ប្លែកខ្លាំងដូចមេឃនិងដីដល់ថ្នាក់គេសង្ស័យ Ronaldo កែសម្ផស្ស
5 ឆ្នាំ មុន
តាមប្រភពព័ត៌មាន Fox Sports Asia បានឱ្យដឹងថា កីឡាករជើងខ្លាំង Cristiano Ronaldo ត្រូវបានគេសង្ស័យថា បានធ្វើការវះកាត់កែសម្ផស្សដោយសារតែមានភាពខុសគ្នាខ្លាំងពេកពេលដែលចូលលេងដំបូង…
តាមប្រភពព័ត៌មាន Fox Sports Asia បានឱ្យដឹងថា កីឡាករជើងខ្លាំង Cristiano Ronaldo ត្រូវបានគេសង្ស័យថា បានធ្វើការវះកាត់កែសម្ផស្សដោយសារតែមានភាពខុសគ្នាខ្លាំងពេកពេលដែលចូលលេងដំបូង និងនាពេលបច្ចុប្បន្នដែលកំពុងល្បី ។
ក្មេងប្រុសម្នាក់ដែលចូលលេងនៅ Manchester United កាលពីឆ្នាំ២០០៣ បានកែប្រែរូបរាងកាន់តែសង្ហាទៅៗ តាមទឹកលុយនិងភាពល្បីល្បាញដែលគេកំពុងមាន ។ កីឡាករ Peter Crouch បានប្រាប់ទៅកាន់ Daily Mail ថា ៖«Rio Ferdinand (មិត្តរបស់ Ronaldo កាលនៅ Man Utd) នឹងនិយាយរឿង Ronaldo ឈរនៅមុខកញ្ចក់ទាំងខ្លួនគ្មានសម្លៀកបំពាក់ ហើយយកដៃចូកសក់របស់ខ្លួន រួចនិយាយថា Wow! ខ្ញុំពិតជាសង្ហាណាស់! » ។
Peter បានបន្តថា ៖«នៅពេលមានមិត្តរួមក្រុមបង្អាប់ថា លេងបាល់មិនដល់ Messi កីឡាករ Ronaldo ក៏បានតបថា “យ៉ាងណាក៏ Messi មិនស្អាតអ៊ីចឹងដែរ»។
អ្នកជំនាញកែសម្ភស្សប្រាប់សារព័ត៌មាន The Sun ថា ក្រៅពីការជ្រុះសក់ខាងមុខរបស់ Ronaldo រូបគេបានធ្វើការចាក់បំបាត់ភាពជ្រីវជ្រួញ និងចាក់ថ្នាំបំពេញមុខឱ្យតឹងណែនល្អ ។ កាលពីមុនច្រមុះរបស់គេពិតជាធំមែន តែពេលនេះដោយសារតែមុខរីក ទើបឃើញច្រមុះចុះតូចវិញបន្តិចទៀត ។
គួរបញ្ជាក់ផងដែរថា បើទោះបីជា Ronaldo គឺជាមនុស្សគិតពីរូបសម្រស់មែន តែរូបគេនៅតែអាចរក្សារូបរាងឱ្យបានស្រស់ស្អាតសង្ហាមែន ៕
ចែករំលែកព័តមាននេះ