ព្រះដ៏មានបុណ្យទ្រង់ប្រារឰព្រះថេរៈឈ្មោះចក្ខុបាលអំពីបុព្វកម្មដែលនាំឱ្យលោកបែកធ្លាយប្រស្រីភ្នែកងងឹតសូន្យឈឹងទាំងពីរមើលអ្វីលែងឃើញ ព្រោះតែមិនព្រមសិងរយៈពេលបីខែក្នុងរដូវកាន់វស្សា តែ ព្រមជាមួយគ្នានេះព្រះថេរៈក៏បានសម្រេចធម៌ជាន់ខ្ពស់ក្លាយជាព្រះឣរហន្តមួយរូបក្នុងលោក ។
កាលពីឣតីតកាលព្រះចក្ខុបាលត្ថេរធ្លាប់បានធ្វើជាគ្រូពេទ្យព្យាបាលជំងឺភ្នែកដ៏ពូកែ ។ សម័យថ្ងៃមួយលោកគ្រូពេទ្យនោះបានទៅព្យាបាលភ្នែកដល់ស្ត្រីម្នាក់នៅជនបទ។ ស្ត្រីនោះ បានសន្យាជាមួយគ្រូពេទ្យថា បើលោកគ្រូពេទ្យឣាចព្យាបាលជំងឺភ្នែកនាងខ្ញុំឲ្យបានជាឡើងវិញនោះ នាងខ្ញុំព្រមទាំងកូនស្រី នឹងធ្វើជាឣ្នកបម្រើរបស់លោកគ្រូ ។
គ្រូពេទ្យនោះក៏ខំព្យាបាលឱ្យមិនយូរប៉ុន្មានភ្នែករបស់នាងក៏ជាដូចដើមវិញ តែដោយសារនាងមិនចង់ទៅនៅបម្រើគ្រូពេទ្យនោះទេ ទើបនាងបែរជានិយាយកុហកគ្រូពេទ្យថា លោកគ្រូឥឡូវនេះភ្នែករបស់នាងខ្ញុំវាមិនបានជាទេ វារឹតតែឈឺលើសដើមទៅទៀត ។ចំណែកគ្រូពេទ្យបានដឹងថា នាងពិតជានិយាយកុហក ដូច្នេះហើយ ក៏មានចិត្តក្រោធខឹងយ៉ាងខ្លាំងក៏មានចេតនាចង់ធ្វើឲ្យភ្នែកនាងវិនាស ទើបផ្សំថ្នាំពិសឲ្យនាងបន្តក់ធ្វើឲ្យភ្នែករបស់នាងខ្វាក់ទាំងពីរមើលអ្វីលែងឃើញទាំងឣស់ ។ ព្រោះបាបកម្មដែលព្រះចក្ខុបាលត្ថេរបានធ្វើឲ្យស្ត្រីនោះខ្វាក់ភ្នែកទាំងគូដោយចេតនានោះឯង ទើបបានជាព្រះថេរៈត្រូវទទួលនូវបាបកម្មនោះវិញគឺខ្វាក់ភ្នែកនៅក្នុងជាតិនេះ ។
ចំណែកគ្រូពេទ្យបានដឹងថា នាងពិតជានិយាយកុហក ដូច្នេះហើយ ក៏មានចិត្តក្រោធខឹងយ៉ាងខ្លាំងក៏មានចេតនាចង់ធ្វើឲ្យភ្នែកនាងវិនាស ទើបផ្សំថ្នាំពិសឲ្យនាងបន្តក់ធ្វើឲ្យភ្នែករបស់នាងខ្វាក់ទាំងពីរមើលអ្វីលែងឃើញទាំងឣស់ ។ ព្រោះបាបកម្មដែលព្រះចក្ខុបាលត្ថេរបានធ្វើឲ្យស្ត្រីនោះខ្វាក់ភ្នែកទាំងគូដោយចេតនានោះឯង ទើបបានជាព្រះថេរៈត្រូវទទួលនូវបាបកម្មនោះវិញគឺខ្វាក់ភ្នែកនៅក្នុងជាតិនេះ ។
ចែករំលែកព័តមាននេះ