រាជធានីភ្នំពេញ ៖ នៅ ស្រីពៅ គឺជា កីឡាការិនីគុនខ្មែរមួយរូបដែលកំពុងមានឈ្មោះបោះសំឡេងខ្លាំងតាមរយៈការចេញទៅប្រកួត នៅក្រៅប្រទេស ស្របពេលនាងទើបតែយក ឈ្នះកីឡាការិនីថៃដោយពិន្ទុក្នុងកម្មវិធីប្រដាល់ យុទ្ធគុនចម្រុះដែលរៀបចំដោយស្ថាប័នប្រដាល់ ONE ។
ជាមួយគ្នានោះ នៅ ស្រីពៅ ក៏ធ្លាប់បង្ហាញថ្វីដៃនៅប្រទេសមីយ៉ាន់ម៉ារួចម្តងដែរ ដោយទទួលបានជ័យជម្នះដូចគ្នា ម្ល៉ោះហើយនាងត្រូវបានកម្មវិធីប្រដាល់ធំៗមិនថានៅមីយ៉ាន់ម៉ា ឬក៏កម្មវិធី ONE គេតែង
តែចង់បានវត្តមាននាងទៅចូលរួមប្រកួត ដោយយោងទៅលើក្បាច់គុនដ៏ល្អរបស់នាង ដែលវាយមិនចេះខ្លាចគូប្រកួតដូចកីឡាការិនី ផ្សេងៗធ្វើឱ្យនាងកាន់តែទទួលបានការចាប់អារម្មណ៍យ៉ាងខ្លាំងពីសំណាក់ពលរដ្ឋខ្មែរ។
ថ្មីៗនេះ នៅលើទំព័រ Facebook ផ្លូវការរបស់នៅ ស្រីពៅ នាងបានសរសេរថា ៖ អ្នករោងចក្រ ក្លាយទៅជាកីឡាការិនី មានអីមិនល្អ! ឲ្យតែយើងតាំងចិត្ត គឺធ្វើបានដូចគ្នា ។
តាមរយៈសារចាក់ដោតនេះធ្វើឱ្យគេដឹងថា នៅ ស្រីពៅ ធ្លាប់ធ្វើជាកម្មការិនីរោងចក្រមុនក្លាយខ្លួនជាកីឡាការិនីប្រដាល់ល្បី ។ ក្នុងន័យនេះ ប្រហែលជា ស្រីពៅ ចង់បង្ហាញថា ប្រសិនបើមានកម្មការិនីរោងចក្រចង់មកហ្វឹកហាត់ប្រដាល់ គួរកុំខ្លាច កុំខ្មាសអៀន ព្រោះឲ្យតែយើងខ្លាំង និងចេះពិតប្រាកដ នោះយើងមិនត្រូវបានគេមើលងាយនោះឡើយ។ម្យ៉ាងវិញទៀត កម្ពុជាយើងនៅខ្វះខាតធនធានកីឡាការិនីគុនខ្មែរច្រើនណាស់ ។ នេះចាត់ទុកជាសារដ៏ល្អរបស់នៅ ស្រីពៅ ក្នុងការលើកទឹកចិត្តដល់កម្មការិនីរោងចក្រឲ្យចូលរួមហ្វឹកហាត់ប្រដាល់គុនខ្មែរផងដែរ៕
ចែករំលែកព័តមាននេះ