បណ្តាក្មេងស្រីដែលធាត់ដុះពោះលើសទម្ងន់ប្រឈមខ្លាំងនឹងការកើតជំងឺលើសឈាមបើប្រៀបធៀបជាមួយបណ្តាក្មេងប្រុសដែលធាត់ដូចគ្នា ។ យោងតាមអ្នកស្រាវជ្រាវមកពីសាកលវិទ្យាល័យកាលីហ្វ័រនីញ៉ាសហរដ្ឋអាមេរិកដែលពិសោធលើក្មេងជំទង់១.៧០០នាក់ មានអាយុចន្លោះពី១៣ឆ្នាំទៅ១៧ឆ្នាំឱ្យដឹងថា បណ្តាក្មេងស្រីវ័យជំទង់ធាត់ដុះពោះប្រឈមនឹងការកើតមានជំងឺខាងដើមច្រើន
បណ្តាក្មេងស្រីដែលធាត់ដុះពោះលើសទម្ងន់ប្រឈមខ្លាំងនឹងការកើតជំងឺលើសឈាមបើប្រៀបធៀបជាមួយបណ្តាក្មេងប្រុសដែលធាត់ដូចគ្នា ។ យោងតាមអ្នកស្រាវជ្រាវមកពីសាកលវិទ្យាល័យកាលីហ្វ័រនីញ៉ាសហរដ្ឋអាមេរិកដែលពិសោធលើក្មេងជំទង់១.៧០០នាក់ មានអាយុចន្លោះពី១៣ឆ្នាំទៅ១៧ឆ្នាំឱ្យដឹងថា បណ្តាក្មេងស្រីវ័យជំទង់ធាត់ដុះពោះប្រឈមនឹងការកើតមានជំងឺខាងដើមច្រើនជាង៩ដងធៀបជាមួយបណ្តាក្មេងប្រុស ។
នេះមានន័យថា បណ្តាក្មេងប្រុសគឺមានការប្រឈមគ្រោះថ្នាក់ដោយជំងឺលើសឈាមតែ២,៣ដងប៉ុណ្ណោះ ។ អ្នកស្រាវជ្រាវបានរកឃើញថា អ្នកដែលមាន BMI (ការគណនាសមាមាត្ររវាងកម្ពស់និងទម្ងន់) ចាប់ពី៣០ឡើងទៅកំណត់ថាធាត់ដុះពោះលើសទម្ងន់។ ជំងឺលើសឈាមគឺជាឃាតករសម្លាប់មនុស្សដ៏ស្ងៀមស្ងាត់បំផុត ។ វាបញ្ចេញរោគសញ្ញាមកក្រៅបន្តិចបន្តួចប៉ុណ្ណោះ។ មានមនុស្សជាច្រើនពុំបានដឹងថាខ្លួនមានជំងឺនេះផង ។
ប្រសិនជាមិនទទួលការព្យាបាលឱ្យទាន់ពេលទេ នឹងនាំឱ្យកើតជំងឺដាច់សរសៃឈាមក្នុងខួរក្បាល ព្រមទាំងជំងឺបេះដូង ។ មធ្យោបាយដ៏មានប្រសិទ្ធភាពទប់ស្កាត់ជំងឺលើសឈាមមានដូចជា ការបញ្ចុះទម្ងន់ខ្លួន ធ្វើលំហាត់ប្រាណឱ្យបានទៀងទាត់ព្រមទាំងទទួលអាហារដែលផ្តល់ផលល្អដល់សុខភាព ៕
ចែករំលែកព័តមាននេះ