ចំណេះដឹង៖ យោងតាមការចុះផ្សាយពីប្រភពបរទេស ទឹកខ្មេះមិនត្រឹមតែជាគ្រឿងផ្សំក្នុងផ្ទះបាយប៉ុណ្ណោះទេ ប៉ុន្តែអាចប្រើជាជំនួយក្នុងការបោកសម្អាតសម្លៀកបំពាក់បានផងដែរ។ អាស៊ីតអាសេទិក​ ក្នុងទឹកខ្មេះអាចជួយបំបាត់សំណល់សាប៊ូ និងក្លិនមិនល្អមួយចំនួន។

៥ វិធីដែលទឹកខ្មេះអាចជួយពេលបោកខោអាវ

១. ជួយឱ្យសម្លៀកបំពាក់មើលទៅស្អាត និងភ្លឺជាងមុន
ទឹកខ្មេះអាចជួយបំបែកសំណល់សាប៊ូ និងម្សៅបោកគក់ដែលនៅជាប់លើសរសៃក្រណាត់ ដែលអាចធ្វើឱ្យសម្លៀកបំពាក់មើលទៅស្រអាប់។

២. ជួយកាត់បន្ថយក្លិនអាប់
សម្រាប់ខោអាវដែលមានក្លិនសើម ឬត្រូវទុកក្នុងម៉ាស៊ីនបោកយូរ ទឹកខ្មេះអាចជួយកាត់បន្ថយក្លិនមិនល្អ និងធ្វើឱ្យសម្លៀកបំពាក់មានក្លិនស្រស់ជាងមុន។

៣. ជួយឱ្យក្រណាត់ទន់
ការបន្ថែមទឹកខ្មេះក្នុងវគ្គលាងចុងក្រោយ អាចជួយកម្ចាត់សំណល់សាប៊ូដែលនៅជាប់សរសៃក្រណាត់ និងធ្វើឱ្យសាច់ក្រណាត់មានអារម្មណ៍ទន់ជាងមុន។

៤. ជួយកាត់បន្ថយក្លិនញើស
ទឹកខ្មេះអាចប្រើជាជំនួយក្នុងការកាត់បន្ថយក្លិនញើសដែលជាប់នៅតំបន់ក្លៀក ឬតំបន់ដែលងាយមានក្លិនមិនល្អ។

៥. ជួយរក្សារូបរាងសម្លៀកបំពាក់ពណ៌ចាស់
ការកម្ចាត់សំណល់សាប៊ូដែលនៅជាប់លើក្រណាត់ អាចជួយឱ្យសម្លៀកបំពាក់ពណ៌ខ្មៅ ឬពណ៌ចាស់មើលទៅស្អាត និងស្រស់ជាងមុន។

ចំណាំ៖ មិនចាំបាច់ប្រើទឹកខ្មេះរាល់ពេលបោកខោអាវទេ ហើយគួរប្រើក្នុងបរិមាណសមរម្យ។ កុំលាយទឹកខ្មេះជាមួយសារធាតុ bleach ព្រោះអាចបង្កើតឧស្ម័នគ្រោះថ្នាក់។ សម្រាប់ក្រណាត់ពិសេស គួរពិនិត្យស្លាកណែនាំការថែទាំជាមុនសិន៕