តាមប្រភពពីMetroបានឱ្យដឹងថា យុវតីអាយុ១៩ឆ្នាំ ឈ្មោះ Samantha Simpson បានប្រកាសសុំកុំឱ្យមហាជននិយាយលេងសើច និងប្រមាថដល់ប្តីរបស់នាង ដែលមានអាយុ៦២ឆ្នាំនេះទៀត ។ នាងបានចាប់ចិត្តស្រឡាញ់បុរសវ័យចំណាស់ ដែលបច្ចុប្បន្នគឺជាប្តីរបស់នាង កាលពីនាងមានអាយុ១៨ឆ្នាំម្ល៉េះ ។
បើទោះបីជាអាយុខុសគ្នាច្រើនយ៉ាងណាក្តី ក៏នាងនៅតែសម្រេចចិត្តយកបុរសម្នាក់នោះធ្វើជាសង្សារដែរ ។ ម្តាយឪពុករបស់នាង មិនឱ្យពួកគេទាំងពីររៀបការនឹងទេ ដែលជាហេតុឱ្យនាងសម្រេចចិត្តចាកចេញពីផ្ទះទៅនៅផ្ទះមួយផ្សេងទៀត ។ ក្រោយពីបាននៅជាមួយគ្នាបាន១ឆ្នាំ នាងនិងJR ក៏បានរៀបការនៅថ្ងៃទី៨ មករា ឆ្នាំ២០១៨ ។
នៅពេលដើរទៅណាមកណា គេតែងតែថា ប្តីរបស់នាងជាមនុស្សចាស់ស្រឡាញ់ក្មេង មិនទាន់គ្រប់អាយុ ហើយពេលខ្លះក៏ថា គាត់ជាតារបស់នាងទៀតផង ។ នាងថា ការមើលងាយពីសំណាក់ក្រុមគ្រួសារ គឺគ្រប់គ្រាន់ណាស់ទៅហើយសម្រាប់នាង ហើយកុំឱ្យមានការមើលងាយពីសាធារណៈជនទៀត ។ វាពិតជាលើសខ្លាំងណាស់ ចំពោះរូបនាងនិងប្តីរបស់នាង ។
មូលហេតុដែលនាងរៀបការជាមួយ JR ដែលមានអាយុ៦២ឆ្នាំនេះ គឺមកពីចិត្តស្រឡាញ់ពិត ។ នាងថា នាងធ្លាប់យកសង្សារជាប្រុសអាយុស្របាលគ្នាហើយ តែពួកគេនៅក្មេងខ្ចីពេក មិនចេះថ្នាក់ថ្នមយល់ចិត្តនាងឡើយ តែសម្រាប់ JR វិញ គឺចេះគ្រប់សព្វ ។ គូស្នេហ៍ខុសជំនាន់មួយគូនេះ គ្រោងនឹងយកកូនក្នុងពេលឆាប់ៗ បើទោះបីជាខាងប្រុសធ្លាប់មានកូនពីមុនក៏ដោយ ។
ចែករំលែកព័តមាននេះ