ទទួលទានផ្នែកក្រហមនៃស៊ុតមាន់ឬស៊ុតទាជាប្រចាំនឹងធ្វើឱ្យគ្រោះថ្នាក់ដល់បេះដូងស្មើនឹងការជក់បារី ។ ផលប៉ះពាល់នេះក៏ព្រោះតែផ្នែកក្រហមរបស់ស៊ុតបានធ្វើឱ្យសរសៃឈាមបេះដូងឡើងរឹងនិងកកស្ទះព្រោះមានការប្រមូលផ្តុំសារធាតុខ្លាញ់ច្រើនតួយ៉ាងដូចជា កូឡេស្តេរ៉ូល។
បន្ទាប់ពីពិសោធលើមនុស្សប្រុសស្រី១.២៣១នាក់ វេជ្ជបណ្ឌិត David Spence បានអះអាងថា ទទួលទានពងក្រហមរបស់ស៊ុតគឺ
អាក្រក់ដូចជាការជក់បារីប្រហែលជា ២/៣ ហើយថា នេះជាបច្ច័យដែលនាំទៅរកការកើតមានជំងឺគាំងបេះដូង និងដាច់សរសៃឈាមក្នុងខួរក្បាល ។ក្រុមអ្នកស្រាវជ្រាវបានបញ្ជាក់ថា ទទួលទាន៣ដងក្នុងមួយសប្តាហ៍ ការប្រឈមកាន់តែមានច្រើនធៀបទៅនឹងអ្នកដែលទទួលទានវាតិចជាង២ដងក្នុងសប្តាហ៍ ។
តាមលោកវេជ្ជបណ្ឌិត Spenceឱ្យដឹងថា មនុស្សភាគច្រើនយល់ច្រឡំថា ផ្នែកក្រហមរបស់ស៊ុតគឺជាអាហារដែលផ្តល់នូវសុខភាពសម្រាប់ពួកគេ ។ លោកបន្តថា ៖«ការទទួលទានអាហារដែលសម្បូរដោយសារធាតុកូឡេស្តេររ៉ូលបង្កើនការស្ទះសរសៃឈាមបេះដូង ហើយផ្នែកក្រហមនៃស៊ុតគឺផ្ទុកកូឡេស្តេរ៉ូលច្រើនបំផុត » ។
វេជ្ជបណ្ឌិតរូបនេះបានបន្ថែមថា ការសិក្សាស្រាវជ្រាវបន្ថែមទៀតនឹងត្រូវធ្វើលើកក្រោយ តែទោះយ៉ាងណា លោកបានសង្កត់ធ្ងន់ថា បុគ្គលដែលងាយប្រឈមនឹងជំងឺបេះដូង គួរតែបោះបង់ការទទួលទានពងក្រហមជាប្រចាំ ៕
ចែករំលែកព័តមាននេះ