ខេត្តកំពង់ចាម ៖ “ក្នុងនាមម្ចាស់ផ្ទះត្រូវតែរៀបចំឲ្យបានល្អដើម្បីទទួលបដិសណ្ឋារកិច្ចសម្រាប់ភ្ញៀវជាតិនិងអន្តរជាតិដែលបានអញ្ជើញមកកំសាន្តលេងសប្បាយក្នុងឱកាសបុណ្យចូលឆ្នាំថ្មីប្រពៃណីជាតិជាមួយនោះត្រូវចេះយោគយល់គ្នាទៅវិញទៅមកហ្នឹងសាងអនុស្សាវរីយ៍ល្អឱ្យបានច្រើន ហើយអាជ្ញាធរប្រឹងប្រែងពង្រឹងសន្តិសុខសណ្ដាប់ថ្មជូនដល់បងប្អូនពលរដ្ឋ។
“នេះជាប្រសាសន៍លើកឡើងពីសំណាក់ឯកឧត្តមអ៊ុន ចាន់ដា អភិបាលខេត្តនារសៀលថ្ងៃទី ១៣មេសា ឆ្នាំ២០២៦ ក្នុងឱកាសបើកសង្ក្រាន្តរយៈពេល៣ថ្ងៃ នៅទីលានវាលស្មៅមុខសាលាខេត្តកំពង់ចាម ។ជាមួយនោះមានការអញ្ជើញចូលរួមពីឯកឧត្តមខ្លូត ផន ប្រធានក្រុមប្រឹក្សាខេត្ត ប្រធានមន្ទីរអង្គភាពនានាជុំវិញខេត្តព្រមទាំងស្ថាប័នផ្សេងទៀតរាប់រយនាក់។
លោកស្រី សុភ័ក្ត្រ អភិបាលរងខេត្តនិងជាអ្នកនាំពាក្យសាលាខេត្តបានលើកឡើងថា: ការរៀបចំកម្មវិធីនិងប្រតិការសង្ក្រាន្តកំពង់ចាមនិងសង្ក្រាន្តតាមស្រុកនៅឆ្នាំនេះគឺបានផ្សារភ្ជាប់នៅមនោសញ្ចេតនារំលឹកនឹកដល់គុណូបការៈចំពោះថ្នាក់ដឹកនាំនិងវីរៈយុទ្ធជនជួរមុខ ដែលបានលះបង់សេចក្តីសុខផ្ទាល់ខ្លួនបូជាសាច់ស្រស់ឈាមស្រស់ធ្វើជារបាំងការពារបូរណភាពទឹកដីការពារនៅកិត្តិយសនិងសេចក្តីថ្លៃថ្នូររបស់ជាតិនិងប្រជាជន។
ឯកឧត្តមអ៊ុន ចាន់ ដាអភិបាលខេត្តមានប្រសាសន៍ឲ្យដឹងដែរថាដោយឡែកខេត្តកំពង់ចាមក្រោមការណែនាំរបស់ឯកឧត្តម សន្តិបណ្ឌិតនេត សាវឿនឧបនាយករដ្ឋមន្ត្រីនិងជាប្រធានក្រុមការងារចុះមូលដ្ឋានខែកំពង់ចាមរដ្ឋបាលខេត្តនៅតែសស្រាក់ស្រាំក្នុងការអនុវត្តកម្មវិធីនយោបាយយុទ្ធសាស្ត្របញ្ចកោណដំណាក់កាលទីមួយគោលនយោបាយនិងកម្មវិធីកំណែទម្រង់នានារបស់រាជរដ្ឋាភិបាលដើម្បីបម្រើផលប្រយោជន៍សេចក្តីត្រូវការរបស់ប្រជាពលរដ្ឋនៅមូលដ្ឋាន។
ឯកឧត្តមអភិបាលខេត្តបានបន្តថា ចំពោះសមិទ្ធិផលធំៗចំនួន៤ដែលសម្រេចបានក្នុងនោះរួមមាន÷
១.គឺការចូលរួមថែរក្សានៅសន្តិភាពស្ថេរភាពនយោបាយនិងសន្តិសុខសុវត្ថិភាពសណ្ដាប់ធ្នាប់សាធារណៈរបស់សង្គមដែលជាមូលដ្ឋានគ្រឹះនៃការរស់នៅរបស់ប្រជាជននិងការអភិវឌ្ឍន៍ជាតិនិងជាមរតកដ៏ថ្លៃថ្លា មិនអាចកាត់ថ្លៃបានរបស់សម្ដេចតេជោ ដែលបានបន្សល់ទុកសម្រាប់អ្នកដឹកនាំបន្តវេន។
២.គឺជាការផ្ដល់សេវាសាធារណៈល្អប្រកបដោយគុណភាពនិងតម្លាភាពជូនប្រជាពលរដ្ឋក្នុងឆ្នាំ២០២៥កន្លងទៅអង្គភាពផ្ដល់សេវាចំនួន៣នៅខេត្តកំពង់ចាមទទួលបានជ័យលាភីលេខ ១ជាអង្គភាពផ្ដល់សេវាឆ្នើម សម្រាប់ការប្រឡងប្រណាំងថ្នាក់ជាតិរួមមានមន្ទីរពេទ្យខេត្តកំពង់ចាមកម្រិតCPA3 ទទួលបានជ័យលាភីលេខ១ ទូទាំងប្រទេស ការិយាល័យប្រជាពលរដ្ឋខេត្តទទួលបានជ័យលាភីលេខ១ ទូទាំងប្រទេសនិង អង្គភាពច្រកចេញចូលទៅមួយខេត្តទទួលបានជ័យលាភីលេខ ១ទូទាំងប្រទេស។
៣.ការអភិវឌ្ឍន៍មូលដ្ឋានបន្ថែមរួមមានផ្លូវ ស្ពាន ប្រព័ន្ធធារាសាស្ត្រ បណ្ដាញអគ្គិសនី បណ្ដាញទឹកស្អាត មន្ទីរពេទ្យសាលារៀន សំណង់ផ្សេងៗដែលមានការកើនឡើងទាំងបរិមាណនិងគុណភាព៕
ចែករំលែកព័តមាននេះ