ប្រទេសនូវែលហ្សេឡង់ ះ នាយករដ្ឋមន្ត្រីនូវែលហ្សេឡង់លោកស្រី JACINDA ARDERNរាយការណ៍ថា ការបាញ់ប្រហារដែលកើតមានកាលពីថ្ងៃសុក្រទី១៥មីនា ក្នុងព្រះវិហារអ៊ិស្លាម២កន្លែង នៅទីក្រុងCHRITCHURCH លើកោះខាងត្បូងនៃប្រទេសនូវែលហ្សេឡដ់ ពេលមានការសូត្រធម៌ បណ្ដាលឲ្យមនុស្សស្លាប់ដល់ទៅ៤០នាក់ និងរបួសធ្ងន់២០នាក់។
លោកស្រីនាយករដ្ឋមន្ត្រីបន្តថា ជនសង្ស័យ៤នាក់ ដែលស្ថិតក្នុងមជ្ឈដ្ឋានពួកជ្រុលនិយម បានត្រូវប៉ូលិសចាប់ខ្លួនក្នុងនោះមានបុរស៣នាក់និងនារីម្នាក់។ ជនសង្ស័យម្នាក់ជាជនជាតិអូស្ត្រាលី។ ការប្រកាសអាសន្នត្រូវបានបង្កើនកម្រិតខ្ពស់បំផុតក្នុងប្រទេស។ នាយស្នងការប៉ូលិសលោកMIKE BUSHថ្លែងថា កងកម្លាំងសន្តិសុខនៅបានរកឃើញគ្រឿងផ្ទុះនានាដាក់់រថយន្តហើយដោះយកចេញ។ លោកបន្តថាការបាញ់ប្រហារកើតមានក្នុងព្រះវិហារអ៊ិស្លាម២ គឺព្រះវិហារនៅតាមវិថីDEANS AVENUEនិងក្នុងព្រះវិហារនៅតាមវិថីLINWOOD AVENE ។
ថ្ងៃសុក្រជាថ្ងៃសូត្រធម៌របស់ពួកអ៊ិស្លាមប៉ូលិសបានស្នើដល់សាសនិកអ៊ិស្លាម ចៀសវាងកុំទៅកាន់ព្រះវិហារនៅទូទាំងប្រទេស។ លោកស្រីនាយករដ្ឋមន្ត្រីនូវែលហ្សេឡង់ថ្លែងទៀតថា ប្រទេសលោកស្រីជួបប្រទះទិវាដ៏ខ្មៅងងឹតបំផុតមួយ ក្រោយការបាញ់ប្រហារទាំងនះ ដែលពុំធ្លាប់មានពីមុនមក ប្រឆាំងព្រះវិហារអ៊ិស្លាមនៅCHRITCHURCH។ ច្បាស់ណាស់អ្វីដែលកើតមាន គឺជាអំពើហិង្សាវិសាមញ្ញមួយនិងពុំធ្លាប់មានពីមុនមក។ ពេលមានការបាញ់ប្រហារ ព្រះវិហារMASJID AL NOOR តាមវិថីDEANS AVENUEមានមនុស្សពេញ ក្នុងនោះមានទាំងបណ្ដាសមាជិកក្រុមកីឡាCRICKETជាតិបង់ក្លាដែស តែពួកគេគេចផុតពីគ្រោះថ្នាក់។ ការបាញ់ប្រហារធ្វើឡើងដោយភេរវករម្នាក់ ជាជនស្ដាំនិយមជ្រុលកាចសាហាវ។ នាយករដ្ឋមន្ត្រីអូស្ដ្រាលីលោកSCOTT MORRISON ថ្លែងថា ការបាញ់ប្រហារក្នុងព្រះវិហារអ៊ិស្លាមទាំង២នោះ ជាស្នាដៃ របស់ភេរវករស្ដាំនិយមជ្រុលដែលសាហាវម្នាក់។ លោកបន្តថា ខ្មាន់កាំភ្លើងជាជនជាតិអូស្ត្រាលីម្នាក់ ហើយការសើុបអង្កេតមួយកំពុងស្ថិតក្នុងដៃអាជ្ញាធរនូវែលហ្សេឡង់។
យោងតាមព័ត៌មាននានាថាខ្មាន់កាំភ្លើង ស្លៀកពាក់ឯកសណ្ឋានយោធា។ សាក្សីទាំងឡាយនិយាយទៅកាន់បណ្ដាសារព័ត៌មាននូវែលហ្សេឡង់ថា បុរសម្នាក់ស្លៀកពាក់ឯកសណ្ឋានយោធា កាន់កាំភ្លើងស្វ័យប្រវត្តិមួយដើម បាញ់ប្រហារមិនរើសមុខ នៅក្នុងព្រះវិហារMASJID AL NOOR ស្ថិតនៅកណ្ដាលក្រុង
ចែករំលែកព័តមាននេះ