ខេត្តប៉ៃលិន ៖ បុរសចំណាស់ម្នាក់រងរបួសធ្ងន់សន្លប់ដេកស្តូកស្តឹងនៅនឹងកន្លែង ខណៈជិះម៉ូតូបត់ឆ្វេងអត់មើលមុខក្រោយក៏ត្រូវរថយន្តកាមរី ពណ៌សំបកឪឡឹកបុកពេញទំហឹង ក្នុងទិសដៅបញ្រ្ចាសគ្នាបណ្តាលឱ្យដួលរងរបួសតែម្តង ចំណែករថយន្តក៏ជ្រុលទៅបុកម៉ូតូមួយគ្រឿងទៀត
ខេត្តប៉ៃលិន ៖ បុរសចំណាស់ម្នាក់រងរបួសធ្ងន់សន្លប់ដេកស្តូកស្តឹងនៅនឹងកន្លែង ខណៈជិះម៉ូតូបត់ឆ្វេងអត់មើលមុខក្រោយក៏ត្រូវរថយន្តកាមរី ពណ៌សំបកឪឡឹកបុកពេញទំហឹង ក្នុងទិសដៅបញ្រ្ចាសគ្នាបណ្តាលឱ្យដួលរងរបួសតែម្តង ចំណែករថយន្តក៏ជ្រុលទៅបុកម៉ូតូមួយគ្រឿងទៀតជិះគ្នា២នាក់ដែលនៅពីមុខដួលរបួសស្រាល ។
ហេតុការណ៍គ្រោះថ្នាក់ចរាចរណ៍នេះ កើតឡើងកាលពីវេលាម៉ោង១១និង៣០នាទីព្រឹកថ្ងៃទី០៩ តុលា ២០១៣ នៅតាមបណ្តោយផ្លូវជាតិលេខ៥៧ ស្ថិតក្នុងភូមិដីក្រហម សង្កាត់អូរតាវ៉ៅ ក្រុងប៉ៃលិន ។
បុរសរងគ្រោះឈ្មោះស៊ុយ ផល អាយុ៦១ឆ្នាំ ជិះម៉ូតូម៉ាកសង់ចិន ពណ៌ខ្មៅ ពាក់ស្លាកលេខ ប៉ៃលិន1A-0385 បន្ទាប់ពីកើតហេតុត្រូវគេបញ្ជូនទៅសង្គ្រោះនៅមន្ទីរពេទ្យ រីឯអ្នកបើករថយន្តមិនបានរត់គេចទៅណានោះទេ គឺនៅកន្លែងកើតហេតុរង់ចាំសមត្ថកិច្ចចុះមកអន្តរាគមន៍ ៕
ចែករំលែកព័តមាននេះ