បុរសម្នាក់ដែលតាំងខ្លួនថាជាប្រមុខក្រុមអ៊ិស្លាមនិយមរា៉ឌីកាល់ នីហ្សេរីយា៉ គឺក្រុមបូកូ ហារា៉ម ឈ្មោះ ABUBAKAR SHEKAU ដែលកាលពីខែមុនគេនិយាយថា ជននេះស្លា.ប់បាត់ហើយ ស្រាប់តែលេចមុខក្នុងវីដេអូមួយចាក់ផ្សាយកាលពីថ្ងៃទី២៥ កញ្ញា ដោយជននោះនិយាយថា រូបគេពិតជានៅរស់ ។
បុរសម្នាក់ដែលតាំងខ្លួនថាជាប្រមុខក្រុមអ៊ិស្លាមនិយមរា៉ឌីកាល់ នីហ្សេរីយា៉ គឺក្រុមបូកូ ហារា៉ម ឈ្មោះ ABUBAKAR SHEKAU ដែលកាលពីខែមុនគេនិយាយថា ជននេះស្លាប់បាត់ហើយ ស្រាប់តែលេចមុខក្នុងវីដេអូមួយចាក់ផ្សាយកាលពីថ្ងៃទី២៥ កញ្ញា ដោយជននោះនិយាយថា រូបគេពិតជានៅរស់ ។
ក្នុងវីដេអូនោះ បុរសដែលមានរាងដូច ABUBAKAR SHEKAU បេះបិទ និយាយថា ខ្ញុំនេះគឺជា SHEKAU! SHEKAU! ពិតប្រាកដមែន ។ ខ្ញុំចង់ប្រាប់ពិភពលោកទាំងមូលថា ខ្ញុំពិតជារីករាយណាស់ដោយសារការប្រោសប្រណីរបស់ព្រះអាល់ឡាហ៍ ។
អ្នកនាំពាក្យម្នាក់របស់កងទ័ពនីហ្សេរីយា៉ ដែលធ្វើប្រតិបត្តិការនៅភាគឦសានប្រទេស ធ្លាប់បានប្រកាសកាលពីថ្ងៃទី១៩ សីហា ពីការស្លាប់របស់ SHEKAU ក៏ប៉ុន្តែដោយគ្មានភស្តុតាងនានាគេក៏មានការសង្ស័យភ្លាមៗ ។ ចំណែកអ្នកនាំពាក្យរបស់កងទ័ពជាតិឧត្តមសេនីយ៍ CHRIS OLUKOLADE ពុំជឿលើព័ត៌មាននេះឡើយ ។
ក្នុងវីដេអូ ដោយនិយាយបែបចំអកបុរសនោះអះអាងថា ពួកមារពិតជាមានការខកចិត្ត ។ ក្នុងចំណោមពួកមារជននេះរៀបរាប់ពីប្រធានាធិបតីនីហ្សេរីយា៉លោក GOODLUCK JONATHAN ប្រធានាធិបតីអាមេរិកលោក បារា៉ក់ អូបាមា៉ និងប្រធានាធិបតីបារាំង លោកហ្វ្រង់ស្វ័រហូឡង់ ព្រមទាំងនាយករដ្ឋមន្ត្រីអីុស្រាអែលលោក បេនចាមីន នេតាន់យា៉ហ៊ូ និងព្រះមហាក្សត្រីយានី អេលីហ្សាបែតទី២ នៃចក្រភពអង់គ្លេស ។ក្នុងវីដេអូ បុរសនេះឈរថតជាមួយកាំភ្លើង AK-47 មួយដើម ស្ពាយលើស្មាអមដោយយុទ្ធជនរបស់គេមួយក្រុមសុទ្ធតែកាន់កាំភ្លើង AK ៕
ចែករំលែកព័តមាននេះ