យោងតាមការសិក្សាមួយបង្ហាញថា ទារកដែលកើតមកតាមវិធីវះកាត់នឹងក្លាយជាក្មេងដែលធាត់លើសទម្ងន់ ។ ការសិក្សានេះឱ្យដឹងថា ក្មេងដែលកើតតាមវិធីនោះគឺមាន៨៣ភាគរយដែលអាចនឹងវិវឌ្ឍទៅជាក្មេងធាត់ជ្រុលខុសពីក្មេងដែលកើតតាមធម្មជាតិ ។
អ្នកស្រីវេជ្ជបណ្ឌិតជែន ប្លូស្ដេន ថ្លែងថាវិធីបង្កើតកូនដោយវះកាត់អាចមានផលវិបាករយៈពេលវែងចំពោះកុមារដែលយើងគ្រប់គ្នា
យោងតាមការសិក្សាមួយបង្ហាញថា ទារកដែលកើតមកតាមវិធីវះកាត់នឹងក្លាយជាក្មេងដែលធាត់លើសទម្ងន់ ។ ការសិក្សានេះឱ្យដឹងថា ក្មេងដែលកើតតាមវិធីនោះគឺមាន៨៣ភាគរយដែលអាចនឹងវិវឌ្ឍទៅជាក្មេងធាត់ជ្រុលខុសពីក្មេងដែលកើតតាមធម្មជាតិ ។
អ្នកស្រីវេជ្ជបណ្ឌិតជែន ប្លូស្ដេន ថ្លែងថាវិធីបង្កើតកូនដោយវះកាត់អាចមានផលវិបាករយៈពេលវែងចំពោះកុមារដែលយើងគ្រប់គ្នាមិនដឹង។ អត្រានៃការបង្កើតកូនដោយវិធីវះកាត់កំពុងកើនឡើង ពោលគឺឈានទៅដល់ក្ដីបារម្ភមួយចំពោះផលលំបាកសម្រាប់ម្ដាយ និងទារក ។
យោងតាមមជ្ឈមណ្ឌលគ្រប់គ្រង និងបង្ការជំងឺឱ្យដឹងថា កើតកូនដោយវះកាត់មានចំនួនប្រហែល១ក្នុងចំណោមការផ្ដល់កំណើត៣ កាលពីឆ្នាំ២០១០ ពោលគឺកើនពី១ក្នុងចំណោមការផ្ដល់កំណើត៥ កាលពីឆ្នាំ១៩៩៦ ។ សម្រាប់ស្រ្ដីដែលជ្រើសរើសយកវិធីវះកាត់អាចប្រឈមនឹងបញ្ហាប្លោកនោម ក៏ដូចជាផលលំបាកពេលពពោះលើកក្រោយ ។ អ្នកស្រី ប្លូស្ដេន បន្ដប្រាប់សារព័ត៌មានរ៉យទ័រថា ទំហំនៃហានិភ័យជំងឺធាត់ជ្រុលគឺមិនធ្ងន់ទេ ហើយក៏មិនមានផលប៉ះពាល់សម្រាប់ស្រ្ដីទាំងឡាយដែលត្រូវការវិធីសម្រាលកូនដោយវះកាត់ដែរ ប៉ុន្ដែស្រ្ដីដែលពិចារណាជ្រើសរើសយកវិធីនេះ គួរតែយល់ដឹងពីហានិភ័យទាំងនោះផង ៕
ចែករំលែកព័តមាននេះ