រាជធានីភ្នំពេញ ៖ កម្មកានីកាត់ដេរម្នាក់ត្រូវរថយន្តក្រុងកិនបែកក្បាលស្លាប់យ៉ាងអាណោចអាធម័ ខណៈជនរងគ្រោះបានបើកបរម៉ូតូទៅធ្វើការហើយបើកជែងធ្វើឱ្យទាក់ដៃចង្កូតជាមួយម៉ូតូមួយគ្រឿងទៀត បណ្តាលឱ្យដួលត្រូវរថយន្តមកពីក្រោយកិនស្លាប់តែម្តង បន្ទាប់ពីកើតហេតុ រថយន្តបានបើកគេចបាត់។ ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង៦និង១៥នាទីព្រឹកថ្ងៃទី២២ ខែកុម្ភៈ ឆ្នាំ២០១៩…
រាជធានីភ្នំពេញ ៖ កម្មកានីកាត់ដេរម្នាក់ត្រូវរថយន្តក្រុងកិនបែកក្បាលស្លាប់យ៉ាងអាណោចអាធម័ ខណៈជនរងគ្រោះបានបើកបរម៉ូតូទៅធ្វើការហើយបើកជែងធ្វើឱ្យទាក់ដៃចង្កូតជាមួយម៉ូតូមួយគ្រឿងទៀត បណ្តាលឱ្យដួលត្រូវរថយន្តមកពីក្រោយកិនស្លាប់តែម្តង បន្ទាប់ពីកើតហេតុ រថយន្តបានបើកគេចបាត់។
ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង៦និង១៥នាទីព្រឹកថ្ងៃទី២២ ខែកុម្ភៈ ឆ្នាំ២០១៩ ស្ថិតនៅបណ្តោយផ្លូវ១៩៦២ ក្នុងភូមិក្រាំងអង្រង់ សង្កាត់ក្រាំធ្នង់ខណ្ឌសែនសុខ។
ជនរងគ្រោះដែលស្លាប់ឈ្មោះកង ភារម្យ ភេទស្រី អាយុ២៤ឆ្នាំ មុខរបរកម្មាការីនីរោងចក្រ កាល់លីស្គូអីភើរីល ស្នាក់នៅបន្ទប់ជួលក្នុងភូមិច្រេះ សង្កាត់គោគឃ្លាង ខណ្ឌសែនសុខ ។
តាមសាក្សីនៅកន្លែងកើតហេតុបានអោយដឹងថា មុនពេលកើតហេតុ គេឃើញនារីរងគ្រោះបានបើកបរម៉ូតូមួយគ្រឿងម៉ាកហុងដាឌ្រីម ធុនសេ១២៥ ពណ៌ខ្មៅ ពាក់ស្លាកលេខ ពោធិ៍សាត់ ១T-៣៣១៨ ធ្វើដំណើរចេញពីបន្ទប់ជួលក្នុងទិសដៅពីកើតទៅលិចឆ្ពោះទៅធ្វើការនៅរោងចក្រម្តុំកប់ស្រូវ។
ប្រភពដដែលបានបន្តថា លុះពេលនារីរងគ្រោះបើកបរម៉ូតូមកដល់ចំណុចកើតហេតុខាងលើក៍ បើកជែង ហើយទាក់ដៃចង្កូតជាមួយម៉ូតូមួយគ្រឿងទៀតម៉ាកស៊ុយហ្ស៊ុយគីឡែត ពណ៌ទឹកប្រាក់ គ្មានស្លាកលេខ បើកបរដោយបុរសម្នាក់ក្នុងទិសដៅបញ្ច្រាសគ្នា ធ្វើអោយម៉ូតូទាំង២គ្រឿងដួល បណ្តាលអោយបុរសម្នាក់ជាអ្នកបើកបរម៉ូតូម៉ាកស៊ុយហ្ស៊ុយគីឡែតរងរបួស្រាល ចំណែកនារីងគ្រោះក៍ត្រូវរថយន្តក្រុងមួយគ្រឿងមកពីក្រោយកិនបែកក្បាលបណ្តាលស្លាប់នៅកន្លែងកើតហេតុ ហើយរថយន្តបានបើកគេចបាត់ស្រមោល ។
ប្រភពដដែលបានបន្តទៀតថា នារីរងគ្រោះនឹងត្រូវចូលរោងការនាពេលខាងមុខនេះ ស្រាប់តែជួបគ្រោះថ្នាក់យ៉ាងរន្ធត់ ។
ក្រោយពេលកើតហេតុ សមត្ថកិច្ចនគរបាលខណ្ឌសែនសុខបានចុះទៅកន្លែងកើតហេតុ ហើយទាក់ទងនគរបាលចរាចរណ៍នៃស្នងការនគរបាលរាជធានីភ្នំពេញចុះមកវាស់វែងនាំយកម៉ូតូទៅរក្សាទុកនៅការិយាល័យ ។ ចំណែកសពជនរងគ្រោះត្រូវបានសមត្ថកិច្ចប្រគល់អោយក្រុមគ្រួសារនាំយកទៅធ្វើបុណ្យនៅក្នុងកំណើតខេត្តពោធិ៍សាត់៕
ចែករំលែកព័តមាននេះ