កីឡាករស្លូវេនី Janez Brajkovicបានសម្តែងនូវក្តីរីករាយជាខ្លាំងបន្ទាប់ពីបានយកឈ្នះដំណាក់បើកឆាក(ដំណាក់ទី១)នៃព្រឹត្តិការណ៍ Tour of Spain នៅអេស្ប៉ាញកាលពីថ្ងៃសៅរ៍ទី២៤ សីហា ដោយការប្រណាំងបញ្ចប់នៅទីក្រុង Sanxenxoប្រទេសអេស្ប៉ាញ ។
ដែលជាអ្នកជិះកង់ឱ្យក្រុមAstana Pro Team បានយកឈ្នះដំណាក់មានចម្ងាយផ្លូវ២៧គីឡូម៉ែត្រចេញដំណើរពីទីក្រុង Vilanova de Arousa ឆ្ពោះទៅកាន់ទីក្រុង Sanxenxo ដោយបោះពួយឆ្លងកាត់គំនូសខ្សែព្រ័ត្រក្នុងថិរវេលា២៩នាទីនិង៥៩វិនាទីជួយឱ្យក្រុមនិងមិត្តរួមក្រុមរបស់ខ្លួនយកឈ្នះលើក្រុមRadioShack Leopard ដែលមានកីឡាករស្វ៊ីស Fabian Cancellara,កីឡាករអេស្ប៉ាញHaimar Zubeldia Agirre, Markel Irizar Aranburu, កីឡាករក្រូអាស៊ី Robert Kiserlovski និង
កីឡាករអាមេរិក Christopher Horner ដែលទាំងអស់គ្នាបានប្រើថិរវេលាយឺតជាង១០វិនាទី។
សូមបញ្ជាក់ថា ការប្រណាំងកម្មវិធី Tour of Spain ឆ្នាំនេះចែកចេញជា២១ដំណាក់និងមានចម្ងាយផ្លូវសរុប៣.៣១៨,៤៧គីឡូម៉ែត្រ។ ដោយឡែកដំណាក់ទី២ដែលជាដំណាក់បន្តមានចម្ងាយផ្លូវ១៧៦,៨គីឡូម៉ែត្រចេញដំណើរពីទីក្រុង Pontevedraឆ្ពោះទៅកាន់ទីក្រុង Alto Do Monte Da Groba ប្រទេសអេស្ប៉ាញ ៕
ចែករំលែកព័តមាននេះ