ADផ្ទាំងផ្សព្វផ្សាយពាណិជ្ជកម្ម

Picture

សម្តេច​តេ​ជោ និង​សម្តេច​កិត្តិ​ព្រឹទ្ធ​បណ្ឌិត ផ្តល់​អំណោយ​មនុស្សធម៌​ដល់​ពលរដ្ឋ​ក្រីក្រ​៣៨០​គ្រួសារ ដែល​ប្រកបរ​បរជា​អ្នក​រើស​សំរាម​នៅ​ទីលាន​ចាក់សំរាម​

5 ថ្ងៃ មុន
  • ភ្នំពេញ

សម្តេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា និង​សម្តេច​កិត្តិ​ព្រឹទ្ធ​បណ្ឌិត ប៊ុ​ន រ៉ា​នី ហ៊ុន សែន ប្រធាន​កាកបាទក្រហមកម្ពុជា បាន​ផ្តល់​អំណោយ​មនុស្សធម៌​ដល់​ប្រជាពលរដ្ឋ​ក្រីក្រ​៣៨០​គ្រួសារ ដែល​ប្រកបរ​បរជា

រាជធានី​ភ្នំពេញ ៖ សម្តេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា និង​សម្តេច​កិត្តិ​ព្រឹទ្ធ​បណ្ឌិត ប៊ុ​ន រ៉ា​នី ហ៊ុន សែន ប្រធាន​កាកបាទក្រហមកម្ពុជា បាន​ផ្តល់​អំណោយ​មនុស្សធម៌​ដល់​ប្រជាពលរដ្ឋ​ក្រីក្រ​៣៨០​គ្រួសារ ដែល​ប្រកបរ​បរជា​អ្នក​រើស​សំរាម​នៅ​ទីលាន​ចាក់សំរាម​ខណ្ឌដង្កោ នា​ឱកាស​បុណ្យ​ភ្ជុំបិណ្ឌ​នេះ ដើម្បី​សម្រួល​ដល់​ជីវភាព​រស់នៅ​ប្រចាំ​ថ្ងៃ​របស់​ពួក​គាត់ និង​អាច​យក​ទៅ​ធ្វើបុណ្យ​ទាន​តាម​គន្លង​ព្រះពុទ្ធ​សាសនា​។

Picture

ក្នុង​ឱកាស​ចុះ​សួរសុខទុក្ខ សំណេះសំណាល និង​នាំ​យក​អំណោយ​របស់​សម្ដេច​តេ​ជោ ហ៊ុន សែន នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា និង​សម្ដេច​កិត្តិ​ព្រឹទ្ធ​បណ្ឌិត ប៊ុ​ន រ៉ា​នី ហ៊ុន​សែន ប្រធាន​កាកបាទក្រហមកម្ពុជា ជូន​ដល់​បងប្អូន​អ្នក​រើស​សំរាម (​អេ​ត​ចាយ​) ចំនួន​៣៨០​គ្រួសារ ក្នុង​ទីលាន​ចាក់សំរាម​ដង្កោ រាជធានី​ភ្នំពេញ នៅ​ព្រឹក​ថ្ងៃ​ទី​២៣ ខែកញ្ញា ឆ្នាំ​២០២២ ឯកឧត្តម ឃួ​ង ស្រេង ប្រធាន​គណៈ​កម្មាធិការ​សាខា​កាកបាទក្រហម​រាជធានី​ភ្នំពេញ និង​ជា​អភិបាល​រាជធានី​ភ្នំពេញ បាន​សម្ដែង​នូវ​ការ​កោតសរសើរ ចំពោះ​បងប្អូន​ប្រជាពលរដ្ឋ ដែល​ប្រកប​មុខរបរ​រើស​អេ​ត​ចាយ នៅ​ទីលាន​ចាក់សំរាម​ដង្កោ ដែល​បាន​ប្រឹងប្រែង​រើស​អេ​ត​ចាយ នៅ​ទីលាន​ចាក់សំរាម ដោយ​មិន​បាន​ប្រព្រឹត្ត​បទល្មើស​ដែល​ខុស​នឹង​ច្បាប់ បើ​ទោះបី​បងប្អូន​មានការ​លំបាក​បន្តិច​ក៏​ដោយ​។

Picture

ឯកឧត្តម ឃួ​ង ស្រេង បន្ត​ថា បងប្អូន​អ្នក​រើស​អេ​ត​ចាយ​នៅ​ទីលាន​ចាក់សំរាម បាន​ប្រកប​ការ​រកស៊ី​ដោយ​សុច្ចរិត​ទៀងត្រង់ មិន​ប្រព្រឹត្ត​នូវ​បទល្មើស លួច ឆក់ ប្លន់​ដែល​ជា​បទល្មើស​ខុសច្បាប់​ដែល​នេះ ពិតជា​បាន​បង្ហាញ​ឱ្យ​ឃើញ​ថា បងប្អូន​ជា​ប្រជាពលរដ្ឋ​ល្អ រស់នៅ​ក្នុង​សង្គម ។

Picture

ឯកឧត្តម ក៏​បាន​ណែនាំ​ដល់​បងប្អូន​ប្រជាពលរដ្ឋ ដែល​ប្រកប​មុខរបរ​រើស​អេ​ត​ចាយ ក្នុង​ករណី​រក​អ្វី​មិន​បាន​សម្រាប់​បរិភោគ បងប្អូន​អាច​ទៅ​សាខា​កាកបាទក្រហម​ខណ្ឌដង្កោ ដើម្បី​ទទួល​បាន​ស្បៀងអាហារ​សម្រាប់​ដោះស្រាយ​ក្នុង​ជីវភាព​។ ឯកឧត្តម​បាន​បញ្ជាក់​ថា ការ​ផ្តល់​អំណោយ​មនុស្សធម៌​របស់​សម្តេច​តេ​ជោ​នាយក​រដ្ឋមន្ត្រី និង​សម្តេច​កិត្តិ​ព្រឹទ្ធ​បណ្ឌិត​ជូន​ដល់​បងប្អូន​ក្រីក្រ​រើស​សំរាម​នា​ពេល​នេះ គឺ​បាន​បង្ហាញ​ពី​ការ​យកចិត្ត​ទុក ដាក់​យ៉ាង​ខ្លាំង​ទៅ​លើ​សុខទុក្ខ​របស់​ប្រជាពលរដ្ឋ​ក្រីក្រ​នា​ឱកាស​រដូវ​បុណ្យ​ទាន​នេះ ដែល​អាច​ឱ្យ​ពួក​គាត់​មាន​ថវិកា និង​សម្ភារៈ​សម្រាប់​ធ្វើបុណ្យ​ទាន ឬ​ជូន​អ្នក​មានគុណ​ក្នុង​ឱកាស​បុណ្យ​ភ្ជុំបិណ្ឌ​នេះ​។

Picture

ក្នុង​ឱកាស​នោះ​ដែរ ឯកឧត្តម បាន​នាំ​ការ​ផ្តាំផ្ញើ​ការ​សួរសុខទុក្ខ​ពី​សំណាក់​សម្តេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា និង​សម្តេច​កិត្តិ​ព្រឹទ្ធ​បណ្ឌិត ប៊ុ​ន រ៉ា​នី ហ៊ុន សែន ប្រធាន​កាកបាទក្រហមកម្ពុជា ដែល​សម្តេច​ជា​និច្ច​ជា​កាល​តែងតែ​គិតគូរ​ដល់​បងប្អូន​មាន​ជីវភាព​ខ្វះខាត ហើយ​តែងតែ​ណែនាំ​ដល់​យើងខ្ញុំ​ទាំងអស់​គ្នា និង​កៀរគរ​សប្បុរសជន​ទាំងអស់ ឱ្យ​យល់ ឱ្យ​ឃើញ និង​ធ្វើការ​ចែករំលែក​ជា​អំណោយ ថវិកា សម្ភារៈ និង​ស្បៀងអាហារ ជូន​ដល់​បងប្អូន​អ្នក​ក្រីក្រ ដែល​នេះ​ជា​ទឹកចិត្ត​មិន​អាច​ខ្វះ​បាន របស់​ប្រមុខ​រាជរដ្ឋាភិបាល ក៏​ដូច​ជា​ប្រមុខ​កាកបាទក្រហមកម្ពុជា​យើង​»​។

Picture

គួរ​បញ្ជាក់​ថា អំណោយ​ដែល​បាន​ប្រគល់​ជូន​នេះ រួម​មាន ៖ អង្ករ​៣០​គីឡូក្រាម មី​០១​កេស​តូច ទឹកត្រី​០១​យួរ ទឹកស៊ីអ៊ីវ​០១​យួរ ត្រីខកំប៉ុង​០១​ដុំ ទឹក​សុទ្ធ​មួយ​កេស និង​ថវិកា​ចំនួន​៤០,០០០​រៀល​ក្នុង​មួយ​គ្រួសារ ដើម្បី​រួមចំណែក និង​កាត់​បន្ថយ​ការ​ចំណាយ ក្នុង​ជីវភាព​គ្រួ​សារបាន​មួយ​ចំណែក​៕

Picture
Picture