យោងតាមតុល្យការថ្មីបណ្តោះអាសន្នមួយរបស់ផ្នែកការពារស៊ីវិល ចេញផ្សាយកាលពីថ្ងៃទី១៩ កញ្ញាថា ខ្យល់ព្យុះដែលវាយប្រហារបន្តបន្ទាប់គ្នាលើប្រទេសមុិចស៊ិក ចាប់តាំងពី៥ថ្ងៃកន្លងមកនោះបណ្តាលឱ្យមនុស្សស្លា.ប់ និងបាត់ខ្លួនជាង១៥០នាក់ហើយ ។
លោក LUIS FELIPE PUENTE អ្នកសម្របសម្រួលជាតិខាងកិច្ចការពារស៊ីវិលថ្លែងតាមទូរទស្សន៍ FORO TV ថា មកទល់ពេល
យោងតាមតុល្យការថ្មីបណ្តោះអាសន្នមួយរបស់ផ្នែកការពារស៊ីវិល ចេញផ្សាយកាលពីថ្ងៃទី១៩ កញ្ញាថា ខ្យល់ព្យុះដែលវាយប្រហារបន្តបន្ទាប់គ្នាលើប្រទេសមុិចស៊ិក ចាប់តាំងពី៥ថ្ងៃកន្លងមកនោះបណ្តាលឱ្យមនុស្សស្លាប់ និងបាត់ខ្លួនជាង១៥០នាក់ហើយ ។
លោក LUIS FELIPE PUENTE អ្នកសម្របសម្រួលជាតិខាងកិច្ចការពារស៊ីវិលថ្លែងតាមទូរទស្សន៍ FORO TV ថា មកទល់ពេលនេះយើងរាប់ឃើញអ្នកស្លាប់៩៧នាក់នៅតំបន់ឆ្នេរសមុទ្រភាគខាងកើត និងភាគខាងលិចប្រទេស ។ម្យ៉ាងវិញទៀត មនុស្ស៥៨នាក់បាត់ខ្លួនក្រោយការបាក់ដីកាលពីថ្ងៃទី១៦ កញ្ញាកន្លងមកនេះនៅភាគខាងត្បូងប្រទេស ។
កាលពីព្រឹកថ្ងៃទី១៩ កញ្ញា ខ្យល់ព្យុះឈ្មោះ MANUEL ដែលក្លាយជាវិសម្ពាធមួយនោះបានបោកបក់ជាថ្មីលើឆ្មេរសមុទ្រភាគពាយ័ព្យមុិចស៊ិកក្នុងរដ្ឋ SINALOA ។ ព្យុះនោះបង្កឱ្យមានភ្លៀងធ្លាក់ខ្លាំងនៅភាគកណ្តាលប្រទេស ។ រដ្ឋាភិបាលរដ្ឋ SINALOA បានចេញបញ្ជាឱ្យបិទទ្វារសាលារៀន និងជម្លៀសអ្នកភូមិនៃភូមិអ្នកនេសាទ YAMETO មុនការមកដល់នៃព្យុះនេះ។
ព្យុះ MANUEL វាយប្រហាររួចហើយលើភាគនិរតីមុិចសិុក កាលពីថ្ងៃទី១៥ កញ្ញា ទន្ទឹមគ្នានឹងព្យុះឈ្មោះ INGRID ដែលបោកបក់លើឆ្នេរសមុទ្រភាគខាងកើតប្រទេស បណ្តាលឱ្យមានភ្លៀងធ្លាក់ខ្លាំង ការបាក់ដី និងទឹកជំនន់ក្នុងផ្នែកយ៉ាងធំរបស់មិុចស៊ិក ៕
ចែករំលែកព័តមាននេះ