គារវតាសេចក្តីគោរព៧ប្រការជាប្រភពនៃការរុងរឿងលើវិស័យព្រះពុទ្ធសាសនា ព្រោះបើខ្វះការគោរព សាសនាមួយនេះនឹងមិនអាចរុងរឿងបានឡើយ គឺអស់ការគោរពដរាបណា ព្រះពុទ្ធសាសនាក៏នឹងត្រូវសាបសូន្យដរាបនោះជាក់ជាមិនខាន ។
តទៅនេះជាការគោរព៧ប្រការដែលពុទ្ធបរិស័ទមិនគួររំលងគឺ ១-សត្ថុគារវតា គោរពចំពោះព្រះបរមសាស្តា បានដល់ការគោរពព្រះពុទ្ធរូប, ២-ធម្មគារវតា គោរពចំពោះព្រះធម៌ យកធម៌កុសលធម៌មកទុកក្នុងចិត្តសន្តាន, ៣-សង្ឃគារវតា គោរពចំពោះព្រះសង្ឃបានដល់ទាំងភិក្ខុ និងសាមណេរតូចៗ ៤-សិក្ខាគារវតា គោរពចំពោះសិក្ខា គឺគោរពក្នុងការសិក្សាធម៌វិន័។,
ចំណែកទី ៥-សមាធិគារវតា គោរពចំពោះសមាធិ គឺការតាំងចិត្តស៊ប់ក្នុងអារម្មណ៍ចាកគ្រឿងសៅហ្មង, ៦-សោវចស្សតា ធ្វើខ្លួនឱ្យគេប្រដៅងាយ បន្ទាន់កាយវាចាចិត្តទៅតាមដំបូន្មានលោកអ្នកចេះដឹង និង៧-កល្យាណមិត្តា មានកល្យាណមិត្ត គឺសេពគប់មិត្តល្អ ឬសេពគប់បណ្ឌិតអ្នកប្រាជ្ញ ។
គោរពទាំង៧ចំណុចនេះមិនមែនសម្រាប់តែបរិស័ទឧបាសកឧបាសិកាប៉ុណ្ណោះទេ ព្រះសង្ឃក៏គប្បីប្រកាន់យកតាមគោលធម៌នេះផងដែរ ដើម្បីញុំាងសាសនាមួយនេះឱ្យបានរុងរឿងយូរអង្វែង ។
ចែករំលែកព័តមាននេះ