រាជធានីភ្នំពេញ ៖ បន្ទាប់ពីលោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានចេញបទបញ្ជាអោយគ្រប់អធិការខណ្ឌទាំង១២ សហការចុះបង្ក្រាបទីតាំងល្បែងសុីសងខុសគ្រប់ប្រភេទនៅក្នុងរាជធានីភ្នំពេញ ។
ជាក់ស្តែង កាលពីវេលា១ និង២០យប់រំលងអធ្រាត្រ ឈានចូលថ្ងៃទី១៦ មីនា កម្លាំងប៉ុស្តិ៍នគរបាលរដ្ឋបាលផ្សារដេីមថ្កូវ បានចុះបង្ក្រាបទីតាំងហ្គេមបាញ់ត្រីដុះស្លែងមួយកន្លែងដែលមានសរសេរអក្ស R.R.R ផ្លូវលេខ៩៧ ស្ថិតក្នុងសង្កាត់ផ្សារដេីមថ្កូវ ខណ្ឌចំការមន ។ តាមការបញ្ជាក់ពីមន្ត្រីប៉ុស្តិ៍ផ្សារដេីមថ្កូវបានឱ្យដឹងថា ក្នុងការចុះបង្ក្រាបទីតាំងហ្គេមបាញ់ត្រីដុះស្លែងខាងលេីនេះ សមត្ថកិច្ចបានឃាត់ខ្លួនមនុស្សចំនួន៨នាក់ ក្នុងនោះអ្នកមេីលការខុសត្រូវប្រុសស្រី២នាក់ ចំណែកវត្ថុតាងទូហ្គេមបាញ់ត្រីចំនួន២គ្រឿង និងសម្ភារផ្សេងៗមិនមានការដកហូតទេ ។
បច្ចុប្បន្នជនសង្ស័យប្រុសស្រីទាំង០៨នាក់ ត្រូវបានបានបញ្ជូនទៅធ្វេីការសាកសួរនៅស្នាក់ការប៉ុស្តិ៍នគរបាលផ្សារដេីមថ្កូវបណ្ដោះអាសន្ន រីឯទូហ្គេមបាញ់ត្រីចំនួន២គ្រឿង ដែលសមត្ថកិច្ចមិនបានដកហូតនៅក្នុងទីតាំងខាងលេីនោះ ប្រហែលទុកអោយបេីកលេងនៅពេលក្រោយទៀត ។
គួររំលឹកថា លោកឧត្តមសេនីយ៍ឯក ស ថេត ក៏ធ្លាប់បានបញ្ជាក់កាលពីថ្មីៗនេះថា «កន្លងទៅករណីបង្ក្រាបទូរហ្គេមបាញ់ត្រី បានធ្វើហើយ ប៉ុន្តែកើតឡើងវិញជារឿយៗ ដូច្នេះចាប់ពីថ្ងៃនេះតទៅ ខ្ញុំដាក់បទបញ្ជាគ្រប់ខណ្ឌទាំង១២ឲ្យបង្ក្រាបឲ្យអស់ ព្រមទាំងតាមដានតើករណីនេះ នឹងកើតឡើងទៀតឬទេ0x017d7 បើកើតទៀត តើនរណាជាអនុញ្ញាតឲ្យបើកវិញ ?
ស្នងការនគរបាលរាជធានីភ្នំពេញរូបនេះសង្ឃឹមថា គ្រប់ភាគីទាំងអស់នឹងសហការជាមួយកម្លាំងសមត្ថកិច្ច ដើម្បីលុបបំបាត់រាល់បទល្មើសបញ្ហាគ្រឿងញៀន បញ្ហាឆក់ប្លន់ និងក្មេងទំនើង ដែលកើតចេញពីកន្លែងមានហ្គេមបាញ់ត្រី ហើយរួមគ្នាដើម្បីសន្តិសុខ និងសណ្តាប់ធ្នាប់ក្នុងសង្គម ៕
ចែករំលែកព័តមាននេះ