ស្រុកព្រៃនប់-អ្នកបើកបរថយន្តម្នាក់បានស្លាប់នៅនឹងកន្លែង ក្នុងករណីគ្រោះថ្នាក់ចរាចរណ៍ បើករថយន្តចុះចំណោត រេចង្កូតទៅខាងស្ដាំ បណ្ដាលឲ្យបុករះបង្កាន់ដៃអមសងខាងផ្លូវ ហើយធ្លាក់ផ្លូវក្រឡាប់តែម្ដង ។ ហេតុការណ៍បានកើតមានឡើង នៅថ្ងៃទី២៧.មីនា.២០២៦ វេលាម៉ោង…
ស្រុកព្រៃនប់-អ្នកបើកបរថយន្តម្នាក់បានស្លាប់នៅនឹងកន្លែង ក្នុងករណីគ្រោះថ្នាក់ចរាចរណ៍ បើករថយន្តចុះចំណោត រេចង្កូតទៅខាងស្ដាំ បណ្ដាលឲ្យបុករះបង្កាន់ដៃអមសងខាងផ្លូវ ហើយធ្លាក់ផ្លូវក្រឡាប់តែម្ដង ។
ហេតុការណ៍បានកើតមានឡើង នៅថ្ងៃទី២៧.មីនា.២០២៦ វេលាម៉ោង ១២:៣០នាទីរសៀល លើដងផ្លូវជាតិលេខ១៤៦B (វាលរេញស្ទឹងហាវ)គីឡូម៉ែត្រ ០៧-០៨ ស្ថិតក្នុងភូមិចំការកៅស៊ូ ឃុំជើងគោ ស្រុកព្រៃនប់ ខេត្តព្រះសីហនុ ។
តាមសមត្តកិច្ចឲដឹងថាករណីគ្រោះថ្នាក់ចរាចរណ៍នេះបានកើតឡើង បង្កដោយខ្លួនឯង រថយន្ដ ០១គ្រឿង ម៉ាក HYUNDAI ពណ៌ស ពាក់ផ្លាកលេខ ភ្នំពេញ 3D-5017 និងសឺមីរ៉ឺម៉ក ពាក់ផ្លាកលេខ ព្រះសីហនុ 4A-3305 ដែលមានទិសដៅពីស្រុកព្រៃនប់ ឆ្ពោះទៅ ស្រុកស្ទឹងហាវ (ពីកើតទៅលិច) បើកបរដោយឈ្មោះ ហ៊ុំ ហ៊ាង ភេទប្រុស អាយុ២៧ឆ្នាំ មុខរបរបើកបររថយន្ដ មានទីលំនៅភូមិសំរោងវាល ឃុំជីផុច ស្រុកមេសាង ខេត្តព្រៃវែង ។
លុះមកដល់ចំណុចខាងលើ ស្ថានភាពផ្លូវចុះចំណោត បានបើកបរក្នុងល្បឿនលឿន រួចបានរេចង្កូតទៅខាងស្ដាំ បណ្ដាលឲ្យបុករះបង្កាន់ដៃអមសងខាងផ្លូវ ហើយធ្លាក់ផ្លូវក្រឡាប់តែម្ដង ។
ករណីគ្រោះថ្នាក់ចរាចរណ៍ខាងលើនេះបណ្ដាលឲ្យអ្នកបើកបររថយន្ដ (ស្លាប់នៅនឹងកន្លែងកើតហេតុ) ។
បច្ចុប្បន្ន សាកសពកំពុងទំនាក់ទំនងទៅក្រុមគ្រួសារយកទៅធ្វើបុណ្យតាមប្រពៃណី រីឯវត្ថុតាង(រថយន្ដ) កំពុងរករថយន្ដស្ទួចយករថយន្ដទៅរក្សាទុកជាបណ្ដោះអាសន្ននៅអធិកាដ្ឋាននគរបាលស្រុកព្រៃនប់ ៕
ចែករំលែកព័តមាននេះ