តាមប្រភពព័ត៌មាន ESPN បានឱ្យដឹងថា កីឡាករជើងខ្លាំងប្រចាំប្រវត្តិសាស្ត្រប្រេស៊ីល Pele មានជំនឿចិត្តថា តារាឆ្នើមវ័យក្មេងនៅក្លិបអ្នកមានបារាំង Kylian Mbappe អាចនឹងអភិវឌ្ឍខ្លួនទៅជាកីឡាករខ្លាំងផ្តាច់គេ…
តាមប្រភពព័ត៌មាន ESPN បានឱ្យដឹងថា កីឡាករជើងខ្លាំងប្រចាំប្រវត្តិសាស្ត្រប្រេស៊ីល Pele មានជំនឿចិត្តថា តារាឆ្នើមវ័យក្មេងនៅក្លិបអ្នកមានបារាំង Kylian Mbappe អាចនឹងអភិវឌ្ឍខ្លួនទៅជាកីឡាករខ្លាំងផ្តាច់គេ ដោយមិនចាំបាច់ចាកចេញទៅកាន់ក្លិបផ្សេង ឬក៏ទៅលេងនៅ Real Madrid ។
វីរបុរសបាល់ទាត់ប្រេស៊ីល Pele បាននិយាយនៅក្នុងកម្មវិធីទីក្រុងប៉ារីសថា គាត់ជឿជាក់ថា Mbappe អាចនឹងក្លាយទៅជាកីឡាករខ្លាំងផ្តាច់គេ ដោយគ្រាន់តែនៅលេងនៅ PSG ក្នុងអាជីពជាកីឡាករបាល់ទាត់ ។
អតីតកីឡាករអាយុ៧៨ឆ្នាំបានប្រាប់ថា៖«Kylian មិនចាំបាច់ត្រូវចាកចេញពី PSG ដើម្បីក្លាយទៅជាកីឡាករខ្លាំងផ្តាច់គេលើលោកនោះទេ ។ គេត្រូវតែបន្តនៅលេងទីនោះ ដូចអ្វីដែលគេកំពុងធ្វើទៅបានហើយ ព្រោះនេះគឺជាវិធីធ្វើឱ្យគេក្លាយទៅជាកីឡាករខ្លាំងផ្តាច់គេ ។ នេះគឺជាអ្វីដែលសំខាន់ ។ ប្រសិនបើយើងប្រៀប Kylian និង Pele គឺ Pele មិនដែលត្រូវចាកចេញពី Santos ដើម្បីក្លាយជាកីឡាករខ្លាំងនោះទេ»។
តាមប្រភពពី ESPN FC បានឱ្យដឹងថា កីឡាករទាំងពីរ (Neymar និង Mbappe) ច្បាស់ថានឹងនៅបន្តលេងនៅ PSG បន្តទៀតនៅរដូវកាលក្រោយ ៕
ចែករំលែកព័តមាននេះ