ខេត្តព្រះសីហនុ ៖ យ៉ាងហោចណាស់ មានមនុស្សចំនួន៣នាក់បានស្លាប់ ក្នុងករណីគ្រោះថ្នាក់ចរាចរណ៍ដែលបង្កឡើងដោយរថយន្តកុងតឺន័រមួយគ្រឿង ចុះចំណោត បុករះរថយន្តធុនតូច២គ្រឿង ម៉ូតូកង់បីចំនួន២គ្រឿង និងម៉ូតូប្រមាណជិត១០គ្រឿងទៀត រួមទាំងផ្ទះប្រជាពលរដ្ឋផងដែរ។…
ខេត្តព្រះសីហនុ ៖ យ៉ាងហោចណាស់ មានមនុស្សចំនួន៣នាក់បានស្លាប់ ក្នុងករណីគ្រោះថ្នាក់ចរាចរណ៍ដែលបង្កឡើងដោយរថយន្តកុងតឺន័រមួយគ្រឿង ចុះចំណោត បុករះរថយន្តធុនតូច២គ្រឿង ម៉ូតូកង់បីចំនួន២គ្រឿង និងម៉ូតូប្រមាណជិត១០គ្រឿងទៀត រួមទាំងផ្ទះប្រជាពលរដ្ឋផងដែរ។
ហេតុការណ៍នេះបានកើតឡើងនៅវេលាម៉ោង៤រសៀលថ្ងៃទី០៨ ខែសីហា ឆ្នាំ២០២៥នេះ ស្ថិតនៅលើផ្លូវជាតិលេខ4 ឆ្ពោះមកកំពង់ផែ ដែលស្ថិតក្នុងភូមិ3 សង្កាត់3 ក្រុងព្រះីហនុ ខេត្តព្រះសីហនុ ។
បើតាមសមត្ថកិច្ចបានឲ្យដឹងជាបឋមថា ក្នុងចំណោមបុរស3នាក់ដែលបានស្លាប់ខាងលើ រួមមានម្ចាស់ផ្ទះម្នាក់ ជាងធ្វើម៉ូតូម្នាក់ និងអ្នករត់ម៉ូតូឌុបម្នាក់ ដែលបានស្លាប់ភ្លាមៗនៅនឹងកន្លែងកើតហេតុ ។
ករណីនេះបង្កឡើងដោយរថយន្តកុងតឺន័រមួយគ្រឿង ពណ៌ខៀវ ពាក់ស្លាកលេខ ភ្នំពេញ 3F-4913 និង សណ្តោងរុឺម៉ក់ ពាក់ស្លាកលេខ ភ្នំពេញ 4A-1148 បានបុករះរថយន្តហាយឡែនឌ័រមួយគ្រឿងពណ៌ទឹកប្រាក់ និងរថយន្តឡិចស៊ីស330 ពណ៌ខ្មៅ ពាក់ស្លាកលេខ ភ្នំពេញ 2AC-9476 និងកង់បីចំនួន២គ្រឿង និងម៉ូតូប្រមាណជិត១០គ្រឿងទៀតដែលយកមកជួសជុល និងម៉ូតូរបស់អ្នករត់ម៉ូតូឌុប និង នៅមុខផ្ទះ ក្រៅពីខូចខាតរថយន្តនិងម៉ូតូខាងលើយ៉ាងធ្ងន់ធ្ងរ ក្នុងនោះក៏ខូចខាតផ្ទះ តូប និង សម្ភារៈមួយចំនួនផងដែរ ។
ក្រោយពេលកើតហេតុអ្នកបើកបររថយន្តកុងតឺន័របានរត់គេចខ្លួនបាត់ស្រមោល។ ដោយឡែកភ្លាមៗនោះ គេសង្កេតឃើញមានវត្តមានលោកអភិបាលខេត្ត និង សមត្ថកិច្ចជំនាញ បានចុះអន្តរាគមន៍ភ្លាមៗនៅនិង កន្លែងកើតហេតុស្ទួចយកវត្ថុតាងទៅរក្សាទុក និង ប្រគល់សពជូនក្រុមគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ