សង្គ្រាមអ៊ុយក្រែន ៖ ទោះបីជាមានការលើកឡើងរបស់ប្រធានាធិបតីរុស្ស៊ី លោកវ្ហ៉ាឌីមៀរពូទីន កាលពីថ្ងៃទី៩ ឧសភា ពីការបញ្ច្ច្ប់សង្គ្រាមអ៊ុយក្រែន នាពេលឆាប់ខាងមុននេះក្ដី តែវិមានក្រឹមឡាំងវាយតម្លៃកាលពីថ្ងៃទី១២ ឧសភា…
សង្គ្រាមអ៊ុយក្រែន ៖ ទោះបីជាមានការលើកឡើងរបស់ប្រធានាធិបតីរុស្ស៊ី លោកវ្ហ៉ាឌីមៀរពូទីន កាលពីថ្ងៃទី៩ ឧសភា ពីការបញ្ច្ច្ប់សង្គ្រាមអ៊ុយក្រែន នាពេលឆាប់ខាងមុននេះក្ដី តែវិមានក្រឹមឡាំងវាយតម្លៃកាលពីថ្ងៃទី១២ ឧសភា ថា វាជាការប្រញាប់ប្រញាល់ពេកដែលលើកពីភាពលម្អិតជាក់ស្ដែងនៃដំណើរការឆ្ពោះទៅរកសន្តិភាពរវាងរុស្ស៊ី និងអ៊ុយក្រែន ។
អ្នកនាំពាក្យវិមានក្រឹមឡាំង លោកឌីមីឌ្រីប៉េស្កូវគូសបញ្ជាក់ថា និយាយពីដំណើរការសន្តិភាពអាចនិយាយបានថា ការបញ្ចប់សង្គ្រាមពិតជាជិតឈានដល់។ ប៉ុន្តែក្នុងន័យនេះ គេនៅមិនទាន់អាចលើកពីភាពលម្អិតជាក់ស្ដែងបាននៅឡើយទេ ។
ក្នុងសន្និសីទសារព័ត៌មានមួយ នាថ្ងៃប្រារព្ធទិវាជ័យជម្នះរបស់សូវៀតលើពួកណាហ្ស៊ី អាល្លឺម៉ង់ ប្រធានាធិបតីរុស្ស៊ី បានធ្វើឲ្យមានការភ្ញាក់ផ្អើលមួយដោយនិយាយថា ជម្លោះនៅអ៊ុយក្រែនឈានទៅរកទីបញ្ចប់ហើយ ។ លោកលើកឡើងថា ការងារត្រូវបានធ្វើក្នុងទម្រង់ត្រីភាគី ។ លោកបន្តថាលោកនឹងទទួលយករាល់ការខិតខំប្រឹងប្រែងរបស់សហរដ្ឋអាមេរិក ។
ប្រធានាធិបតីអាមេរិក លោកដូណាល់ត្រាំ ក៏ថ្លែងកាលពីថ្ងៃទី១២ ឧសភា ថា ការបញ្ចប់ការប្រយុទ្ធគ្នាខិតជិតមកដល់ហើយ រួចលោកអាចមកកាន់ក្រុងមូស្គូជាយថា ហេតុនាឆ្នាំនេះ ៕
ចែករំលែកព័តមាននេះ