កុំ​ងប់​ង​ល់​តែ​ជីវិត​បច្ចុប្បន្ន​ត្រូវ​គិត​ទៅ​បរលោក​ផង


មនុស្ស​យើង​គ្រប់​គ្នា​រមែង​ស្រឡាញ់​ខ្លួន​ជាង​ស្រឡាញ់​អ្វី​ៗ​ទាំងអស់ ម្នាក់​ៗ​ខិតខំ​ស្វែងរក​អាហារ​បរិភោគ​ដើម្បី​រស់ ដើម្បី​ជីវិត​ខ្លួន​រស់នៅ​យឺនយូរ ហើយ​មនុស្ស​ដែល​ឆ្លាត​គេ​មិនមែន​ហ៊ឺហា​សប្បាយ​ចាយវាយ​តែ​មួយ​ថ្ងៃ​ឲ្យ​ទាល់តែ​អស់ទ្រព្យ​ដែល​រកបាន​មក​នោះ​ទេ គេ​ពិតជា​រំលែក​ទ្រព្យ​ខ្លះ​ទុក​សម្រាប់​ថ្ងៃក្រោយ​មិន​ខាន ។

ព្រោះ​ថាបើ​មិន​លៃលក​ដូច្នេះ​ទេ ថ្ងៃក្រោយ​គេ​នឹង​ក្លាយជា​មនុស្ស​កំសត់ លែង​មាន​អ្វី​បរិភោគ​ទៀត​ហើយ ដូច​គ្នា​នេះ​ដែរ​អ្នកមាន​ប្រាជ្ញា​ក៏​គិតគូរ​ជីវិត​ទៅ​ជាតិ​មុខ​មិន​ខុស​អំពី​ការ​ដែល​គេ​គិត​ជីវិត​ថ្ងៃស្អែក​នោះ​ទេ ។

ជីវិត​ទៅ​ក្នុង​លោក​ខាង​មុខ​ពិតជា​មាន​ប្រាកដ ទោះជា​បដិសន្ធិ​នោះ​ក្នុង​កំណើត​អ្វី​ក៏​ដោយ គឺ​កើត​ទៅ​តាម​ផលកម្ម​ដែល​ខ្លួន​បាន​សាង​ក្នុង​បច្ចុប្បន្ន​ជាតិ និង​អតីតជាតិ ផលកម្ម​នេះ​ហើយ​ជា​អ្នកដឹកនាំ​ជីវិត​ទៅ​កើត​ក្នុង​ភព​ផ្សេង​ៗ ។

ព្រោះហេតុនោះ​សត្វលោក​មិន​អាច​ដំអក់​ងប់ងុល​តែ​ក្នុង​ប្រយោជន៍​បច្ចុប្បន្ន ដែល​ជា​ឈ្នាន់​ថ្នាក់​ក្រោម​ប៉ុណ្ណោះ​នោះ​ទេ គឺ​ត្រូវ​តែ​សាង​ប្រយោជន៍​បរលោក​ផង​ទើប​ប្រពៃ ព្រោះ​យើង​មិនមែន​រស់នៅ​តែ​ជាមួយនឹង​ជីវិត​បច្ចុប្បន្ន​នេះ​ឯណា មិនយូរ​ប៉ុន្មាន​ទៀត​ទេ​ជីវិត​យើង​នេះ​នឹង​ត្រូវ​ស្លាប់​អស់​ទៅ​ហើយ ។

ម្យ៉ាងទៀត​បើ​តណ្ហា​នៅ​មាន មុខជា​នឹង​មាន​ជាតិ​ថ្មី​ក្នុង​លោក​ខាង​មុខ​ៗ​ទៀត​មិន​ខាន ហើយ​អ្វី​ជាដើម​ទុន​សម្រាប់​ជាតិ​ថ្មី​នោះ មាន​តែ​បុណ្យ​កុសល​ប៉ុណ្ណោះ​ឯង ។

Facebook Google Twitter Email

Live

Sponsored News

១១:២៩ | ក្នុងស្រុក

ក្រុមហ៊ុន KB Kookmin Card និង ធនាគារឯកទេស ខេប៊ី ដេហាន ម.ក ឧបត្ថម្ភថវិកាចំនួន ១០ម៉ឺនដុល្លារ ដើម្បីផ្ដល់អាហារូបករណ៍ និងគាំទ្រគម្រោងកែលម្អហេដ្ឋារចនាសម្ព័ន្ធក្នុងខេត្តកំពង់ធំ

ការស្ទង់មតិគេហទំព័រថ្មី




សូម​អរគុណ