ខេត្តបាត់ដំបង ៖ កាលពីព្រឹកថ្ងៃទី២៧ ខែកុម្ភៈ ឆ្នាំ២០១៩ លោកឧត្តមសេនីយ៍ឯក ប៉ោ វណ្ណ: មេបញ្ជាការរង កងរាជអាវុធហត្ថលើផ្ទៃប្រទេស…
ខេត្តបាត់ដំបង ៖ កាលពីព្រឹកថ្ងៃទី២៧ ខែកុម្ភៈ ឆ្នាំ២០១៩ លោកឧត្តមសេនីយ៍ឯក ប៉ោ វណ្ណ: មេបញ្ជាការរង កងរាជអាវុធហត្ថលើផ្ទៃប្រទេស (អតីតមេបញ្ជាការកងរាជអាវុធហត្ថខេត្តបាត់ដំបង) បាននាំយកថវិកាផ្ទាល់ខ្លួនចំនួន៥លាន៧៩ម៉ឺនរៀល យកទៅប្រគល់ជូនលោកអនុសេនីយ៍ឯក អ៊ិន តាំ ជំនួយការមន្ទីរយុត្តិធម៌ ដែលមានជំងឺទឹកនោមផ្អែមរីករាលដាលរហូតត្រូវកាត់ជើងនាំឱ្យពិការ និងកំពុងសំរាកព្យាបាលនៅផ្ទះ ស្ថិតក្នុងភូមិកម្មករ សង្កាត់ស្វាយប៉ោយ ក្រុងបាត់ដំបង ខេត្តបាត់ដំបង ។
ចំណែកថវិកាចំនួន៨០ម៉ឺនរៀលទៀត ត្រូវបានប្រគល់ជួនដល់លោកអនុសេនីយ៍ឯក តេយ្យ ឌីពឿត ជំនួយការ កងរាជអវុធហត្ថស្រុកភ្នំព្រឹក ដែលកំពុងមានជម្ងឺសម្រាកព្យាបាលនៅមន្ទីរពេទ្យបង្អែកខេត្តបាត់ដំបង និងថវិកាចំនួន១លានរៀល ត្រូវបានផ្ដល់ជូនក្រុមគ្រូពេទ្យចំនួន៤០ម៉ឺនរៀល និងប្រគល់ថវិកាជូនលោក គុយ ថុល មន្ដ្រីអាវុធហត្ថចូលនិវត្តន៍ ចំនួន៨០ម៉ឺនរៀល លោកឧត្តមសេនីយ៍ត្រី មាស សំរិទ្ទ មេបញ្ជការរងអាវុធហត្ថខេត្តបាត់ដំបង កំពុងជួបការលំបាកចំនួន៨០ម៉ឺនរៀល ផ្ដល់ជូនលោកវរសេនីយ៍ត្រី ហុក ដាវិន ៨០ម៉ឺនរៀល ដែលទើបវះកាត់រួច សំរាកព្យាបាល នឹងមន្ដ្រីអាវុធហត្ថជួបការលំបាកផ្សេងៗទៀត ចំនួន១០នាក់ ក្នុងម្នាក់ទទួលបាន១០ ម៉ឺនរៀលផងដែរ។
លោកឧត្តមសេនីយឯក ប៉ោ វណ្ណ: បានអោយដឹងថាក្រោយពីបានទទួលដំណឹងថា មន្ដ្រីអាវុធហត្ថខេត្តបាត់ដំបងខ្លះៗ មានជរា ពិការ កំពុងជួបទុក្ខលំបាកដែលជាកូនចៅចាស់ ធ្លាប់រួមសុខរួមទុក្ខជាមួយគ្នាអស់រយៈពេល២០កន្លងផុតទៅនោះក្នុងខេត្តបាត់ដំបង ធ្លាប់មានអនុស្សាវរីយ៍ជាច្រើនក្នុងគ្រាលំបាកជាមួយគ្នា ទើបលោកឆ្លៀតពេលនាំយកថវិកាមកប្រគល់ជូន និងសួរសុខបងប្អូនកូនចៅចាស់ តំណាងដោយទឹកចិត្តស្រឡាញ់ដែលធ្លាប់មានមក ហើយក្រោយមករូបលោកបានផ្ដាំផ្ញើមន្ដ្រីអាវុធហត្ថបន្ដការខិតខំថែទាំសុខភាពជាកត្តាសំខាន់ ៕
ចែករំលែកព័តមាននេះ