យោងតាមការសិក្សាមួយបានឱ្យដឹងថា ការធ្វើឱ្យរាងកាយមានសកម្មភាពរយៈពេលកន្លះម៉ោងក្នុងមួយថ្ងៃ អាចជួយកាត់បន្ថយហានិភ័យជំងឺមហារីកស្បូនបានជិតពាក់កណ្តាល ។ ក្រុមអ្នកស្រាវជ្រាវមកពីសាកលវិទ្យាល័យ Imperial College London ចក្រភពអង់គ្លេសបានពិនិត្យឃើញថា ការធ្វើសកម្មភាពរាងកាយជាប្រចាំត្រឹមតែ៣៨នាទីគួបផ្សំនឹងការរក្សាទម្ងន់ខ្លួនឱ្យស្ថិតក្នុងកម្រិត
យោងតាមការសិក្សាមួយបានឱ្យដឹងថា ការធ្វើឱ្យរាងកាយមានសកម្មភាពរយៈពេលកន្លះម៉ោងក្នុងមួយថ្ងៃ អាចជួយកាត់បន្ថយហានិភ័យជំងឺមហារីកស្បូនបានជិតពាក់កណ្តាល ។ ក្រុមអ្នកស្រាវជ្រាវមកពីសាកលវិទ្យាល័យ Imperial College London ចក្រភពអង់គ្លេសបានពិនិត្យឃើញថា ការធ្វើសកម្មភាពរាងកាយជាប្រចាំត្រឹមតែ៣៨នាទីគួបផ្សំនឹងការរក្សាទម្ងន់ខ្លួនឱ្យស្ថិតក្នុងកម្រិតស្តង់ដាសុខភាព គឺអាចជួយទប់ស្កាត់ករណីមហារីកស្បូនបានរហូតដល់៤៤ភាគរយ ។
ក្រុមអ្នកវិទ្យាសាស្ត្រជឿជាក់ថា មានហេតុផលច្រើនយ៉ាងអំពីការជាប់ពាក់ព័ន្ធគ្នារវាងខ្លាញ់ក្នុងរាងកាយនិងជំងឺមហារីក ។ ជាក់ស្តែង អត្រាប្រឈមនឹងជំងឺមហារីកមួយចំនួនត្រូវបានបង្កើននៅពេលដែលបណ្តាកោសិកាខ្លាញ់បញ្ចេញចោលនូវអ័រម៉ូន ។ ការធ្វើសកម្មភាពរាងកាយជាប្រចាំនិងទៀងទាត់ពិតជាអាចជួយទប់អ័រម៉ូនទាំងនេះឱ្យស្ថិតក្នុងកម្រិតមួយដែលផ្តល់នូវសុខភាព ក៏ដូចជាជួយពង្រឹងកម្លាំងប្រព័ន្ធការពាររាងកាយនិងរក្សាឱ្យប្រព័ន្ធរំលាយអាហារមានសុខភាពល្អផងដែរ ។
មូលនិធិស្រាវជ្រាវជំងឺមហារីកពិភពលោក (WCRF)បានបង្ហាញភស្តុតាងថា ករណីមហារីកស្បូន ៣.៧០០ត្រូវបានទប់ស្កាត់រៀងរាល់ឆ្នាំ។ សូមបញ្ជាក់ថា ស្ត្រីនៅចក្រភពអង់គ្លេសមានត្រឹមតែ៥៦ភាគរយប៉ុណ្ណោះដែលហាត់ប្រាណ៣០នាទីក្នុងមួយថ្ងៃ និង៥ដងក្នុងមួយសប្តាហ៍ ខណៈអ្នកមានទម្ងន់ត្រូវនឹងកម្រិតស្តង់ដាសុខភាពគឺមានត្រឹម៣៩ភាគរយ ។ មហារីកស្បូនភាគច្រើនបំផុតកើតលើស្ត្រីវ័យ៦០ឆ្នាំឡើងទៅ ។ Karen Sadler នាយកប្រតិបត្តិមូលនិធិ WCRFបានថ្លែងថា៖ «ដើម្បីកាត់បន្ថយមហារីកស្បូននិងមហារីកផ្សងៗទៀត មូលនិធិ WCRFបានស្នើឱ្យមនុស្សត្រូវរក្សារាងកុំឱ្យធាត់លើសទម្ងន់ និងហាត់ប្រាណយ៉ាងតិច៣០នាទីរៀងរាល់ថ្ងៃ»។
ការសិក្សាដដែលបានបង្ហាញថា ពិសាកាហ្វេអាចជួយកាត់បន្ថយហានិភ័យមហារីកស្បូនបាន ប៉ុន្តែវាមិនគ្រប់គ្រាន់ដើម្បីទប់ស្កាត់មហារីកបានឡើយ ។ Karen Sadler បានបន្ថែមថា ៖ «ភស្តុតាងបញ្ជាក់ពីអត្ថប្រយោជន៍របស់កាហ្វេពិតជាគួរឱ្យចាប់អារម្មណ៍ខ្លាំងណាស់ ប៉ុន្តែមិនទាន់គ្រប់គ្រាន់បង្ការមហារីកបាននោះទេ»៕
ចែករំលែកព័តមាននេះ