រាជធានីភ្នំពេញ ៖ យុវជន២នាក់ ត្រូវយុវជនមួយក្រុមព្រួតវា.យ ព្រោះតែទៅញ៉ែសង្សារគេនៅក្នុងផាប់មួយកន្លែង ដែលហេតុការណ៍នេះ បានបង្កការភ្ញាក់ផ្អើល កាលពីវេលាម៉ោង៣និង០០នាទីទៀបភ្លឺ ត្រូវនឹងថ្ងៃទី១២ ខែឧសភា…
រាជធានីភ្នំពេញ ៖ យុវជន២នាក់ ត្រូវយុវជនមួយក្រុមព្រួតវា.យ ព្រោះតែទៅញ៉ែសង្សារគេនៅក្នុងផាប់មួយកន្លែង ដែលហេតុការណ៍នេះ បានបង្កការភ្ញាក់ផ្អើល កាលពីវេលាម៉ោង៣និង០០នាទីទៀបភ្លឺ ត្រូវនឹងថ្ងៃទី១២ ខែឧសភា ឆ្នាំ២០២៦ ស្ថិតនៅចំណុចភោជនីយដ្ឋានយីហោ ESCAPE តាមបណ្ដោយផ្លូវលេខ៦០៨ ក្នុងសង្កាត់បឹងកក់ទី២ ខណ្ឌទួលគោក រាជធានីភ្នំពេញ ហើយជនសង្ស័យទាំងនោះនាំគ្នារត់គេចខ្លួនបាត់អស់ ។
ចំពោះជនរងគ្រោះចំនួន២នាក់ខាងលើ ក៏បាននាំគ្នាមកដាក់ពាក្យបណ្ដឹងទៅសមត្ថកិច្ច បើកការស្រាវជ្រាវធ្វើការបង្ក្រាបបានបន្តបន្ទាប់ រហូតកម្លាំងផ្នែកជំនាញនៃអធិការដ្ឋាននគរបាលខណ្ឌទួលគោកបានធ្វើការឃាត់ខ្លួនជនសង្ស័យ០៥នាក់ ករណីហិ.ង្សាដោយចេតនា(ទំនាស់ពាក្យសំដីគ្នាផ្តើមចេញពីការប្រចណ្ឌសង្សារ) មិនដល់១ថ្ងៃផង នាំមកផ្នែកជំនាញព្រហ្មទណ្ឌ ដើម្បីសាកសួរនាំ ។ នារសៀលថ្ងៃទី១២ ខែឆ្នាំដដែល ។
១-ជនរងគ្រោះឈ្មោះ សុង លីហ៊ាង រងរបួសជាំភ្នែកខាងឆ្វេង , រយះចុងចិញ្ចើមស្ដាំ និងរលាត់ប្រអប់ដៃទាំងសងខាង (ដោយសារជនសង្ស័យទាំង០៥នាក់ខាងលើ វា.យនៅពេលកើតហេតុ) ។
២-ជនរងគ្រោះឈ្មោះ ជា សម្បត្តិលីហួរ របួសរលាត់ស្បែកដៃខាងឆ្វេង (ដោយសារជនសង្ស័យទាំង០៥នាក់ខាងលើវាយនៅពេលកើតហេតុ) ។
ដោយឡែកករណីខាងលើនេះសមត្ថកិច្ចបានឃាត់ខ្លួនជនសង្ស័យ០៥នាក់:
១-ឈ្មោះ សំ សុភ័កត្រា ភេទប្រុស អាយុ២២ឆ្នាំ ជនជាតិខ្មែរ មុខរបរនិស្សិតឆ្នាំទី៣ ស្នាក់នៅផ្ទះមិនចាំលេខ ភូមិបុរីកម្មករ សង្កាត់អូរបែកក្អម ខណ្ឌសែនសុខ រាជធានីភ្នំពេញ ។
២-ឈ្មោះ ឆេន ម៉េងហាក់ ភេទប្រុស អាយុ២៣ឆ្នាំ ជនជាតិខ្មែរ មុខរបរលក់ដូរ ស្នាក់នៅផ្ទះពុំចាំលេខ ផ្លូវបេតុង សង្កាត់គោកឃ្លាង ខណ្ឌសែនសុខ រាជធានីភ្នំពេញ ។
៣-ឈ្មោះ អោម លីងជុង ភេទប្រុស អាយុ២៣ឆ្នាំ ជនជាតិខ្មែរ មុខរបរ ជាងជួសជុលទូរស័ព្ទដៃ ស្នាក់នៅផ្ទះមិនចាំលេខ ផ្លូវលំ សង្កាត់គោករកា ខណ្ឌព្រែកព្នៅ រាជធានីភ្នំពេញ ។
៤-ឈ្មោះ ប៉ុន ចាន់ណារិទ្ធ ភេទប្រុស អាយុ២៤ឆ្នាំ ជនជាតិខ្មែរ មុខរបរ និស្សិតឆ្នាំទី៤ ស្នាក់នៅផ្ទះមិនចាំលេខ ផ្លូវលំ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
៥-ឈ្មោះ ឡុង រតន:មិនា ភេទប្រុស អាយុ២៣ឆ្នាំ ជនជាតិខ្មែរ មុខរបរ បុគ្គលិកក្រុមហ៊ុន ស្នាក់នៅផ្ទះមិនចាំលេខ ផ្លូវលំ សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
បច្ចុប្បន្ន ជនសង្ស័យខាងលើ កំពុងឃាត់ខ្លួនជាបណ្ដោះអាសន្ននៅ អធិការដ្ឋាននគរបាលខណ្ឌទួលគោក ដើម្បីសាកសួរ និងចាត់ការតាមនីតិវិធី ៕
ចែករំលែកព័តមាននេះ