Gary Lineker ថាមិនគួរយក Ronaldo ទៅប្រៀបនឹង Messi
តាមប្រភពព័ត៌មាន Soccer Laduma បានឱ្យដឹងថា អតីតកីឡាករក្លិបអ្នកមានបុណ្យ Gary Lineker បានអះអាងថា គ្មានសោះឡើយចំណុចសម្រាប់យក Lionel…
តាមប្រភពព័ត៌មាន Soccer Laduma បានឱ្យដឹងថា អតីតកីឡាករក្លិបអ្នកមានបុណ្យ Gary Lineker បានអះអាងថា គ្មានសោះឡើយចំណុចសម្រាប់យក Lionel…
តាមប្រភពព័ត៌មាន Soccer Laduma បានឱ្យដឹងថា អតីតកីឡាករក្លិបអ្នកមានបុណ្យ Gary Lineker បានអះអាងថា គ្មានសោះឡើយចំណុចសម្រាប់យក Lionel Messi និង Cristiano Ronaldo ទៅប្រៀបធៀបគ្នា ។ គេបានលើកឡើងថា ៖«កីឡាករអាហ្សង់ទីន Messi គឺស្ថិតនៅក្នុងកម្រិតដែលគ្មាននរណាធ្វើដូច»។
Gary Lineker ដែលជាកីឡាករអង់គ្លេសស៊ុតបានគ្រាប់បាល់ច្រើនជាងគេលំដាប់ទីបី ជាមួយនឹងគ្រាប់បាល់៤៨គ្រាប់ ក្នុងការប្រកួត៨០ដង បានបញ្ចេញយោបល់ស្តីពីការប្រៀបធៀបជើងខ្លាំងទាំងពីរ ។ បើទោះបីជាកីឡាករទាំងពីរបានពាន Ballon d’Or ស្មើគ្នាក៏ដោយ ក៏កីឡាករជើងចាស់ម្នាក់នេះថា Messi គឺមិនអាចយកនរណាមកប្រៀបបានទេ ។
គេបានប្រាប់ថា ៖«គេ (Messi) គឺពិតជាអស្ចារ្យណាស់ ។ គេមានអាយុ៣១ឆ្នាំហើយ តែនៅតែខ្លាំង ។ គេលេងតាមរបៀបដែលយើងមិនធ្វើដូច ។ ខ្ញុំមើលបាល់ច្រើនណាស់ ហើយឃើញថាមានមនុស្សជាច្រើនប្រកែកគ្នារឿងនរណាខ្លាំងជាងនរណា ។ សម្រាប់ខ្ញុំគឺគ្មានទេចំពោះការប្រៀបធៀប»។
Lineker បានបន្តថា ៖«នៅពេលមនុស្សមកនិយាយជាមួយខ្ញុំថា Ronaldo ស៊ុតបានច្រើនឬក៏ខ្លាំងបែបណា ខ្ញុំតែងតែសួរគេថាធ្លាប់បានមើល Messi ពេលបញ្ជូនបាល់ដែរឬអត់ ។ អ្វីដែល Messi នាំមកកាន់តារាងបាល់ទាត់ គឺជាអ្វីដែលខ្ញុំចូលចិត្តគេបំផុត ។ បើទោះបីជាថ្ងៃឈប់សម្រាក ក៏ Messi នៅតែអាចធ្វើអ្វីមួយដែលឱ្យអ្នកគាំទ្រមិនសរសើរមិនបានដែរ»។
ជាចុងក្រោយ កីឡាករអង់គ្លេសរូបនេះបានបន្ថែមថា ៖«គេក៏ជាអ្នករកគ្រាប់បាល់បានល្អម្នាក់ដែរ ។ ខ្ញុំគិតថាមានអ្នកខ្លះភ្លេចពីរឿងនេះ ។ គេគឺជាមិត្តរួមក្រុមដ៏ល្អផងដែរ ។ ក្រុមណាដែលមានគេនៅលេងជាមួយ តែងមានឱកាសឈ្នះច្រើន» ៕
ប្រភព ៖ Soccer Laduma
ចែករំលែកព័តមាននេះ