ខេត្តបន្ទាយមានជ័យ ៖ អ្នកគ្រូបង្រៀនមុខវិជ្ជារូបវិទ្យានិងគីមីមួយរូប ត្រូវរថយន្តមួយគ្រឿងបុក បណ្តាលឱ្យស្លាប់ នៅពេលដើរឆ្លងផ្លូវពេលយប់ថ្ងៃទី០៨ ខែកញ្ញា ឆ្នាំ២០២៥ ទល់មុខលីសេរមង្គលបូរីស្ថិតភូមិចំការត្រដក ឃុំឫស្សីក្រោក…
ខេត្តបន្ទាយមានជ័យ ៖ អ្នកគ្រូបង្រៀនមុខវិជ្ជារូបវិទ្យានិងគីមីមួយរូប ត្រូវរថយន្តមួយគ្រឿងបុក បណ្តាលឱ្យស្លាប់ នៅពេលដើរឆ្លងផ្លូវពេលយប់ថ្ងៃទី០៨ ខែកញ្ញា ឆ្នាំ២០២៥ ទល់មុខលីសេរមង្គលបូរីស្ថិតភូមិចំការត្រដក ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ ។
មន្ត្រីនគរបាលចរាចរណ៍ផ្លូវគោកស្រុកមង្គលបូរីបានឱ្យដឹងថា មុនពេលកើតហេតុ ជនរងគ្រោះបានដើរឆ្លងផ្លូវជាតិលេខ៥ ក្នុងទិសដៅពីកើតមកលិច ស្រាប់តែមានរថយន្តមិនស្គាល់ម៉ាកមួយគ្រឿង បើកបរក្នុងទិសដៅពីជើងមកត្បូង បុក បណ្តាលឱ្យរបួសធ្ងន់ និងបានបាត់បង់ជីវិតពេលដឹកយកទៅសង្គ្រោះដល់មន្ទីពេទ្យ ។ ដោយឡែករថយន្តបង្កបានបើកគេចបាត់។
មន្ត្រីនគរបាលបានបញ្ជាក់ថា ជនរងគ្រោះដែលស្លាប់មានឈ្មោះ ឌួង ហ៊ូគី ភេទស្រី អាយុ៥៥ឆ្នាំ ជាគ្រូបង្រៀនមុខវិជ្ជារូបវិទ្យានិងគីមីនៅវិទ្យាល័យរឺលីសេរមង្គលបូរី ។
មន្ត្រីនគរបាលបានបញ្ជាក់ថា សពជនរងគ្រោះត្រូវបានប្រគល់ជូនសាច់ញាតិ ដើម្បីយកទៅធ្វើបុណ្យតាមប្រពៃណី។ ចំណែករថយន្តបង្កដែលបើកគេចបាត់ ពេលនេះកម្លាំងជំនាញកំពុងស្រាវជ្រាវ និងអាចដឹងថារថយន្តបង្កជារថយន្តម៉ាកព្រូស បានគេចទៅទិសដៅខេត្តបាត់ដំបង ៕
ចែករំលែកព័តមាននេះ