តាមប្រភពពី Mirrorឱ្យដឹងថា បុរសម្នាក់បានបង្កើតចេញជាសេវាកម្មជួលខ្លួនឯងសម្រាប់ឱ្យនារីៗណា ដែលចង់បានសង្សារដើរលេងក្នុងថ្ងៃបុណ្យនៃសេចក្តីស្រឡាញ់នេះ ។ Peter Wilding បានបង្ហោះសារចូលទៅក្នុង Page ឈ្មោះ Taupo Noticeboard នៅលើហ្វេសប៊ុក ដែលមាន៨ជម្រើសក្នុងតម្លៃខុសៗគ្នា ។
គេបានសរសេរថា «ជួលខ្ញុំ សម្រាប់ថ្ងៃបុណ្យនៃសេចក្តីស្រឡាញ់ ដែលខ្ញុំមានជម្រើសជាច្រើន ហើយតម្លៃគឺអាចចរចាបាន ។ តម្លៃចាប់ពី១៥ដុល្លារ ដែលមានការដើរលេងពេលព្រឹក១ម៉ោងជាមួយគ្នា ដូចជាមិត្តភក្តិ ។ បើគុណនឹង២នៃតម្លៃនេះ នឹងមានការដើរលេង២ម៉ោងពេលព្រឹក ជាមួយនឹងសូកូឡាមួយប្រអប់។អ្នកអាចជះលុយលើសហ្នឹងទៀត បើចង់ទៅហែលទឹកលេង ហើយបង្ហោះរូបយើង២នាក់លើហ្វេសប៊ុក»។
ចំពោះតម្លៃដែលថ្លៃជាងគេ គឺដល់១៥០ដុល្លារ ដែលអាចកំដបាន១៥ម៉ោងពេលយប់ ។ នេះពិតជាគំនិតប្លែកមួយដែលបុរស Single ចេះរកនឹកឃើញ ។ គេក៏មានជម្រើសបន្ថែមបូកថ្លៃពីលើហ្នឹងដែរ ដែលមានដូចជាការយកឡានមកទទួលជាដើម។
Peter បានប្រាប់ទៀតថា គេនឹងបដិសេធចំពោះនារីណា ដែលមានអាយុខុសពីចំណង់ចំណូលចិត្តរបស់ខ្លួន ។ គេបានបន្តថា ការធ្វើដូចនេះគឺគ្រាន់តែដើម្បីឱ្យគ្រប់គ្នាសើចតែប៉ុណ្ណោះ ។ តើវាពិតជាអ៊ីចឹងមែនឬ?
ចែករំលែកព័តមាននេះ