្រុកពារាំង បានទទួលអំណោយជាគ្រឿងឧបភោគបរិភោគ និងថវិកាមួយចំនួនពីសមាគមសិល្បករខ្មែរ កាលពីព្រឹកថ្ងៃទី២១ តុលា ២០១៣ ។
ខេត្តព្រៃវែង ៖ ប្រជាពលរដ្ឋ៣០គ្រួសារ ដែលស្ថិតក្នុងឃុំកំពង់អំពិល ស្រុកពារាំង បានទទួលអំណោយជាគ្រឿងឧបភោគបរិភោគ និងថវិកាមួយចំនួនពីសមាគមសិល្បករខ្មែរ កាលពីព្រឹកថ្ងៃទី២១ តុលា ២០១៣ ។
ប្រធានសមាគមសិល្បករខ្មែរ លោក សុះ ម៉ាច បានមានប្រសាសន៍ថា ដោយមើលឃើញពីទុក្ខលំបាករបស់ប្រជាពលរដ្ឋដែលក្រខ្សត់ និងទទួលរងគ្រោះដោយទឹកជំនន់ សមាគមសិល្បករខ្មែរបានធ្វើការកៀងគរ ស្វែងរកថវិកាពីសប្បុរសជនទាំងក្នុង និងក្រៅប្រទេសដើម្បីយកទៅជួយប្រជាពលរដ្ឋដែលកំពុងតែជួបការលំបាកនាពេលនេះ ។
លោកបញ្ជាក់ថា អំណោយដែលយកមកចែកជូនប្រជាពលរដ្ឋនាពេលនេះ គឺបានមកពីសប្បុរសជននានា មកពីក្រៅប្រទេស ក្នុងប្រទេស អ្នកសិល្បៈ សមាគមសិល្បៈ និងថវិកាផ្ទាល់ខ្លួនរបស់លោកមួយចំនួន ។
អំណោយដែលយកចែកជូនមាន អង្ករ ទឹកត្រី ទឹកស៊ីវអ៊ីវ ត្រីខកំប៉ុង និងថវិកាចំនួន២ម៉ឺនរៀល ដល់ក្រុមគ្រួសារចំនួន៣០ ដែលសុទ្ធសឹងជាជនក្រីក្រ និងរងគ្រោះដោយទឹកជំនន់ ក្នុងនោះក៏មានសិល្បៈករជើងចាស់២រូបផងដែរ ៕
ចែករំលែកព័តមាននេះ