រាជធានីភ្នំពេញ ៖ បុរសម្នាក់ បានដួលបោកក្បាលស្លាប់នៅនឹងកន្លែង ខណៈពេលដែលជិះម៉ូតូមួយគ្រឿងក្នុងល្បឿនលឿន ដល់ចំណុចផ្លូវកោង ជ្រុលឡើងចិញ្ចើមផ្លូវ ។ ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង២និង៥០នាទីរសៀលថ្ងៃទី៣…
រាជធានីភ្នំពេញ ៖ បុរសម្នាក់ បានដួលបោកក្បាលស្លាប់នៅនឹងកន្លែង ខណៈពេលដែលជិះម៉ូតូមួយគ្រឿងក្នុងល្បឿនលឿន ដល់ចំណុចផ្លូវកោង ជ្រុលឡើងចិញ្ចើមផ្លូវ ។
ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង២និង៥០នាទីរសៀលថ្ងៃទី៣ ខែកញ្ញា ឆ្នាំ២០២៥ នៅចំណុចមហាវិថីសំរោង ក្នុងភូមិព្រែកព្នៅ សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ។
ជនរងគ្រោះ ដែលស្លាប់បាត់បង់ជីវិត ត្រូវបានគេស្គាល់ឈ្មោះ គួ ភេទប្រុស អាយុ៤២ឆ្នាំ ស្នាក់នៅវត្តសំរោង និងមានស្រុកកំណើតខេត្តកំពង់ឆ្នាំង ជិះម៉ូតូម៉ាក់ហុងដាឌ្រីម ស៊េរី២០១១ ពាក់ស្លាកលេខភ្នំពេញ ១AX ០៦៧១ ។
តាមព័ត៌មានបានដឹងថា នៅមុនពេលកើតហេតុ បុរសរូបនោះ បានជិះម៉ូតូមួយគ្រឿងខាងលើ ធ្វើដំណើរតាមមហាវិថីសំរោង ក្នុងទិសដៅពីត្បូងទៅជើង ក្នុងល្បឿនលឿន។ នៅពេលធ្វើដំណើរមកដល់ផ្លូវកោង ក៏បានជ្រុលឡើងចិញ្ចឹមផ្លូវខាងស្តាំដៃ ដួលអូសជាច្រើនម៉ែត្រ បោកក្បាលស្លាប់នៅនឹងកន្លែងតែម្តង ។
តាមព័ត៌មានឲ្យដឹងទៀតថា នៅមុនពេលគ្រោះថ្នាក់ បុរសរូបនោះ បានខ្ចីម៉ូតូពីអ្នកភូមិសំរោង គោលបំណងទៅវត្ត មិននឹកស្មានថា គាត់ធ្វើដំណើរជួបគ្រោះអកុសលបែបនេះ។ ស.ព ត្រូវបានក្រុមគ្រួសារនាំយកទៅធ្វើបុណ្យតាមប្រពៃណី នៅស្រុកកំណើតខេត្តកំពង់ឆ្នាំង ៕
ចែករំលែកព័តមាននេះ