ខេត្តប៉ៃលិន ៖ លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្ត និងជាប្រធានសមាគមអតីតយុទ្ធជន និងនិវត្តជនកម្ពុជាខេត្តប៉ៃលិន អមដំណើរដោយក្រុមការងារ កាលពីថ្ងៃទី២៩…
ខេត្តប៉ៃលិន ៖ លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្ត និងជាប្រធានសមាគមអតីតយុទ្ធជន និងនិវត្តជនកម្ពុជាខេត្តប៉ៃលិន អមដំណើរដោយក្រុមការងារ កាលពីថ្ងៃទី២៩ ខែមីនា ឆ្នាំ២០២៦ បានអញ្ជើញប្រគល់ផ្ទះ១ខ្នង ដែលជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានសមាគមអតីត យុទ្ធជន និងនិវត្តជនកម្ពុជា និងកសាងដោយសម្ដេចមហាបវរបតី ហ៊ុន ម៉ាណែត នាយករដ្ឋមន្ត្រី និងជាអនុប្រធានទី១ សមាគមអតីតយុទ្ធជន និងនិវត្តជនកម្ពុជា ជូនដល់អតីតយុទ្ធជនម្នាក់ឈ្មោះ ប៉ាង សន ភេទប្រុសអត្តលេខ RA07001062 រស់នៅភូមិអូរច្រាលើ សង្កាត់ទួលល្វា ក្រុងប៉ៃលិន ខេត្តប៉ៃលិន ដើម្បីសម្រាលដល់ទុក្ខលំបាក និងជីវភាពរស់នៅប្រចាំថ្ងៃលោកតាពិតជារំភើបក្នុងចិត្តជាខ្លាំង ។
ក្រោយទទួលបាននូវអំណោយដ៏ថ្លៃថ្លានេះ ហើយលោកតាក៍បានជូនពរឱ្យសម្តេច មានសុខភាពល្អ កម្លាំងមាំមួននិងប្រាជ្ញាឈ្លាសវៃក្នុងការបន្តដឹកនាំប្រទេសជាតិនិងប្រជាពលរដ្ឋឱ្យមានការរីកចម្រើនជឿនលឿនទៅមុខ។ លោកតាក៏បានជូនពរដល់លោកជំទាវនិងក្រុមគ្រួសារឲ្យមានសុខភាពល្អកម្លាំងមាំមួនក្នុងដឹកនាំខេត្តប៉ៃលិនឲ្យរីកចម្រើនកាន់តែខ្លាំងឡើងថែមទៀត ។
លោកតាបញ្ជាក់ថា គាត់រកអ្វីថ្លែងពុំបាននោះឡើយ មានតែលើកម្រាមដៃដប់ សូមថ្លែងអំណរគុណម្តងហើយម្តងទៀត ព្រោះនេះជាជីវិតចុងក្រោយរបស់គាត់ ដែលមានផ្ទះថ្មីសម្រាប់ស្នាក់នៅនាពេលជីវិតចុងក្រោយរបស់ខ្លួន៕
ចែករំលែកព័តមាននេះ